തമിഴകത്ത് ഹിറ്റ് ഐറ്റം ഡാൻസുകളുടെ വലിയൊരു നിര തന്നെ സൃഷ്ടിച്ച നടിയാണ് രഗസ്യ. യാരടീ നീ മോഹിനിയിലെ ഓ ബേബി എന്ന ഗാനരംഗങ്ങളിൽ തകർത്താടിയ രഗസ്യ അക്കാലത്ത് വൻ ജനശ്രദ്ധ നേടിയെടുത്തു . ഡാൻസ് നമ്പറുകൾക്ക് പുറമെ ചില കഥാപാത്രങ്ങളെ അവതരിപ്പിക്കുകയും ചെയ്ത രഗസ്യ പതിയെ സിനിമയിൽ നിന്നും അകന്നു. വർഷങ്ങൾക്കിപ്പുറം കരിയറിലെ തന്റെ അനുഭവങ്ങൾ പങ്കുവെക്കുകയാണ് രഗസ്യയിപ്പോൾ.
അട്ടഹാസം എന്ന സിനിമയിൽ ഡാൻസ് നമ്പർ ചെയ്യുമ്പോൾ കൊറിയോഗ്രാഫറുമായി വഴക്കുണ്ടായെന്ന് രഗസ്യ പറഞ്ഞു. ഇന്ത്യൻ വസ്ത്രമാണ് ഞാൻ ധരിച്ചത്. അതിനൊരു വിടവ് ഉണ്ട്. അത് കുറച്ച് കൂടി കയറ്റി വെക്കാൻ കൊറിയോഗ്രാഫർ പറഞ്ഞു. ഡാൻസ് ചെയ്യവെ സ്കർട്ട് കീറിയെന്ന് എനിക്ക് തോന്നുകയും ഞാൻ അതിൽ കംഫർട്ടബിൾ ആയില്ല. അതിന്റെ പേരിൽ കൊറിയോഗ്രഫറുമായി വഴക്കുണ്ടാവുകയും ചെയ്തു . ഐറ്റം ഡാൻസ് ആണെന്ന് എനിക്ക് അറിയില്ലായിരുന്നു.
ഞാൻ ബോംബെയിൽ നിന്നും കോസ്റ്റ്യൂമുമായി എത്തി. അവർ എനിക്ക് കോസ്റ്റ്യൂം തന്നു. പക്ഷെ ബ്ലൗസ് വലുതായിരുന്നു. രണ്ട് പീസ് ക്ലോത്ത് തരാൻ പറഞ്ഞു. അതാണ് ആ മഞ്ഞ വസ്ത്രം. ഇതേ വസ്ത്രം തന്നെ മറ്റ് ഡാൻസർമാരോടും ധരിക്കാൻ പറയണമെന്ന് ഞാൻ ആവശ്യപ്പെട്ടു. കൊറിയോഗ്രഫർക്ക് അത് ഇഷ്ടമായി. തെന്നിന്ത്യൻ സിനിമാ രംഗത്ത് പ്രവർത്തിക്കുന്നത് തനിക്കിഷ്ടമാണ്. അഭിനേതാക്കൾക്ക് വലിയ ബഹുമാനം ഇവിടെ ലഭിക്കും.
ബോംബെ ടു ഗോവ എന്ന ചിത്രത്തിൽ നായികയായി അഭിനയിച്ചു. പിന്നീട് സൗത്ത് ഇന്ത്യൻ സിനിമകളിലേക്ക് ശ്രദ്ധ നൽക്കുകയായിരുന്നു . ഈയടുത്ത് ഹിന്ദിയിൽ സീരിയലുകളിൽ അഭിനയിച്ചെന്നും രഹസ്യ വ്യക്തമാക്കി. പക്ഷെ എനിക്ക് തമിഴകമാണ് ഇഷ്ടം. ഇവിടെ എല്ലാവർക്കും ബഹുമാനം ലഭിക്കുമെന്നും രഗസ്യ തുറന്ന് പറഞ്ഞു. സീനിയേഴ്സ് എന്ന മലയാള ചിത്രത്തിലെ ഗാനരംഗത്തിൽ രഗസ്യ തിളങ്ങി. ഇതിന് പുറമെ അണ്ണൻ തമ്പി, കാണ്ഡഹാർ എന്നീ മലയാള സിനിമകളിലും രഗസ്യ ഡാൻസ് നമ്പർ ചെയ്തു.
Content Highlight: #choreographer #said #add #littlemore #Iwas #not #comfortable #Actress #Ragasya #opensup
