തെന്നിന്ത്യൻ സിനിമയിലെ ശ്രദ്ധേയ നടന്മാരിൽ ഒരാളാണ് നാസർ. തമിഴ്, മലയാളം, തെലുങ്ക്, കന്നഡ എന്നിങ്ങനെ ഏഴ് ഭാഷകളിലായി 600ൽ അധികം ചിത്രങ്ങളിൽ അദ്ദേഹം അഭിനയിച്ചിട്ടുണ്ട്. അഞ്ച് സിനിമകളാണ് നാസർ സംവിധാനം ചെയ്തത്. അതിലൊന്നാണ് മോഹൻലാലിനെ നായകനാക്കി ഒരുക്കിയ പോപ്കോൺ. നാസറും ഭാര്യ കമീലയും ചേർന്ന് നിർമ്മിച്ച ചിത്രം ബോക്സ് ഓഫീസിൽ വലിയ പരാജയമാണ് ഏറ്റുവാങ്ങിയത്.
സിനിമ വളരെ മോശമായിരുന്നുവെന്നും നാസർ പറഞ്ഞു. ഒരു സൂപ്പർതാരത്തിന് അപ്പുറം മോഹൻലാൽ എന്ന വ്യക്തിയെക്കുറിച്ചാണ് എനിക്ക് പറയാനുള്ളത്. കൂടെ അഭിനയിക്കുന്നവരെ നന്നായി മനസ്സിലാക്കുന്ന വ്യക്തിയാണ്. ഞാൻ മോഹൻലാലിനെ വെച്ച് സംവിധാനം ചെയ്ത സിനിമ വളരെ മോശമായിരുന്നു അതിന് മാപ്പ് നാസർ പറഞ്ഞു.
മോഹൻലാലിനൊപ്പം അഭിനയിക്കുമ്പോൾ യാതൊരു മാനസിക സമർദ്ദവുമില്ലാതെ, ആകുലതകളുമില്ലാതെ അഭിനയിക്കാം. മുഖം എന്ന സിനിമയിൽ അഭിനയിക്കുമ്പോൾ എനിക്ക് മലയാളം ഒരു തരിപോലും അറിയില്ലായിരുന്നു. നന്നായി സംസാരിക്കാൻ സാധിക്കില്ലെങ്കിലും ഇപ്പോൾ കേട്ടാൽ മനസ്സിലാകും. അന്ന് എന്നെ ഏറ്റവും അധികം സഹായിച്ചത് മോഹൻലാലാണ്.
സംഭാഷണങ്ങളുടെ അർത്ഥം പറഞ്ഞു തരുന്നതിനൊപ്പം തന്നെ എവിടെയാണ് നിർത്തേണ്ടത് എന്നെല്ലാം കൃത്യമായി പറഞ്ഞു തന്നു. നാസർ ഓർമിച്ചു. ഒരു അഭിനേതാവ് എന്ന നിലയിൽ മാത്രമല്ല ഒരു വ്യക്തി എന്ന നിലയിലും ഒരുപാട് കാര്യങ്ങൾ പഠിക്കാൻ കഴിഞ്ഞു. മലയാളത്തിൽ സിനിമ ചെയ്യുമ്പോൾ വളരെ കംഫർട്ടബിൾ ആണ്. സൂപ്പർസ്റ്റാർ, സഹ അഭിനേതാവ് എന്നിങ്ങനെയുള്ള വിവേചനങ്ങളില്ല. ഒഴിവ് സമയങ്ങളിൽ എല്ലാവരും ഒരുമിച്ചിരുന്ന് ഭക്ഷണം കഴിക്കുകയും തമാശ പറയുകയുമൊക്കെ ചെയ്യും.
എന്നെ സംബന്ധിച്ച് സിനിമ എന്ന് പറഞ്ഞാൽ ആവർത്തന വിരസത ഒട്ടുമില്ലാത്ത ഒരിക്കലും മടുപ്പിക്കാത്ത ഒരു യാത്രയാണ്. എല്ലാവർക്കും പലവിധത്തിലുള്ള കലകളോടും താൽപര്യം ഉണ്ടായിരിക്കും. എന്നാൽ, അതിൽ നിന്നുകൊണ്ടുള്ള വരുമാനത്തിൽ ജീവിക്കാൻ എല്ലാവർക്കും സാധിക്കില്ല. എന്നെ സംബന്ധിച്ച് അതിനുള്ള ഭാഗ്യം ലഭിച്ചു. മണിരത്നം സംവിധാനം ചെയ്ത പൊന്നിയിൻ സെൽവൻ 2 ആണ് നടന്റേതായി ഒടുവിൽ പുറത്തിറങ്ങിയത്.
Content Highlight: #Mohanlal #helped #most #day #Nasser #openup
