ബോളിവുഡിലെ മുൻനിര നായികമാരിൽ ഒരാളാണ് വിദ്യാ ബാലൻ. വ്യത്യസ്തമായ ഒരുപിടി കഥാപാത്രങ്ങളെ അവതരിപ്പിച്ചാണ് വിദ്യ തന്റേതായൊരു ഇടം കണ്ടെത്തിയത്. ഈ തലമുറയിലെ ഏറ്റവും കഴിവുള്ള നടിമാരിൽ ഒരാളായാണ് വിദ്യ വിശേഷിപ്പിക്കപ്പെടുന്നത്. അഭിനയത്തിന് പുറമെ തന്റെ വ്യക്തിത്വം കൊണ്ടും ശ്രദ്ധ നേടാൻ വിദ്യക്ക് കഴിഞ്ഞു. ശരീര ഭാരത്തിന്റെ പേരിൽ നിരവധി വിമർശനങ്ങളും പരിഹാസങ്ങളുമൊക്കെ താരത്തിന് കേൾക്കേണ്ടി വന്നിട്ടുണ്ട്.
എന്നാൽ അതിനെല്ലാം നേരിട്ടും തന്റെ പ്രകടനങ്ങളിലൂടെയുമെല്ലാം മറുപടി നൽകി മുന്നോട്ട് പോവുകയായിരുന്നു വിദ്യ ബാലൻ. ഇപ്പോഴിതാ അതേക്കുറിച്ച് സംസാരിച്ചിരിക്കുകയാണ് നടി. ക്യാമറയ്ക്ക് മുന്നിൽ നിൽക്കുമ്പോൾ സ്വന്തം ശരീരത്തെ കുറിച്ച് ചിന്തിച്ച് വിഷമിക്കാറില്ലെന്നും മറ്റുള്ളവർ നമ്മളെ എങ്ങനെ വിലയിരുത്തുന്നതിലല്ല നമ്മൾ എങ്ങനെ സ്വയം വിലയിരുത്തുന്നു എന്നതിലാണ് കാര്യമെന്നും വിദ്യാ ബാലൻ പറയുന്നു. ഞാൻ ക്യാമറയെ വളരെയധികം സ്നേഹിക്കുന്നു, ഞാൻ അതിനെ വളരെയധികം വിശ്വസിക്കുന്നു.
അത് എപ്പോഴും എന്നെ തിരികെ സ്നേഹിക്കുമെന്ന് ഞാൻ വിശ്വസിക്കുന്നു. അവർ എങ്ങനെ വിലയിരുത്തുന്നു എന്നതിനെക്കുറിച്ച് മറക്കുക, നമ്മൾ സ്വയം എങ്ങനെ വിലയിരുത്തുന്നു എന്നതാണ് പ്രധാനം വിദ്യാ ബാലൻ പറയുന്നു. സ്ത്രീകളെ സംബന്ധിച്ച് നമ്മുടെ ശരീരമാണ് നമ്മുടെ സ്വത്വത്തിന്റെ വലിയൊരു ഭാഗം രൂപപ്പെടുത്താൻ സഹായിക്കുന്നത് വിദ്യാ ബാലൻ വ്യക്തമാക്കി. ഞാൻ എന്റെ ശരീരത്തിലേക്ക് വെറുപ്പ് മാത്രമേ അയയ്ക്കുന്നുള്ളൂവെന്ന് ഞാൻ മനസ്സിലാക്കി.
ഞാൻ ആഗ്രഹിക്കുന്നതുപോലെയല്ല നീ' എന്ന് ഞാൻ നിരന്തരം പറഞ്ഞുകൊണ്ടിരുന്നു. ഇന്ന് എഴുന്നേൽക്കുമ്പോൾ തന്നെ എനിക്ക് എന്നെ കുറിച്ച് സന്തോഷം തോന്നുന്നു. അങ്ങനെ അല്ലാത്ത ദിവസങ്ങളിൽ, കുഴപ്പമില്ല നാളെ നല്ലൊരു ദിവസമായിരിക്കുമെന്ന് എനിക്ക് തന്നെ പറയാൻ സാധിക്കുന്നു വിദ്യാ ബാലൻ പറഞ്ഞു. കുട്ടിക്കാലത്ത് താൻ അനുഭവിച്ച ഗുരുതരമായ ശരീര പ്രതിച്ഛായ പ്രശ്നങ്ങളെ കുറിച്ച് പറയുകയും ചെറുപ്രായത്തിൽ തന്നെ കർശനമായ ഭക്ഷണക്രമം പിന്തുടരാൻ അമ്മ പ്രേരിപ്പിച്ചതിനെ കുറിച്ച് പറയുകയും ചെയ്തിരുന്നു വിദ്യാ ബാലൻ പറഞ്ഞു .
Content Highlight: #Ihated #mybody #thishelped #change #VidyaBalan #openup
