ആക്ഷന് ത്രില്ലര് ചിത്രം കിംഗ് ഓഫ് കൊത്ത, ഗൺസ് & ഗുലാബ്സ് എന്നീ ചിത്രങ്ങളുടെ പ്രമോഷന് തിരക്കിലാണ് നടന് ദുല്ഖര് സല്മാന്. ഇപ്പോഴിതാ താന് ഏറെ ഇഷ്ടപ്പെടുന്ന രണ്ട് അഭിനേതാക്കൾ ആരൊക്കെയാണെന്ന് വെളിപ്പെടുത്തിയിരിക്കുകയാണ് ദുല്ഖര് .ഗലാട്ട പ്ലസിന് നല്കിയ അഭിമുഖത്തിലാണ് താരം മനസുതുറന്നത്.
അച്ഛന് അല്ലാതെ ഏറ്റവും പ്രിയപ്പെട്ട ഒരു നടന് ആര് എന്നായിരുന്നു ചോദ്യം. വളരെ ബുദ്ധിമുട്ടാണ് അത് തെരഞ്ഞെടുക്കാന് എന്നായിരുന്നു ദുല്ഖറിന്റെ ആദ്യ മറുപടി.
അത് അന്തര്ദേശീയ സിനിമയില് നിന്നോ എവിടെ നിന്നോ ആവാമെന്ന് അവതാരകന്റെ മറുപടി വന്നതോടെ രണ്ട് ഹോളിവുഡ് അഭിനേതാക്കളുടെ പേരുകള് പറയുകയായിരുന്നു.
ബ്രാഡ് പിറ്റ്, മാത്യു മകോണഹേ എന്നീ പേരുകളാണ് ദുല്ഖര് പറഞ്ഞത്."ബ്രാഡ് പിറ്റ്. വളരെ കൂള് ആണ് അദ്ദേഹം. അദ്ദേഹത്തിന്റെ സൗന്ദര്യത്തെക്കുറിച്ചാണ് നമ്മള് പലപ്പോഴും പറയാറ്. പക്ഷേ അദ്ദേഹം ഗംഭീര വര്ക്ക് ആണ് ചെയ്യുന്നത്.
മാത്യു മകോണഹേയാണ് മറ്റൊരാള്. ഞാന് ഗ്രീന്ലൈറ്റ്സ് എന്ന അദ്ദേഹത്തിന്റെ പുസ്തകം വായിച്ചുകൊണ്ടിരിക്കുകയാണ്. വളരെ വ്യത്യസ്തനാണ് അദ്ദേഹം. ജീവിതാനുഭവങ്ങള്ക്കുവേണ്ടി ഇറങ്ങിപ്പുറപ്പെടുകയും അത് പ്രകടനങ്ങളിലേക്ക് കൊണ്ടുവരികയും ചെയ്യുന്ന നടന്", ദുല്ഖര് കൂട്ടിച്ചേര്ത്തു.
അഭിലാഷ് ജോഷി സംവിധാനം ചെയ്യുന്ന കിംഗ് ഓഫ് കൊത്ത ഈ മാസം 24നാണ് തിയറ്ററുകളിലെത്തുന്നത്. ജേക്സ് ബിജോയ് ,ഷാൻ റഹ്മാൻ എന്നിവരാണ് സംഗീതസംവിധാനം നിർവഹിക്കുന്നത്.
ആക്ഷന് ഏറെ പ്രാധാന്യമുള്ള ചിത്രത്തിന്റെ സംഘട്ടനരംഗങ്ങളൊരുക്കുന്നത് രാജശേഖറാണ്. ഛായാഗ്രഹണം-നിമീഷ് രവി. സ്ക്രിപ്റ്റ് : അഭിലാഷ് എൻ ചന്ദ്രൻ, പ്രൊഡക്ഷൻ ഡിസൈനർ : നിമേഷ് താനൂർ, എഡിറ്റർ: ശ്യാം ശശിധരൻ .
കൊറിയോഗ്രാഫി: ഷെറീഫ് ,മേക്കപ്പ് :റോണെക്സ് സേവിയർ, വസ്ത്രാലങ്കാരം :പ്രവീൺ വർമ്മ, സ്റ്റിൽ :ഷുഹൈബ് എസ് ബി കെ, പ്രൊഡക്ഷൻകൺട്രോളർ :ദീപക് പരമേശ്വരൻ, മ്യൂസിക് : സോണി മ്യൂസിക്, വിതരണം : വെഫേറർ ഫിലിംസ്, ഡിജിറ്റൽ മാർക്കറ്റിംഗ് അനൂപ് സുന്ദരൻ, വിഷ്ണു സുഗതൻ ,പി. ആർ.ഒ പ്രതീഷ് ശേഖർ.
Content Highlight: #your #favorite #actor #other #Mammootty? #Dulquer #replied
