സിനിമാ രംഗത്ത് വർഷങ്ങളായി തുടരുന്ന നടിയാണ് പായൽ ഘോഷ്. പലപ്പോഴും വിവാദങ്ങളിൽ അകപ്പെട്ട പായൽ ഘോഷ് ബോളിവുഡിൽ മീടൂ ആരോപണങ്ങൾ ശക്തമായ ഘട്ടത്തിലാണ് വാർത്താ പ്രാധാന്യം നേടിയത്. സംവിധായകൻ അനുരാഗ് കശ്യപ് തന്നെ പീഡിപ്പിക്കാൻ ശ്രമിച്ചു എന്ന ആരോപണവുമായി പായൽ രംഗത്ത് വന്നു. ആരോപണം വലിയ കോളിളക്കം സൃഷ്ടിച്ചു.
പായലിന്റെ ആരോപണം വ്യാജമാണെന്ന് അനുരാഗ് കശ്യപ് തുറന്നടിച്ചു. എന്നാൽ തന്റെ പരാതിയിൽ നിന്ന് പിന്മാറാൻ പായൽ തയ്യാറായില്ല. ഇപ്പോഴിതാ ബോളിവുഡിനെതിരെ വീണ്ടും രംഗത്ത് വന്നിരിക്കുകയാണ് പായൽ ഘോഷ്. ബോളിവുഡിൽ നടിമാരെക്കുറിച്ചുള്ള മനോഭാവത്തിനെതിരെയാണ് നടി പ്രതികരിച്ചത്. തെന്നിന്ത്യൻ സിനിമാ മേഖലയിൽ താൻ തുടക്കം കുറിച്ചതിൽ ദൈവത്തോട് നന്ദിയുണ്ട്. ബോളിവുഡിലായിരുന്നു തന്റെ അരങ്ങേറ്റമെങ്കിൽ വസ്ത്രങ്ങൾ അഴിച്ച് എന്നെയവർ സമ്മാനിച്ചേനെ.
കാരണം ക്രിയേറ്റിവിറ്റിയേക്കാൾ സ്ത്രീ ശരീരമാണ് ബോളിവുഡ് ഉപയോഗിക്കുന്നതെന്ന് പായൽ ഘോഷ് സോഷ്യൽ മീഡിയയിലൂടെ തുറന്നടിക്കുകയും ചെയ്തു. കഴിഞ്ഞ ദിവസവും സമാന ആരോപണം പായൽ ഘോഷിന്റെ ഭാഗത്ത് നിന്നുണ്ടായി. അവസരം ലഭിക്കണമെങ്കിൽ നടിമാർ കിടക്ക പങ്കിടേണ്ട സാഹചര്യമാണെന്ന് പായൽ ഘോഷ് ആരോപിച്ചു. ഫയർ ഓഫ് ലൗ: റെഡ് എന്ന ചിത്രം എന്റെ പതിനൊന്നാമത്തെ സിനിമയാണ്.
ഞാൻ ആരുടെയെങ്കിലും കൂടെ കിടന്നിരുന്നെങ്കിൽ ഇത് എന്റെ മുപ്പതാമത്തെ സിനിമയായേനെയെന്നും പായൽ ഘോഷ് തുറന്നടിച്ചു. പായൽ ഘോഷിന്റെ പ്രസ്താവനയെ അനുകൂലിച്ചും വിമർശിച്ചും നിരവധി പേർ രംഗത്ത് വന്നിരുന്നു . എന്നാൽ ജനശ്രദ്ധ ലഭിക്കാൻ വേണ്ടിയാണ് പായൽ ഇത്തരം പരാമർശങ്ങൾ നടത്തുന്നതെന്നാണ് വിമർശകരുടെ വാദം. തെന്നിന്ത്യൻ സിനിമാ ലോകത്തെ സ്ത്രീവിരുദ്ധതയും ഇവർ ചൂണ്ടിക്കാട്ടിയിരുന്നു.
Content Highlight: #If #ihad #slept #with #someone #itwould #been #mythirtieth #film #Actress #PayalGhosh
