---
title: "#SiddharthandAditi  |   സിദ്ധാർഥും അദിതിയും പ്രണയത്തിൽ; പങ്കാളി എന്ന് വിളിച്ച് പിറന്നാൾ ആശംസ നേർന്ന് താരം"
english_title: "#Siddharth #Aditi #inlove #actor #wished #birthday #calling #partner"
publisher: "moviemax.in"
canonical_url: "https://moviemax.in/news/157714/siddharth-aditi-inlove-actor-wished-birthday-calling-partner"
published_at: "2023-10-28T22:23:00+05:30"
category: "Kollywood"
language: "ml"
image: "https://cf.zdn.im/img/truevisionnews.com/0/image-uploads/653d3d5c226ab_pic_1.jpg"
keywords: []
---

# #SiddharthandAditi  |   സിദ്ധാർഥും അദിതിയും പ്രണയത്തിൽ; പങ്കാളി എന്ന് വിളിച്ച് പിറന്നാൾ ആശംസ നേർന്ന് താരം

> **Lead Summary:** സൂഫിയും സുജാതയും എന്ന സിനിമയിലൂടെ മലയാളികളുടെ മനംകവര്‍ന്ന നടിയാണ് അദിതി റാവു ഹൈദരി. ബോളിവുഡിലും തെന്നിന്ത്യൻ സിനിമകളിലും ഒരുപോലെ തിളങ്ങി നിൽക്കുന്ന അദിതിയുടെ ജന്മദിനമാണ് ഇന്ന്. താരത്തിന് 37 വയസ്സ് പൂർത്തിയായിരിക്കുകയാണ്. സോഷ്യല്‍ മീഡിയയിലൂടെ ആരാധകരും സഹപ്രവര്‍ത്തകരുമടക്കം നിരവധി പേരാണ് അദിതിയ്ക്ക് ആശംസകള്‍ അറിയിച്ച് എത്തിയിരിക്കുന്നത്.

## Article Content

സൂഫിയും സുജാതയും എന്ന സിനിമയിലൂടെ മലയാളികളുടെ മനംകവര്‍ന്ന നടിയാണ് അദിതി റാവു ഹൈദരി. ബോളിവുഡിലും തെന്നിന്ത്യൻ സിനിമകളിലും ഒരുപോലെ തിളങ്ങി നിൽക്കുന്ന അദിതിയുടെ ജന്മദിനമാണ് ഇന്ന്. താരത്തിന് 37 വയസ്സ് പൂർത്തിയായിരിക്കുകയാണ്. സോഷ്യല്‍ മീഡിയയിലൂടെ ആരാധകരും സഹപ്രവര്‍ത്തകരുമടക്കം നിരവധി പേരാണ് അദിതിയ്ക്ക് ആശംസകള്‍ അറിയിച്ച് എത്തിയിരിക്കുന്നത്.

അതിനിടെ നടന്‍ സിദ്ധാര്‍ഥ് പങ്കുവെച്ച പിറന്നാൾ ആശംസ വൈറലായി മാറുകയാണ്. കഴിഞ്ഞ കുറച്ചു വർഷങ്ങളായി ഗോസിപ്പ് കോളങ്ങളിൽ നിറയുന്ന ഒന്നാണ് ഇരുവരുടെയും പ്രണയം. 2021ൽ പുറത്തിറങ്ങിയ മഹാസമുദ്രം എന്ന സിനിമയിൽ ഇരുവരും ഒരുമിച്ച് അഭിനയിച്ചിരുന്നു. ഇതിനു പിന്നാലെയാണ് ഇരുവരും പ്രണയത്തിലാണെന്ന വാർത്തകൾ പ്രചരിച്ചത്. ഇടയ്ക്ക് ഇരുവരും വിവാഹിതരാകാൻ ഒരുങ്ങുന്നു എന്ന രീതിയിലും റിപ്പോർട്ടുകൾ വന്നിരുന്നു.

എന്നാൽ ഇതിനൊന്നും ഇരുവരും വ്യക്തമായ മറുപടി നൽകാൻ തയ്യാറായിരുന്നില്ല. അതുകൊണ്ട് തന്നെ പ്രിയതമയുടെ ജന്മദിനത്തിന് സന്ദേശവുമായി സിദ്ധാർഥ് എത്തുമോ എന്ന കാത്തിരിപ്പിലായിരുന്നു ആരാധകർ. ഒടുവില്‍ പ്രണയത്തിലാണെന്ന അഭ്യൂഹങ്ങൾ ശക്തമാകുന്ന വിധത്തിൽ അദിതിക്ക് പിറന്നാൾ ആശംസകളുമായി എത്തിയിരിക്കുകയാണ് സിദ്ധാർഥ്. അദിതിയുടെ രണ്ട് ചിത്രങ്ങൾ പങ്കുവച്ച്, 'ഇവള്‍ സുന്ദരിയല്ലേ' എന്ന് ചോദിച്ചുകൊണ്ടാണ് സിദ്ധാർത്ഥിന്റെ പോസ്റ്റ് തുടങ്ങുന്നത്.

'ഹാപ്പി ബേര്‍ത്ത് ഡേ പാര്‍ട്ണര്‍, അങ്ങനെ ആയിരിക്കുന്നതിന് നന്ദി' എന്ന് എഴുതിയ സിദ്ധാർഥ് നാലുവരി കവിതയും അദിതിക്കായി കുറിച്ചിട്ടുണ്ട്. അവസാനം, 'ഞങ്ങളെ സ്വയം കാണിച്ചു തന്നതിന് നന്ദി, സത്യസന്ധരായിരിക്കുക.ഈ പ്രണയം പരാജയപ്പെടാതെ എന്നും ഉണ്ടാവും' എന്നും സിദ്ധാർഥ് കുറിക്കുന്നു. സിദ്ധാർഥിന്റെ പോസ്റ്റും അദിതിയുടെ മറുപടിയുമെല്ലാം ആരാധകരെ സംശയത്തിലാക്കിയിരിക്കുകയാണ്.

ഇരുവരും യാഥാർത്ഥത്തിൽ പ്രണയത്തിലാണോ പാർട്ണർ എന്ന് വിളിച്ചത് കാമുകി ആയത് കൊണ്ടാണോ എന്നൊക്കെയാണ് ആരാധകരുടെ സംശയങ്ങൾ. അതേസമയം ഗോസിപ്പുകള്‍ക്ക് ഫുള്‍സ്റ്റോപ്പിടാന്‍ സിദ്ധാര്‍ത്ഥ് മനപൂര്‍വ്വം, കളിയാക്കുന്നവിധം ഇട്ട പോസ്റ്റാണോ എന്നും ആരാധകർ സംശയിക്കുന്നു. അതേസമയം നിരവധിപേരാണ് സിദ്ധാർത്ഥിന്റെ പോസ്റ്റിന് താഴെ അദിതിക്ക് ആശംസകളുമായി എത്തുന്നത്. . അടുത്തിടെ സിദ്ധാർത്ഥിന്റെ പിറന്നാൾ ദിനത്തിൽ അദിതി പങ്കുവെച്ച പോസ്റ്റും വൈറലായിരുന്നു. ര

### Related Links & Sources
- [Original Story Source](https://moviemax.in/news/157714/siddharth-aditi-inlove-actor-wished-birthday-calling-partner)