---
title: "#Shahrukhkhan | അങ്ങനെ ആ പിണക്കം അവസാനിച്ചു; 16 വർഷത്തിന് ശേഷം ഷാരൂഖും സണ്ണി ഡിയോളും ഒരുമിച്ച്, വീഡിയോ വൈറൽ"
english_title: "#strife #ended #Shahrukh #SunnyDeol #together #after16years #video #viral"
publisher: "moviemax.in"
canonical_url: "https://moviemax.in/news/144261/strife-ended-shahrukh-sunnydeol-together-after16years-video-viral"
published_at: "2023-09-06T14:00:00+05:30"
category: "Bollywood"
language: "ml"
image: "https://cf.zdn.im/img/truevisionnews.com/0/image-uploads/64f83a1093eae_sharukh_and_sunny.jpg"
keywords: []
---

# #Shahrukhkhan | അങ്ങനെ ആ പിണക്കം അവസാനിച്ചു; 16 വർഷത്തിന് ശേഷം ഷാരൂഖും സണ്ണി ഡിയോളും ഒരുമിച്ച്, വീഡിയോ വൈറൽ

> **Lead Summary:** **മുംബൈ :[ **[ ]16 വർഷത്തെ പിണക്കം അവസാനിപ്പിച്ച് ബോളിവുഡ് താരങ്ങളായ ഷാരൂഖ് ഖാനും സണ്ണി ഡിയോളും. വർഷങ്ങൾ നീണ്ട പിണക്കം അവസാനിപ്പിച്ച് 'ഗദർ 2' ചിത്രത്തിന്റെ വിജയാഘോഷത്തിലാണ് ഇരുവരും മാധ്യമങ്ങൾക്കു മുന്നിൽ പ്രത്യക്ഷപ്പെട്ടത്. വിജയാഘോഷ പരിപാടിക്കിടെ ഷാരൂഖിനെ സണ്ണി ആലിംഗനം ചെയ്യുന്ന വീഡിയോയും സോഷ്യൽ മീഡിയയിൽ ഇപ്പോൾ വൈറലാണ്.

## Article Content

**മുംബൈ :[ **[ ]16 വർഷത്തെ പിണക്കം അവസാനിപ്പിച്ച് ബോളിവുഡ് താരങ്ങളായ ഷാരൂഖ് ഖാനും സണ്ണി ഡിയോളും. വർഷങ്ങൾ നീണ്ട പിണക്കം അവസാനിപ്പിച്ച് 'ഗദർ 2' ചിത്രത്തിന്റെ വിജയാഘോഷത്തിലാണ് ഇരുവരും മാധ്യമങ്ങൾക്കു മുന്നിൽ പ്രത്യക്ഷപ്പെട്ടത്. വിജയാഘോഷ പരിപാടിക്കിടെ ഷാരൂഖിനെ സണ്ണി ആലിംഗനം ചെയ്യുന്ന വീഡിയോയും സോഷ്യൽ മീഡിയയിൽ ഇപ്പോൾ വൈറലാണ്.

കാലം മായിക്കാത്ത പിണക്കങ്ങള്‍ ഒന്നുമില്ലെന്നാണ് ഇരുവരുടെയും ഒന്നിക്കലിനെ കുറിച്ച് സണ്ണി പ്രതികരിച്ചത്. മുംബൈയിൽ നടന്ന വിജയാഘോഷ പരിപാടിയിൽ ബോളിവുഡിൽ നിന്ന് ഒട്ടുമിക്ക പ്രമുഖ താരങ്ങളും പിന്നണി പ്രവർത്തകരും പങ്കെടുത്തു . അടുത്തിടെ നടന്ന ടെലിവിഷൻ പരിപാടിയിലാണ് സണ്ണി താനും ഷാരൂഖുമായി അരപതിറ്റാണ്ടിലേറെയായി സംസാരിച്ചിട്ടില്ലെന്ന് വെളിപ്പെടുത്തിയത്. 1993ലാണ് ഇരുവരും തമ്മിലുള്ള പിണക്കത്തിന്റെ തുടക്കം. ‍‍

'ഡർ' എന്ന ചിത്രത്തിൽ സണ്ണി ഡിയോളും ഷാരൂഖ് ഖാനും ഒന്നിച്ചെത്തി. വില്ലൻ വേഷമാണ് ഷാരൂഖിന് ലഭിച്ചത്. എന്നാൽ വില്ലനെ മഹത്വവത്കരിക്കാനാണ് സിനിമയിൽ ശ്രമിക്കുന്നത് എന്ന് സണ്ണി ഡിയോൾ ആരോപിച്ചു.

 

സംവിധായൻ യാഷുമായുള്ള തർക്കത്തെ തുടർന്ന് സണ്ണി ക്ഷുഭിതനാവുകയും വസ്ത്രം വലിച്ചു കീറുകയുമുണ്ടായി. ഇതാണ് ഷാരൂഖുമായുള്ള പിണക്കത്തിലേക്ക് നയിച്ചത്. പിണക്കം മാറിയ സ്ഥിതിക്ക് ഇരുവരും ഒന്നിച്ചൊരു സിനിമ ചെയ്തുകൂടെ എന്നാണ് ആരാധകർ ചോദിക്കുന്നത്.

ബോക്സ് ഓഫീസിൽ ഹിറ്റ് സൃഷ്ടിച്ച് ​'ഗദർ 2', 40 കോടിയാണ് ബോളിവുഡിൽ നിന്ന് മാത്രം സ്വന്തമാക്കിയത്. മാത്രമല്ല, ഇന്ത്യയിൽ ചിത്രം നേടിയ മുഴുവൻ കളക്ഷൻ 503 കോടി രൂപയാണെന്ന് ഇൻഡസ്ട്രി ട്രാക്കറായ സാക്നിൽക്ക് റിപ്പോർട്ട് ചെയ്യുന്നു. ഇതോടെ പഠാന്റെ എക്കാലത്തെയും റെക്കോർഡ് കളക്ഷനായ 543 കോടിയോടടുത്തിരിക്കുകയാണ് ​ഗദർ 2. 2001-ൽ പുറത്തിറങ്ങിയ ​ഗദർ വലിയ വിജയം നേടിയ സിനിമയാണ്.

### Related Links & Sources
- [Original Story Source](https://moviemax.in/news/144261/strife-ended-shahrukh-sunnydeol-together-after16years-video-viral)