---
title: "മദ്യത്തിന്റെ ഉത്പന്നങ്ങള്‍ പ്രമോട്ട് ചെയ്തു, സോഷ്യല്‍ മീഡിയയില്‍ തെറി വിളി "
english_title: "Promoted alcohol products and called Teri on social media"
publisher: "moviemax.in"
canonical_url: "https://moviemax.in/news/13980/promoted-alcohol-products-and-called-teri-on-social-media"
published_at: "2021-12-02T11:35:00+05:30"
category: "Kollywood"
language: "ml"
image: "https://cf.zdn.im/img/truevisionnews.com/0/image-uploads/61a863df585ce_.jpg"
keywords: []
---

# മദ്യത്തിന്റെ ഉത്പന്നങ്ങള്‍ പ്രമോട്ട് ചെയ്തു, സോഷ്യല്‍ മീഡിയയില്‍ തെറി വിളി 

> **Lead Summary:** സംസ്‌കാരത്തെ വ്രണപ്പെടുത്തും വിധമുള്ള ഏതൊരു പ്രവൃത്തിയ്‌ക്കെതിരെയും രോഷാകുലരാകുന്ന ഒരുകൂട്ടം സദാചാര വാദികള്‍ സോഷ്യല്‍ മീഡിയയിലും സജീവമാണ്. അത്തരക്കാരെ കുത്തി നോവിക്കും വിധമായിരുന്നു സമീപകാലത്ത് ചില മുന്‍നിര നായികമാരുടെ സോഷ്യല്‍ മീഡിയ പോസ്റ്റുകള്‍.

## Article Content

സംസ്‌കാരത്തെ വ്രണപ്പെടുത്തും വിധമുള്ള ഏതൊരു പ്രവൃത്തിയ്‌ക്കെതിരെയും രോഷാകുലരാകുന്ന ഒരുകൂട്ടം സദാചാര വാദികള്‍ സോഷ്യല്‍ മീഡിയയിലും സജീവമാണ്. അത്തരക്കാരെ കുത്തി നോവിക്കും വിധമായിരുന്നു സമീപകാലത്ത് ചില മുന്‍നിര നായികമാരുടെ സോഷ്യല്‍ മീഡിയ പോസ്റ്റുകള്‍.

ചില മദ്യത്തിന്റെ ബ്രാന്റുകള്‍ക്ക് വേണ്ടി പ്രമോട്ട് ചെയ്താണ് പ്രശ്‌നം. പെയ്ഡഡ് എന്ന് പറഞ്ഞു കണ്ട് തന്നെ പങ്കുവച്ച അത്തരം പോസ്റ്റുകളുടെ പേരില്‍ തെറിയഭിഷേകത്തിന് ഇരയായിക്കൊണ്ടിരിക്കുകയാണ് തമിഴ് - തെലുങ്ക് - ഹിന്ദി സിനിമകളിലെ മലയാളികള്‍ക്കും പരിചിതരായ ചില നായികമാര്‍. 

തമിഴ് - തെലുങ്ക് - ഹിന്ദി സിനിമകളില്‍ ഉള്ളതില്‍ ഇപ്പോഴത്തെ മുന്‍നിര നായികമാരില്‍ ഒരാളാണ് പൂജ ഹെജ്‌ഡെ. ബ്ലെന്റഡ് സ്‌കോച്ച് വിസ്‌കിയുടെ പ്രമോഷണാര്‍ത്ഥം നടി പങ്കുവച്ച വീഡിയോ വളരെ പെട്ടന്ന് തന്നെ സോഷ്യല്‍ മീഡിയയില്‍ വൈറലായി. പൂജയെ പോലൊരു ടോപ്പ് നായിക ഇത്തരം മദ്യ ഉത്പന്നങ്ങള്‍ പ്രമോട്ട് ചെയ്യുന്നത് ശരിയായ രീതിയല്ല എന്ന് പറഞ്ഞുകൊണ്ടുള്ള വിമര്‍ശനങ്ങളാണ് ഉയരുന്നത്.

തമിഴ് - തെലുങ്ക് - ഹിന്ദി സിനിമകളില്‍ സജീവമായ റായ് ലക്ഷ്മി മലയാളികള്‍ക്കും ഏറെ പരിചിതയാണ്. മമ്മൂട്ടിയുടെയും മോഹന്‍ലാലിന്റെയും ഒക്കെ നായികയായി അഭിനയിച്ച റായ് സ്വകാര്യ ജീവിതത്തില്‍ വളരെ അധികം വിശാല ചിന്താഗതിയുള്ള ആളാണ്. ജപ്പാന്റെ ടോക്കി വിസ്‌കി എന്ന ബ്രാന്റിന് പ്രമോഷന്‍ നല്‍കിക്കൊണ്ടാണ് റായ് ലക്ഷ്മി ഇന്‍സ്റ്റഗ്രാമില്‍ എത്തിയത്.

തെന്നിന്ത്യയിലെ മറ്റൊരു മുന്‍നിര നായികയാണ് കാജള്‍ അഗര്‍വാള്‍. ഭര്‍ത്താവിനൊപ്പമാണ് കാജള്‍ ടീച്ചേഴ്‌സ് 50 എന്ന ബ്രാന്റ് പ്രമോട്ട് ചെയ്തത്. 'ഉത്തരവാദിത്വത്തോടെ മദ്യപിയ്ക്കുക. ഈ ഉത്പന്നം 25 വയസ്സിന് മുകളിലുള്ളവര്‍ക്ക് മാത്രം' എന്ന് പറഞ്ഞാണ് കാജള്‍ പോസ്റ്റ് പങ്കുവച്ചത്.

ക്യാപ്ഷനില്‍ അല്പം ഉത്തരവാദിത്വം കാണിച്ചുവെങ്കിലും, മദ്യപിയ്ക്കുന്ന ശീലത്തെ പ്രോത്സാഹിപ്പിയ്ക്കുന്നു എന്ന് പറഞ്ഞാണ് കാജളിനെയും ഭര്‍ത്താവിനെയും സോഷ്യല്‍ മീഡിയ ആക്രമിക്കുന്നത് .

വില്ലന്‍ എന്ന മോഹന്‍ലാല്‍ ചിത്രത്തിലൂടെ മലയാളത്തിലും സാന്നിധ്യം അറിയിച്ച ഹന്‍സിക മോട്ടുവാണിയും ടോക്കി വിസ്‌കി എന്ന ബ്രാന്റിനെ പ്രമോട്ട് ചെയ്തുകൊണ്ടാണ് സോഷ്യല്‍ മീഡിയയില്‍. എത്തിയത്.

നായികമാര്‍ സിനിമയിലും മറ്റ് സ്വകാര്യ പാര്‍ട്ടികളിലും മദ്യപിയ്ക്കുമെങ്കിലും, ഒരു മദ്യ ഉത്പനത്തിന്റെ ബ്രാന്റിനെ പ്രമോട്ട് ചെയ്യുന്നതാണ് ചിലരുടെ സാമൂഹിക കാഴ്ചപ്പാടിനെ വ്രണപ്പെടുത്തുന്നത്.

മമ്മൂട്ടിയുടെ മായാബസാര്‍ എന്ന ചിത്രത്തില്‍ അഭിനയിച്ചതിലൂടെയാണ് ടിസ്‌ക ചോപ്ര എന്ന ബോളിവുഡ് നടിയെ മലയാളികള്‍ക്ക് പരിചയം. പിന്നീട് വികെ പ്രകാശ് സംവിധാനം ചെയ്ത നിര്‍ണായകം എന്ന ചിത്രത്തിലും നടി അഭിനയിച്ചിരുന്നു. ടോക്കി വിസ്‌കി എന്ന ബ്രാന്റിനെ പ്രമോട്ട് ചെയ്യുന്ന നടിമാരുടെ കൂട്ടത്തില്‍ മമ്മൂട്ടിയുടെ ഈ നായികയും ഉണ്ട്.

### Related Links & Sources
- [Original Story Source](https://moviemax.in/news/13980/promoted-alcohol-products-and-called-teri-on-social-media)