ആർആർആർ പ്രദർശനവുമായി ബന്ധപ്പെട്ട് ജപ്പാനിലെത്തിയ സംവിധായകൻ എസ്. എസ് രാജമൗലിയും കുടുംബവും ഭൂചലനത്തിൽ അകപ്പെട്ടു. രാവിലെ ഭൂചലന മുന്നറിയിപ്പ് തന്റെ വാച്ചിൽ വന്നുവെന്നും, ഏതാനും നിമിഷങ്ങൾക്കുള്ളിൽ ഭൂചലനം അനുഭവപ്പെട്ടുവെന്നും രാജമൗലിയുടേ മകൻ എസ്. എസ് കാർത്തികേയ സോഷ്യൽ മീഡിയയിലൂടെ അറിയിക്കുകയായിരുന്നു .
‘ഭൂകമ്പത്തിൻ്റെ മുന്നറിയിപ്പ്: ശക്തമായ ഭൂകമ്പമുണ്ടാകാനുള്ള സാധ്യതയുണ്ട്. ശാന്തമായിരിക്കുക, സുരക്ഷിതമായ ഒരിടത്ത് അഭയം തേടുക. (ജപ്പാൻ കാലാവസ്ഥാ ഏജൻസി)’ എന്നാണ് കാർത്തികേയയുടെ വാച്ചിൽ വന്ന മുന്നറിയിപ്പ്.
റിക്ടർ സ്കെയിലിൽ 5.3 തീവ്രത രേഖപ്പെടുത്തിയ ഭൂചലനമാണ് ജപ്പാനിൽ അനുഭവപ്പെട്ടത്. എന്നാൽ ഭൂചലനം ഉണ്ടായപ്പോൾ തങ്ങൾ 28-ാംനിലയിലായിരുന്നുവെന്നും, ഇപ്പോൾ സുരക്ഷിതരാണെന്നും കാർത്തികേയ സോഷ്യൽ മീഡിയയിലൂടെ അറിയിച്ചു.
Content Highlight: #Rajamouli #family #hit #earthquake #Japan
