പുതുമുഖ താരങ്ങളെ അണിനിരത്തി 666 പ്രൊഡക്ഷന്സിന്റെ ബാനറില് ഹസീബ് മേപ്പാട്ട് നിര്മ്മിച്ച് നവാഗതനായ കബീര് പുഴമ്പ്രം ഒരുക്കുന്ന പുതിയ സിനിമ 'ലാല് ജോസ്' സിനിമയുടെ ഫസ്റ്റ് ലുക്ക് പോസ്റ്റർ പുറത്തിറങ്ങി. മലയാളത്തിലെ പ്രമുഖ സംവിധായകനായ ലാല് ജോസിന്റെ പേരുതന്നെയാണ് ചിത്രത്തിന്റെ ടൈറ്റില്.
ഈയൊരു പുതുമയിലൂടെ തന്നെ ചിത്രം സോഷ്യല് മീഡിയയില് ചര്ച്ചയായിക്കഴിഞ്ഞിരുന്നു. സിനിമയെയും സിനിമ പ്രവര്ത്തകരെയും ആരാധിച്ചു നടക്കുന്ന ഒരു ചെറുപ്പക്കാരന്റെ ജീവിതത്തിലെ വഴിത്തിരിവാണ് ലാല്ജോസ് സിനിമയുടെ കേന്ദ്ര പ്രമേയം. സസ്പെന്സും ത്രില്ലും നിറഞ്ഞ ഒരു ഫാമിലി എന്റര്ടൈനറാണ് ലാല്ജോസ്.
ഒട്ടേറെ വെബ്സീരിയലുകളിലൂടെ ശ്രദ്ധേയനായ യുവനടന് ശാരിഖ് ആണ് ലാല്ജോസിലെ നായക കഥാപാത്രത്തെ അവതരിപ്പിക്കുന്നത്. പുതുമുഖ നടി ആന് ആന്ഡ്രിയയാണ് ഇതിലെ നായിക. ഭഗത് മാനുവല്, ജെന്സണ്, റിസബാവ, കലിങ്ക ശശി, ടോണി, മജീദ്, കലാഭവന് ഹനീഷ്, വിനോദ് കെടാമംഗലം, സാലു കുറ്റനാട്, ദേവി അജിത്ത്, ദേവിക, മാളവിക, ഫജ്ത, രാജേഷ് ശര്മ്മ, വി.കെ. ബൈജു എന്നിവരാണ് മറ്റ് അഭിനേതാക്കള്.
Content Highlight: The first look poster of the new movie 'Lal Jose' has been released
