ബോളിവുഡിലെ ഏറ്റവും താരമൂല്യമുള്ള യുവനായികമാരിൽ ഒരാളാണ് ജാൻവി കപൂർ. നടി ശ്രീദേവിയുടെയും ബോണി കപൂറിന്റെയും മകളായ ജാൻവി, ബോളിവുഡിൽ തന്റേതായ ഒരിടം കണ്ടെത്താൻ ജാൻവിക്ക് കഴിഞ്ഞിട്ടുണ്ട്. ഇതിനിടെ ധനുഷ് നായകനാകുന്ന തമിഴ് സിനിമയിൽ ജാൻവി നായികയാകുന്നു എന്ന റിപ്പോർട്ടുകളും പ്രചരിച്ചിരുന്നു.
എന്നാൽ പിന്നീട് ജാൻവി ആ സിനിമയിൽ അഭിനയിക്കില്ല എന്ന വാർത്തകളാണ് പുറത്തുവന്നത്. മകളെ ധനുഷിന് ഒപ്പം അഭിനയിപ്പിക്കാൻ അച്ഛൻ ബോണി കപൂർ ഒരുക്കമല്ല എന്നായിരുന്നു റിപ്പോർട്ടുകൾ. ഇപ്പോഴിതാ അതേക്കുറിച്ച് സംസാരിച്ചിരിക്കുകയാണ് തമിഴ് സിനിമാ നിരൂപകനും മാധ്യമ പ്രവർത്തകനുമായ ചെയ്യാറു ബാലു.
തമിഴ് ആരാധകരോടും തമിഴ് സിനിമാ വ്യവസായത്തോടും ജാൻവിക്ക് വലിയ സ്നേഹമുണ്ട്. അമ്മയെ താരമാക്കിയ ഇൻഡസ്ട്രി ആയത് കൊണ്ട് തന്നെ അതുമായി അടുത്ത് നിൽക്കാൻ ജാൻവി ആഗ്രഹിക്കുന്നു. ഇതിനായി ഒരുപാട് തമിഴ് സിനിമകൾ നടി കാണാറുണ്ടെന്നാണ് ചെയ്യാറു ബാലു പറയുന്നത്. ധനുഷ് തമിഴകത്ത് നിന്ന് ബോളിവുഡിലേക്കും പിന്നീട് ഹോളിവുഡിലേക്കുമെല്ലാം എത്തിയ നടനാണ്.
എന്നാൽ അങ്ങനെയൊരു നടനൊപ്പം അഭിനയിക്കരുതെന്ന് ബോണി കപൂർ മകളോട് പറഞ്ഞത് എന്തുകൊണ്ടാണെന്ന് എനിക്കറിയില്ല ചെയ്യാറു ബാലു പറഞ്ഞു. മുൻപും ഇത് സംബന്ധിച്ച ചർച്ചകൾ തമിഴ് സിനിമാ ലോകത്ത് നടന്നിരുന്നു. ധനുഷ് ഐശ്വര്യ രജനീകാന്തുമായി വേർപിരിയൽ പ്രഖ്യാപിച്ചതിന് ശേഷമാണ് ഈ ഓഫർ വന്നത്.
ആ സമയത്ത് ജാൻവി ധനുഷിനൊപ്പം അഭിനയിച്ചാൽ അത് തന്റെ മകളുടെ കരിയറിനെ ബാധിക്കുമെന്ന ആശങ്ക ബോണി കപൂറിന് ഉണ്ടായിരുന്നു എന്നാണ് അഭ്യൂഹങ്ങൾ. തെലുങ്കിൽ എത്തിയ സ്ഥിതിക്ക് അധികം വൈകാതെ തന്നെ ജാൻവിയുടെ തമിഴ് അരങ്ങേറ്റവും ഉണ്ടായേക്കുമെന്ന പ്രതീക്ഷയിലാണ് ആരാധകർ.
Content Highlight: #Janvi #rejects #chance # Dhanush's #heroine #Becausethis
