---
title: "#RakhiSawant | ആദ്യ ഉംറ നിർവഹിച്ച് നടി രാഖി സാവന്ത്"
english_title: "#RakhiSawant #Actress #RakhiSawant #performed #her #firstUmrah"
publisher: "moviemax.in"
canonical_url: "https://moviemax.in/news/142641/rakhisawant-actress-rakhisawant-performed-her-firstumrah"
published_at: "2023-08-30T20:53:00+05:30"
category: "Bollywood"
language: "ml"
image: "https://cf.zdn.im/img/truevisionnews.com/0/image-uploads/64ef5f05e7074_Untitled-1.jpg"
keywords: []
---

# #RakhiSawant | ആദ്യ ഉംറ നിർവഹിച്ച് നടി രാഖി സാവന്ത്

> **Lead Summary:** ** ബോ**ളിവുഡ് നടിയും ബിഗ്ബോസ് താരവുമായ രാഖി സാവന്ത് ആദ്യ ഉംറ നിര്‍വഹിച്ചു. ആദില്‍ ഖാനുമായുള്ള വിവാഹ ശേഷം രാഖി തന്റെ പേര് ഫാത്തിമ എന്നാക്കി മാറ്റിയിരുന്നു.

## Article Content

** ബോ**ളിവുഡ് നടിയും ബിഗ്ബോസ് താരവുമായ രാഖി സാവന്ത് ആദ്യ ഉംറ നിര്‍വഹിച്ചു. ആദില്‍ ഖാനുമായുള്ള വിവാഹ ശേഷം രാഖി തന്റെ പേര് ഫാത്തിമ എന്നാക്കി മാറ്റിയിരുന്നു.

സഹോദരനായ വാഹിദ് അലി ഖാൻ, ഭാര്യ ശായിസ്ത എന്നിവർക്കൊപ്പമാണ് രാഖി മക്കയിൽ എത്തിയത്. മക്കയിലേക്ക് പോകുന്നതിന്റെയും അവിടെയുള്ള വിശേഷങ്ങളും എല്ലാം രാഖി സമൂഹമാധ്യമങ്ങളിൽ പങ്കുവച്ചിട്ടുണ്ട്.

ആദ്യ ഉംറയ്ക്കായി മക്കയിലേക്ക് പോകുകയാണെന്നും അതില്‍ താന്‍ വളരെ അധികം സന്തോഷവതി ആണെന്നും രാഖി സോഷ്യല്‍ മീഡിയയിലെ വീഡിയോയില്‍ പറഞ്ഞിരുന്നു.

വളരെയധികം ഭാഗ്യവതിയാണ് താനെന്നും മക്കയില്‍ വച്ച് എല്ലാവര്‍ക്കും വേണ്ടി താന്‍ പ്രാര്‍ത്ഥിക്കുമെന്നും രാഖി പറയുന്നുണ്ട്. അടുത്തിടെ രാഖി സാവന്ത് ഭര്‍ത്താവ് ആദിൽ ഖാനെതിരെ പരാതിയുമായി രംഗത്തെത്തിയിരുന്നു.

2022-ൽ താൻ ആദിലിനെ വിവാഹം കഴിച്ചതായി അടുത്തിടെ ആണ് രാഖി വെളിപ്പെടുത്തിയത്. തുടര്‍ന്ന് രാഖിയുടെ മാതാവിന്‍റെ മരണത്തിന് ശേഷമാണ് ദമ്പതികളുടെ ബന്ധത്തില്‍ വിള്ളല്‍ വന്നു. ആദിലിന് വിവാഹേതര ബന്ധമുണ്ടെന്നും രാഖി ആരോപിച്ചിരുന്നു.

### Related Links & Sources
- [Original Story Source](https://moviemax.in/news/142641/rakhisawant-actress-rakhisawant-performed-her-firstumrah)