തെന്നിന്ത്യയിലും ബോളിവുഡിലും ഒരുപോലെ വിജയം കണ്ടെത്താന് സാധിച്ച വളരെ ചുരുക്കം നടിമാരില് ഒരാളാണ് ഇലിയാന. 2006 ല് പുറത്തിറങ്ങിയ ദേവദാസു എന്ന തെലുങ്ക് ചിത്രത്തിലൂടെയാണ് ഇലിയാന കരിയര് ആരംഭിക്കുന്നത്. പിന്നീട് തമിഴിലും കന്നഡത്തിലും സാന്നിധ്യമറിയിച്ച ശേഷമാണ് ഇലിയാന ബോളിവുഡിലേക്ക് എത്തുന്നത്. ബര്ഫിയാണ് ഇലിയാനയുടെ ബോളിവുഡിലെ ആദ്യ ചിത്രം.
ചിത്രം സൂപ്പര് ഹിറ്റായി മാറിയതോടെ ഇലിയാനയ്ക്ക് പിന്നെ തിരഞ്ഞു നോക്കേണ്ടി വന്നിട്ടില്ല. പിന്നീട് ബോളിവുഡിലെ നിരവധി ഹിറ്റുകളുടെ ഭാഗമാകാന് ഇലിയാനയ്ക്ക് സാധിച്ചു. അതിനിടെ ജീവിതത്തിലെ മാതൃത്വം ആഘോഷിക്കുകയാണ് താരമിപ്പോൾ. താനൊരു ആൺകുഞ്ഞിന് ജന്മം നൽകിയ വിവരം അടുത്തിടെയാണ് ഇലിയാന ആരാധകരെ അറിയിച്ചത്. കോ ഫിനിക്സ് ഡോളന് എന്നാണ് മകന്റെ പേര്.
താന് ഗര്ഭിണിയായ വിവരം ഏപ്രിലിലാണ് ഇലിയാന ആരാധകരെ അറിയിക്കുന്നത്. അവിവാഹിതയായിരുന്ന ഇലിയാന കുട്ടിയുടെ അച്ഛന് ആരെന്ന് വ്യക്തമാക്കിയിരുന്നില്ല. ഇതുസംബന്ധിച്ച് പല കഥകളും സോഷ്യല് മീഡിയയില് പ്രചരിച്ചു. ഒപ്പം കടുത്ത സദാചാര ആക്രമണവും ഇലിയാനയ്ക്ക് നേരിടേണ്ടി വന്നു. പിന്നാലെ താരം തന്റെ കാമുകനെ ലോകത്തിന് പരിചയപ്പെടുത്തി. അതിനിടെ ഗർഭിണിയായ ശേഷം ഇരുവരും വിവാഹിതരാവുകയുണ്ടായി എന്ന റിപ്പോർട്ടുകളും പുറത്തുവന്നു.
ഇപ്പോൾ അമ്മയായുള്ള ജീവിതം ആസ്വദിക്കുകയാണ് ഇലിയാന. അമ്മയായ ശേഷം സോഷ്യൽ മീഡിയയിൽ ഒന്നും അത്ര സജീവമല്ല താരം. അടുത്തിടെ ഒരു അഭിമുഖത്തിൽ ഇലിയാന തെലുങ്ക് സംവിധായകരെ കുറിച്ച് നടത്തിയ ഒരു പരാമർശവും സോഷ്യൽ മീഡിയയിൽ വൈറലായി മാറുകയാണ്. ഇലിയാനയുടെ പെരുമാറ്റം തെലുങ്ക് ആരാധകരെ ചൊടിപ്പിച്ചിരിക്കുകയാണ്. എല്ലാ സിനിമകളിലും സംവിധായകരുടെ ശ്രദ്ധ തന്റെ അരക്കെട്ടിലായിരുന്നുവെന്നും അത് അരോചകമായിരുന്നെന്നും നടി പറഞ്ഞു.
തെലുങ്കിലെ സൂപ്പർ താരങ്ങൾക്കൊപ്പം മുൻനിര സംവിധായകരുടെ സിനിമകളിൽ ഞാൻ അഭിനയിച്ചിട്ടുണ്ടെങ്കിലും . ഒരു സംവിധായകനും അഭിനയത്തിന് പ്രാധാന്യമുള്ള വേഷം എനിക്ക് നൽകിയിട്ടില്ല. അവരുടെ ശ്രദ്ധ മുഴുവൻ എന്റെ അരക്കെട്ടിലായിരുന്നു. എന്റെ അരക്കെട്ട് ഏത് ആംഗിളിൽ കാണിക്കണം എന്ന് മാത്രമാണ് അവർ ചിന്തിച്ചിരുന്നത് ഇലിയാന പറഞ്ഞു.
ചിലർ ഇലിയാനയെ പിന്തുണച്ച് രംഗത്തെത്തിയപ്പോൾ മറ്റു ചിലർ നടിക്കെതിരെ വലിയ വിമർശനമാണ് ഉന്നയിച്ചത്,ടോളിവുഡ് സംവിധായകർ കാരണമാണ് ഇലിയാനയ്ക്ക് താരപദവി കിട്ടിയതെന്നാണ് ചിലർ പറയുന്നത്. വന്ന വഴി മറന്നു കൊണ്ടുള്ള പരാമർശമാണ് ഇലിയാനയുടേത് എന്നാണ് ചിലർ അഭിപ്രായപ്പെടുന്നത്. തന്റെ അഭിപ്രായങ്ങളും നിലപാടുകളും തുറന്നു പറയാൻ മടിക്കാത്ത നടിയാണ് ഇലിയാന. ഇലിയാനയുടെ പല നിലപാടുകളും സോഷ്യല് മീഡിയയുടെ കയ്യടി നേടിയിട്ടുണ്ട്.
Content Highlight: #eyes #all those #directors #were #mywaist #ActressIleana #openedup
