---
title: "#krishnakumar |  മുഖ്യമന്ത്രിയുടെ അകമ്പടി വാഹനം തന്റെ കാറിലിടിപ്പിച്ചെന്ന കൃഷ്ണകുമാറിന്റെ പരാതി: കേസെടുത്തില്ല "
english_title: "#Krishnakumar's #complaint  #CM's #escort #vehicle #driven #his #car #No #case #filed"
publisher: "moviemax.in"
canonical_url: "https://moviemax.in/news/143449/krishnakumars-complaint-cms-escort-vehicle-driven-his-car-no-case-filed"
published_at: "2023-09-03T11:00:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/64f41aa02ffef_krishanakumar.jpg"
keywords: []
---

# #krishnakumar |  മുഖ്യമന്ത്രിയുടെ അകമ്പടി വാഹനം തന്റെ കാറിലിടിപ്പിച്ചെന്ന കൃഷ്ണകുമാറിന്റെ പരാതി: കേസെടുത്തില്ല 

> **Lead Summary:** മുഖ്യമന്ത്രിയ്ക്കു അകമ്പടി സേവിച്ച പൊലീസ് സഞ്ചരിച്ച ബസ് മനഃപൂർവം തന്റെ കാറിലിടിപ്പിച്ചെന്ന ബിജെപി ദേശീയ നിർവാഹക സമിതി അംഗം ജി. കൃഷ്ണകുമാറിന്റെ പരാതിയിൽ അന്വേഷണം നടത്തുമെന്ന് പൊലീസ്.

## Article Content

മുഖ്യമന്ത്രിയ്ക്കു അകമ്പടി സേവിച്ച പൊലീസ് സഞ്ചരിച്ച ബസ് മനഃപൂർവം തന്റെ കാറിലിടിപ്പിച്ചെന്ന ബിജെപി ദേശീയ നിർവാഹക സമിതി അംഗം ജി. കൃഷ്ണകുമാറിന്റെ പരാതിയിൽ അന്വേഷണം നടത്തുമെന്ന് പൊലീസ്.

പരാതിയുടെ അടിസ്ഥാനത്തിൽ നിലവിൽ കേസെടുത്തിട്ടില്ലെന്നും എസ്എച്ച്ഒ ടി.ഡി.പ്രജീഷ് പറഞ്ഞു. പുതുപ്പള്ളി തിരഞ്ഞെടുപ്പ് പ്രചാരണത്തിനു പോകുമ്പോൾ എംസി റോഡിൽ പന്തളം ജംക്‌ഷന് മുൻപാണ് സംഭവമുണ്ടായത്.

പൊലീസ് ബസിന് മറികടന്നു പോകാൻ ചെയ്യാൻ ധാരാളം സ്ഥലമുണ്ടായിട്ടും താനാണു കാറിലെന്നു മനസ്സിലാക്കി ബോധപൂർവ്വം വന്നിടിച്ചെന്നാണ് കൃഷ്ണകുമാറിന്റെ ആരോപണം.

മുഖ്യമന്ത്രി സഞ്ചരിച്ച വാഹനം മൈലുകൾക്കപ്പുറം എത്തിയ ശേഷം പൊലീസ് വാഹനത്തിലുണ്ടായിരുന്നവർ എന്തിനാണ് ആവേശം കാട്ടിയതെന്ന് മനസ്സിലാകുന്നില്ലെന്ന് കൃഷ്ണകുമാർ പറഞ്ഞു.

വാഹനത്തിലുണ്ടായിരുന്ന പൊലീസുകാർ മോശമായി പെരുമാറിയെന്നും കൃഷ്ണകുമാർ ആരോപിച്ചു. സിഗ്നൽ ലഭിച്ച ഉടനെ വാഹനം വശത്തേക്കു മാറ്റിയിരുന്നെങ്കിലും മനഃപൂർവം ബസ് ഇടിപ്പിക്കുകയായിരുന്നുവെന്നാണ് ആക്ഷേപം.

### Related Links & Sources
- [Original Story Source](https://moviemax.in/news/143449/krishnakumars-complaint-cms-escort-vehicle-driven-his-car-no-case-filed)