സീരിയല് താരങ്ങളായ നടി സ്വാസിക വിജയും പ്രേം ജേക്കബും വിവാഹിതരായിരിക്കുകയാണ്. കഴിഞ്ഞ കുറേ കാലമായി തന്റെ വിവാഹത്തെ കുറിച്ച് സ്വാസിക പല അഭിമുഖങ്ങളിലും പറഞ്ഞിരുന്നു.
എന്നാല് വിവാഹത്തീയ്യതി മാറ്റി പറഞ്ഞ് വളരെ രഹസ്യമായിട്ടാണ് നടിയിപ്പോള് വിവാഹിതയായത്. ഇതിന് പിന്നാലെ കല്യാണ സങ്കല്പ്പത്തെ കുറിച്ച് സ്വാസിക പറഞ്ഞ കാര്യങ്ങളും വൈറലാവുകയാണ്.
സിനിമാ തിരക്കുകള് കാരണം വിവാഹവസ്ത്രം വാങ്ങിക്കാനോ ആഭരണങ്ങള് വാങ്ങിക്കാനോ ഒന്നും തനിക്ക് സാധിച്ചിട്ടില്ലെന്നാണ് അവതാരക വീണയുടെ യൂട്യൂബ് ചാനലിന് നല്കിയ അഭിമുഖത്തിലൂടെ സ്വാസിക പറയുന്നത്. മാത്രമല്ല പ്രേം ക്രിസ്ത്യാനിയും സ്വാസിക ഹിന്ദുവും ആയതിന്റെ പ്രശ്നങ്ങള് വീടുകളില് ഉണ്ടായിരുന്നോ എന്നതിനടക്കമുള്ള മറുപടി നടി പറഞ്ഞിരിക്കുകയാണ്.
സൗഹൃദം, അല്ലെങ്കില് പ്രണയം എന്നൊന്നും ആദ്യം തോന്നിയിട്ടില്ലെന്നാണ് സ്വാസിക പറയുന്നത്. ആദ്യമൊരു സ്പാര്ക്ക് തോന്നിയത് എനിക്കാണ്. ഞാനത് ആദ്യമേ പ്രേമിനോട് തുറന്നു പറഞ്ഞെങ്കിലും അദ്ദേഹം ഒന്നും മിണ്ടിയില്ല.
പ്രേമിന്റെ കൂടെ ഇരിക്കുമ്പോള് ഒരു സമാധാനവും സന്തോഷവുമൊക്കെ തോന്നുന്നുണ്ടെന്ന് ഞാന് പറഞ്ഞിരുന്നു. കുറേ കാലം കഴിഞ്ഞിട്ടാണ് പ്രേം എനിക്കതിനുള്ള മറുപടി നല്കുന്നത്.
സ്വാസിക എന്റെ ജീവിതത്തിലേക്ക് വന്നതിന് നന്ദി എന്നാണ് പ്രേം പറഞ്ഞത്. അല്ലാതെ എനിക്ക് നിന്നെ ഇഷ്ടമാണെന്ന് ഒന്നുമായിരുന്നില്ല. പ്രേമിനും ഓക്കേ ആണെന്ന് തോന്നിയപ്പോള് ഞങ്ങള് പ്രണയവുമായി മുന്പോട്ട് പോവുകയായിരുന്നു.
നേരത്തെ എന്റെ കൂടെ അഭിനയിച്ചവരുമായി നല്ല കെമിസ്ട്രി ഉണ്ടായിരുന്നു. എങ്കിലും അവരെല്ലാവരും തന്നെ നേരത്തെ വിവാഹിതരായിരുന്നു. അതുകൊണ്ട് തന്നെ അവരെ ആ കണ്ണിലൂടെ കണ്ടിരുന്നില്ല. ആകെ ബാച്ചിലറായി ഒരാളുണ്ടായിരുന്നത് പ്രേം ആണ്.
ആള് ഭയങ്കര സൈലന്റ് ആണ്, നല്ലൊരു ലിസണര് ആണ്. അതൊക്കെയാണ് എന്നെ ഏറ്റവും കൂടുതല് അട്രാക്റ്റ് ചെയ്തതെന്ന് സ്വാസിക പറയുന്നു. നമ്മുടെ പങ്കാളി നമുക്ക് ഒരു ബഹുമാനം തരുന്ന ആളായിരിക്കണം.
എന്നെ ബഹുമാനിക്കുന്നതിനേക്കാള് ഉപരി എന്റെ പ്രൊഫെഷനെ ബഹുമാനിക്കുന്ന ആളായിരിക്കണം എന്നുണ്ടായിരുന്നു. പ്രേം ഐടി ഫീല്ഡില് വര്ക്ക് ചെയ്തിട്ട് ഈ മേഖലയിലേക്ക് എത്തിയ ആളാണ്. അദ്ദേഹത്തിന്റെ പാഷന് സിനിമയാണ്.
സിനിമ എന്ന മേഖലയെ സ്നേഹിക്കുന്ന ആളായതുകൊണ്ടാകും എനിക്കും ഇത്ര കണക്ടഡ് ആയത്. പ്രേം ഡോമിനേറ്റ് ചെയ്യുന്ന ആളൊന്നുമല്ല. നേരെ ഓപ്പോസിറ്റായിട്ടുള്ള ആളാണ്. എന്റെ ആഗ്രഹം അതായിരുന്നു. എന്നാല് അങ്ങനെ അല്ലാത്ത ഒരാള് അങ്ങനെ ആകണമെന്നില്ല.
പ്രേം ഓവര് ഫ്രീഡം തരുന്ന ആളാണ്, വേണ്ട വേണ്ട എന്ന് പറയുന്നത് എല്ലാം നമ്മളിലേക്ക് വരുന്ന പോലെയാണ്. ഞങ്ങളുടെ ബന്ധം വീട്ടില് അവതരിപ്പിച്ചപ്പോള് അമ്മ നോ എന്ന് പറഞ്ഞില്ല. കാരണം എന്റെ കൂടെ ലൊക്കേഷനില് വന്നിട്ട് അമ്മ പ്രേമിനെ കണ്ടിട്ടുണ്ട്.
ഇഷ്ടവുമാണ്. എന്നാല് നമ്മള് അങ്ങോട്ട് പോകണ്ട, അവര് വീട്ടില് ആലോചിച്ചിട്ട് ഇഷ്ടമാണെങ്കില് ഇങ്ങോട്ട് വരട്ടെ. കല്യാണം കഴിപ്പിക്കാമെന്ന് മാത്രമാണ് അമ്മ പറഞ്ഞത്. പിന്നെ പ്രേം ക്രിസ്ത്യനിയാണെന്ന ചിന്തയൊന്നും എന്റെ വീട്ടില് ഉണ്ടായിരുന്നില്ല.
പ്രേമിന്റെ അച്ഛനും പ്രശ്നങ്ങളൊന്നും ഉണ്ടായിരുന്നില്ല. എന്നാല് അമ്മക്ക് തുടക്കത്തിലെ അത് ശരിയാകുമോ എങ്ങനെയായിരക്കും, വളര്ന്ന രീതികളൊക്കെ വേറെയല്ല എന്നൊരു കണ്സേണ് ഉണ്ടായിരുന്നു. കല്യാണം നടത്താന് സമ്മതിക്കില്ലെന്നല്ല പറഞ്ഞത്. സാധാരണ അമ്മമാര്ക്ക് ഉണ്ടാവുന്ന കണ്ഫ്യൂഷനായിരുന്നു. പിന്നെ അമ്മയും, ഞാനും പ്രേമിന്റെ വീട്ടുകാരും എല്ലാവരും ഒരുമിച്ചിരുന്ന് സംസാരിച്ചപ്പോള് ഓക്കേ ആയെന്നും സ്വാസിക പറയുന്നു.
Content Highlight: #Swasika #said #about #concept #marriage #going #viral.
