മകള്ക്കൊപ്പമുള്ള റീല് വീഡിയോ പുറത്ത് വന്നതോടെയാണ് നിത്യ ദാസ് വീണ്ടും പ്രേക്ഷക ശ്രദ്ധ ആകര്ഷിച്ചത്. പിന്നീട് സ്റ്റാര് മാജിക്കില് എത്തിയ ഒരു എപ്പിസോഡ് വിവാദമായതോടെ വീണ്ടും നിത്യ ദാസിനെ കുറിച്ചുള്ള വിശേഷങ്ങള് സോഷ്യല് മീഡിയയില് സജീവമായി. തന്റെ ആദ്യ ചിത്രത്തെ കുറിച്ച് നേരത്തെ ഒരു അഭിമുഖത്തില് നിത്യ ദാസ് പറഞ്ഞ കാര്യങ്ങളാണ് ഇപ്പോള് വൈറലാവുന്നത്. താന് സിനിമയിലേക്ക് എത്താന് കാരണം മഞ്ജു വാര്യര് ആണെന്നാണ് നിത്യ ദാസ് പറഞ്ഞത്.
ഈ പറക്കും തളിക എന്ന ചിത്രത്തിലൂടെ 2001 ല് ആണ് നിത്യ ദാസിന്റെ വെള്ളിത്തിരാ പ്രവേശനം. അഭിനയം തന്റെ ജീവിതത്തില് സംഭവിയ്ക്കുകയായിരുന്നു എന്നാണ് നിത്യ പറഞ്ഞത്. ഒരു മാഗസിന് കവറില് തന്റെ ഫോട്ടോ കണ്ട മഞ്ജു ചേച്ചിയാണ് ചിത്രത്തിലേക്ക് തന്റെ പേര് നിര്ദ്ദേശിച്ചത് എന്നാണ് നടി പറയുന്നു. അന്ന് നിത്യ ടീനേജ്കാരിയായിരുന്നുവത്രെ.
വി ആര് ഗോപാലകൃഷ്ണന്റെ തിരക്കഥയില് താഹ സംവിധാനം ചെയ്ത ചിത്രം മലയാളത്തിന്റെ എക്കാലത്തെയും എവര്ഗ്രീന് ഹിറ്റ് ആണ്. ദിലീപ് നായകനായി എത്തിയ ചിത്രത്തില് ഹരിശ്രീ അശോകന്, കൊച്ചിന് ഹനീഫ എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിച്ചത്.
ഈ പറക്കും തളിക എന്ന ആദ്യ ചിത്രത്തിലൂടെ തന്നെ നിരവധി പുരസ്കാരങ്ങളും നിത്യയെ തേടിയെത്തിയിരുന്നു. കണ്മഷി എന്ന ചിത്രത്തിലെ വേഷവും ശ്രദ്ധേയമായിരുന്നു. തുടര്ന്ന ചെറുതും വലുതുമായ നിരവധി വേഷങ്ങള് ചെയ്തു. തമിഴില് രണ്ട് സിനിമകളും തെലുങ്കില് ഒരു സിനിമകളും ചെയ്ത് നിത്യ ദാസ് സിനിമയില് നിന്നും മാറി നിന്നു.
സിനിമകളില് അവസരം കാര്യമായി വരാതായതോടെ നിത്യ ദാസ് ടെലിവിഷന് സീരിയലുകളില് ശ്രദ്ധ കേന്ദ്രീകരിച്ചു. സൂര്യ ടീവിയിലും സണ് ടിവിയിലുമായി സംപ്രേക്ഷണം ചെയ്ത സീരിയലുകളാണ് നിത്യയ്ക്ക് കൂടുതല് ശ്രദ്ധ നേടിക്കൊടുത്തത്. തമിഴില് ചെയ്ത ഇദയം, അക്ക പോലുള്ള സീരിയലുകളിലെ വേഷം കരിയറിലെ നേട്ടമാണ്.
പ്ലെയിനില് വച്ച് കണ്ട് പ്രണയത്തിലായതാണ് നിത്യ ദാസും അരവിന്ദ് സിംഗ് ജൗളയും. 2005 ല് ഗുരുവായൂര് അമ്പല നടയില് വച്ചായിരുന്നു വിവാഹം. വിവാഹ ശേഷം കശ്മീരിലേക്ക് പോയ നിത്യയും കുടുംബവും ഇപ്പോള് കോഴിക്കോട് സെറ്റില്ഡ് ആണ്. സിനിമയില് നല്ല വേഷം കിട്ടിയാല് ഇപ്പോഴും നിത്യ അഭിനയിക്കാന് തയ്യാറാണ്.
Content Highlight: 'Manju Warrier is the reason she came to cinema' - Nithya Das
