---
title: "#Bazooka | മമ്മൂട്ടി ചിത്രം 'ബസൂക്ക'യുടെ ഷൂട്ടിങ് പൂർത്തിയായി "
english_title: "#shooting #Mammootty'#film #Bazooka #completed"
publisher: "moviemax.in"
canonical_url: "https://moviemax.in/news/193688/shooting-mammoottyfilm-bazooka-completed"
published_at: "2024-03-22T22:31:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/65fdb9b59de3d_tp.jpg"
keywords: []
---

# #Bazooka | മമ്മൂട്ടി ചിത്രം 'ബസൂക്ക'യുടെ ഷൂട്ടിങ് പൂർത്തിയായി 

> **Lead Summary:** **മ**മ്മൂട്ടി ചിത്രം ബസൂക്കയുടെ ഷൂട്ടിങ് പൂർത്തിയായി. 90 ​ദിവസം നീണ്ടു നിന്ന ഷൂട്ടിംഗ് ആണ് പൂർത്തിയായത്.

## Article Content

**മ**മ്മൂട്ടി ചിത്രം ബസൂക്കയുടെ ഷൂട്ടിങ് പൂർത്തിയായി. 90 ​ദിവസം നീണ്ടു നിന്ന ഷൂട്ടിംഗ് ആണ് പൂർത്തിയായത്.

ബിഗ് ബജറ്റിൽ ഒരുങ്ങുന്ന ഈ ചിത്രം ഗെയിം ത്രില്ലർ ആണ്. ഡിനോ ഡെന്നിസ് തിരക്കഥ എഴുതി സംവിധാനം ചെയ്യുന്ന ചിത്രമാണിത്. തെന്നിന്ത്യൻ നടനും സംവിധായകനുമായ ഗൗതം വാസുദേവ് മേനോനും ചിത്രത്തിൽ ‘ബെഞ്ചമിൻ ജോഷുവ’ എന്ന പ്രധാന കഥാപാത്രത്തെ അവതരിപ്പിക്കുന്നുണ്ട്.

തിയേറ്റർ ഓഫ് ഡ്രീംസിൻ്റെ ബാനറിൽ ജിനു വി. എബ്രഹാമും ഡോൾവിൻ കുര്യാക്കോസും സരിഗമയുടെ ഫിലിം സ്റ്റുഡിയോ ആയ യൂഡ്ലീ ഫിലിംസിന്റെ ബാനറിൽ വിക്രം മെഹ്‌റയും സിദ്ധാർത്ഥ് ആനന്ദ് കുമാറും ചേർന്നാണ് ചിത്രം നിർമിക്കുന്നത്.

സിദ്ധാർഥ് ഭരതൻ, ബാബു ആന്റണി, ഹക്കീം ഷാജഹാൻ, ഭാമ അരുൺ, ദിവ്യാ പിള്ള, ഡീൻ ഡെന്നിസ്, സുമിത് നേവൽ (ബിഗ് ബി ഫെയിം), സ്ഫടികം ജോർജ്, തുടങ്ങിയവരും അഭിനയിക്കുന്നു.

പൃഥ്വിരാജ് ചിത്രം ‘കാപ്പ’, ടൊവിനോ ചിത്രം ‘അന്വേഷിപ്പിൻ കണ്ടെത്തും’ എന്നിവക്ക് ശേഷം സരിഗമയും തിയേറ്റർ ഓഫ് ഡ്രീംസും ചേർന്ന് നിർമിക്കുന്ന സിനിമയാണ് ‘ബസൂക്ക’.

### Related Links & Sources
- [Original Story Source](https://moviemax.in/news/193688/shooting-mammoottyfilm-bazooka-completed)