തെന്നിന്ത്യന് സിനിമയിലെ താരദമ്പതികളായ സമാന്തയും നാഗചൈതന്യയും വേര്പിരിഞ്ഞത് അടുത്തിടെയായിരുന്നു. ഇരുവരും തമ്മില് പൊരുത്തക്കേടുകളുണ്ടെന്ന തരത്തിലുള്ള റിപ്പോര്ട്ടുകള് പ്രചരിച്ചതിന് പിന്നാലെയായാണ് വിവാഹബന്ധം പിരിയുകയാണെന്നതിനെക്കുറിച്ച് സ്ഥിരീകരണമുണ്ടായത്.
4 വര്ഷത്തെ ദാമ്പത്യ ജീവിതത്തിനൊടുവിലായാണ് ഇരുവരും വഴിപിരിഞ്ഞത്. വീണ്ടും ഒന്നിച്ചൂടേയെന്നായിരുന്നു ആരാധകര് ഇവരോട് ചോദിച്ചത്. സാമും നാഗയും മുന്പ് നല്കിയ അഭിമുഖങ്ങള് വീണ്ടും വൈറലായി മാറുന്നുണ്ട്. കഥാപാത്രങ്ങളെ തിരഞ്ഞെടുക്കുന്നതിനെക്കുറിച്ച് ചോദിച്ചപ്പോഴുള്ള നാഗചൈതന്യയുടെ പ്രതികരണം ചര്ച്ചയായി മാറിയിരിക്കുകയാണ്.
എല്ലാതരം കഥാപാത്രങ്ങളും ചെയ്യാന് തയ്യാറായിട്ടുള്ളയാള് തന്നെയാണ് താനെന്നായിരുന്ന നാഗചൈതന്യ പറഞ്ഞത്. എന്നാല് അത് തന്റെ കുടുംബത്തേയും അഭിമാനത്തേയും ബാധിക്കുന്നതാവരുത്. അവര്ക്ക് മോശം തോന്നിപ്പിക്കുന്നതോ നാണക്കേടുണ്ടാക്കുന്നതോ ആയ കഥാപാത്രങ്ങള് താന് സ്വീകരിക്കില്ലെന്നായിരുന്നു നാഗചൈതന്യ വ്യക്തമാക്കിയത്.
സാമിനുള്ള മറുപടിയായാണ് ഇതിനെ ആരാധകര് കാണുന്നത്. നാഗയുടെ വാക്കുകള് ലക്ഷ്യമാക്കുന്നത് സാമിനെയാണോയെന്നായിരുന്നു ചോദ്യങ്ങള്. പുഷ്പയില് ഐറ്റം ഡാന്സുമായി സമാന്ത എത്തുന്നുണ്ട്.
ജീവിതത്തിലെ അപ്രതീക്ഷിത പ്രതിസന്ധിയെ ധൈര്യമായി തരണം ചെയ്യാനായതിനെക്കുറിച്ചും സമാന്ത വാചാലയായിരുന്നു. ഒരു അഭിമുഖത്തിനിടയിലായിരുന്നു സമാന്ത വിവാഹമോചനത്തെക്കുറിച്ച് പ്രതികരിച്ചത്. ജീവിതത്തിലെ നല്ലതും ചീത്തയുമായ അനുഭവങ്ങള് തിരിച്ചറിഞ്ഞ് അത് മനസിലാക്കി മുന്നോട്ട് പോയാല് മിക്ക പ്രശ്നങ്ങളും മാറും. ഇനിയും ജീവിതമുണ്ടെന്ന ബോധ്യത്തോടെ മുന്നേറുകയാണ് വേണ്ടതെന്നാണ് തന്റെ നയമെന്നും സമാന്ത പ്രതികരിച്ചിരുന്നു.
വിവാഹമോചനം തന്നെ വല്ലാതെ തളര്ത്തിക്കളയുമോയെന്ന തരത്തിലുള്ള ഭയമുണ്ടായിരുന്നു. താനിത്രയും ശക്തയാണെന്ന് തിരിച്ചറിഞ്ഞ നിമിഷങ്ങളായിരുന്നു ദുര്ബലയായ വ്യക്തിയാണ് ഞാനെന്നാണ് കരുതിയത്. വിവാഹമോചനത്തോടെ താന് മരിച്ച് പോവുമെന്നാണ് കരുതിയത്. എന്നാല് ആ അവസ്ഥയേയും ധീരമായി നേരിടാന് കഴിഞ്ഞുവെന്നും താരം വ്യക്തമാക്കിയിരുന്നു.
നാഗചൈതന്യയുമായി വേര്പിരിഞ്ഞതിന് പിന്നാലെയായി സമാന്തയ്ക്കെതിരെയുള്ള വിമര്ശനങ്ങളും രൂക്ഷമായിരുന്നു. സമാന്ത കാരണമാണ് വിവാഹമോചനമെന്ന തരത്തിലായിരുന്നു കമന്റുകള്.
പരപുരുഷബന്ധവും അമ്മയാവാന് തയ്യാറാകാത്തതുമൊക്കെയാണ് വിവാഹമോചനത്തിന് പിന്നിലെ കാരണമെന്ന കമന്റുകളുമുണ്ടായിരുന്നു. കാര്യങ്ങള് അറിയാതെ പ്രതികരിച്ചവര്ക്ക് ശക്തമായ മറുപടിയായിരുന്നു സമാന്ത നല്കിയത്.
Content Highlight: Previous interviews with Sam and Naga are once again going viral.
