മലയാള സിനിമയിൽ കോർപറേറ്റുകൾ കടന്നുവരുന്നു എന്ന് വ്യക്തമാക്കി നിർമാതാവ് സാന്ദ്ര തോമസ് രംഗത്ത്. അഭിനേതാക്കൾ നിർമാതാക്കളായി വരുന്നതിനേക്കാൾ ഏറ്റവും വലിയ ഭീഷണി കോർപ്പറേറ്റുകൾ നിർമാണ രംഗത്തേക്ക് വരുന്നതാണെന്ന് സാന്ദ്ര വ്യക്തമാക്കി.
കോർപറേറ്റുകൾ വലിയ തോതിൽ പണമിറക്കുമ്പോൾ ചെറിയ നിർമാതാക്കളെ അത് ബാധിക്കുമെന്നും, ചെറിയ സിനിമകൾ ഇല്ലാതാകുമെന്നും സാന്ദ്ര തോമസ് പ്രമുഖ മാധ്യമത്തിന് നൽകിയ അഭിമുഖത്തിൽ പറഞ്ഞു.
സിനിമാ സെറ്റുകളിൽ സ്ത്രീകൾക്ക് നൽകുന്ന പരിഗണനയെക്കുറിച്ചും അഭിമുഖത്തിൽ സാന്ദ്ര തോമസ് വ്യക്തമാക്കി. ‘എനിക്ക് ഏറ്റവും കൂടുതൽ പ്രശ്നമുള്ളത് ബാത്ത് റൂമാണ്. ആണുങ്ങൾ പോയ ടോയ്ലറ്റിൽ പോകാൻ ഭയങ്കര ബുദ്ധിമുട്ടാണ്.
എനിക്കൊരു കാരവാൻ എന്തായാലും ഞാൻ മാറ്റിയിടും. ആദ്യമേ അക്കാര്യം പറയും. ആ കാരവാനിലെ ബാത്ത് റൂമിൽ സെറ്റിലെ സ്ത്രീകൾക്ക് പോകാം. വേറൊരു ആർട്ടിസ്റ്റിന്റെ കാരവാനിൽ പോയി പ്രശ്നമുണ്ടാകേണ്ട എന്നാണ് ഞാൻ ചിന്തിക്കുന്നത്, സാന്ദ്ര തോമസ് പറഞ്ഞു.
അതേസമയം, ഷെയ്ൻ നിഗത്തെ സിനിമകളിൽ നിന്ന് വിലക്കിയപ്പോൾ നടനെ പിന്തുണച്ച് രംഗത്തെത്തിയത് സാന്ദ്രയായിരുന്നു.
ഷെയ്നിനേക്കാൾ പ്രശ്നക്കാരായവർ സിനിമാ രംഗത്തുണ്ടെന്ന് അന്ന് സാന്ദ്ര തോമസ് പ്രതികരിച്ചിരുന്നു. എല്ലാവരും നടനെ എതിർത്തപ്പോൾ സാന്ദ്ര തോമസ് മാത്രമാണ് ഷെയ്നിനെ അനുകൂലിച്ച് രംഗത്തെത്തിയത്.
Content Highlight: #Corporates #trying #take #over #Malayalamcinema', #says #producer #SandraThomas
