ദിലീപ്-നാദിര്ഷ കൂട്ടുകെട്ടില് എത്തിയ ‘കേശു ഈ വീടിന്റെ നാഥന്’ ചിത്രത്തിന് മികച്ച പ്രതികരണങ്ങളാണ് ലഭിക്കുന്നത്. ഇന്നാണ് ചിത്രം ഡിസ്നി പ്ലസ് ഹോട്സ്റ്റാറില് റിലീസ് ചെയ്തത്. സിനിമയിലെ സഹപ്രവര്ത്തകര്ക്കായി പ്രത്യേക പ്രിവ്യു ഷോ കേശു ടീം സംഘടിപ്പിച്ചിരുന്നു.
ഇതിനിടെ സംവിധായകന് സത്യന് അന്തിക്കാട് പറഞ്ഞ വാക്കുകളാണ് ഇപ്പോള് ശ്രദ്ധ നേടുന്നത്. ഈ സിനിമയില് ദിലീപ് എന്ന താരമില്ല, ദിലീപ് എന്ന നടന്റെ വളര്ച്ച മാത്രമാണ് എന്നാണ് സത്യന് അന്തിക്കാട് പറയുന്നത്. ചിത്രത്തില് 67കാരനായ കേശു എന്ന കഥാപാത്രത്തെയാണ് ദിലീപ് അവതരിപ്പിക്കുന്നത്.
”വളരെ കാലമായി നമ്മള് മിസ് ചെയ്യുന്നൊരു ദിലീപുണ്ട്. മറ്റൊരു വേഷത്തില് മറ്റൊരാളായി പകര്ന്നാടുക ദിലീപിന് മാത്രം കഴിയുന്നൊരു മാജിക്കാണ്. അത്തരമൊരു പെര്ഫോമന്സാണ് കേശു ഈ വീടിന്റെ നാഥന്. ഈ സിനിമയില് ദിലീപ് എന്ന താരമില്ല, ദിലീപ് എന്ന നടന്റെ വളര്ച്ച മാത്രം” എന്നാണ് സത്യന് അന്തിക്കാട് പറയുന്നത്.
ദിലീപും ഉര്വശിയും ആദ്യമായി ഒന്നിക്കുന്ന ചിത്രം കൂടിയാണ് കേശു ഈ വീടിന്റെ നാഥന്. കേശുവിന്റെ ഭാര്യ രത്നമ്മ ആയാണ് ഉര്വശി വേഷമിടുന്നത്. തിരക്കഥ ഒരുക്കുന്നത് സജീവ് പാഴൂര് ആണ്. ഹാസ്യത്തിന് പ്രാധാന്യം നല്കി ഒരു ഫാമിലി എന്റര്ടൈയ്നര് ആയാണ് ചിത്രം ഒരുക്കുന്നത്.
നസ്ലിനും ജൂണ് ഫെയിം വൈഷ്ണവിയും ഇരുവരുടെയും മക്കളായി അഭിനയിക്കുന്നു. സിദ്ദീഖ്, സലീം കുമാര്, ഹരിശ്രീ അശോകന്, കലാഭവന് ഷാജോണ്, ഹരീഷ് കണാരന്, കോട്ടയം നസീര്, ഗണപതി, ബിനു അടിമാലി, അരുണ് പുനലൂര്, രമേശ് കുറുമശ്ശേരി, കൊല്ലം സുധി, അനുശ്രീ, വൈഷ്ണവി, സ്വാസിക, മഞ്ജു പത്രോസ്, നേഹ റോസ് തുടങ്ങിയ വന്താരനിര ചിത്രത്തില് അണിനിരക്കുന്നു.
Content Highlight: The words of director Sathyan Anthikkad are getting attention now.
