തമിഴ് സിനിമാരംഗത്തെ ഏറ്റവും കൂടുതൽ താരമൂല്യമുള്ള നടന്മാരിൽ ഒരാളാണ് ധനുഷ്. വർഷങ്ങളുടെ കഠിനാധ്വാനം കൊണ്ട് ധനുഷ് കരിയറിൽ നേടിയെടുത്ത ഖ്യാതികൾ ചെറുതൊന്നുമല്ല. ഹോളിവുഡിലടക്കം സാന്നിധ്യമറിയിച്ച ധനുഷിന് ഇപ്പോൾ കൈനിറയെ അവസരങ്ങളാണ് ഉള്ളത് മാസ് ആക്ഷൻ സിനിമകളിലേക്ക് പുറമെ പ്രേക്ഷകരെ ആഴത്തിൽ സ്പർശിക്കുന്ന, രാഷ്ട്രീയം പറയുന്ന സിനിമകളടക്കം ചെയ്ത് തിളങ്ങി നിൽക്കുകയാണ് ധനുഷ്.
കഴിഞ്ഞ വർഷമാണ് ധനുഷും ഭാര്യ ഐശ്വര്യ രജനീകാന്തും വിവാഹമോചിതരായത്. സുഹൃത്തുക്കളായി തുടരുമെന്ന് വ്യക്തമാക്കിയ ധനുഷും ഐശ്വര്യയും മക്കളുടെ കാര്യങ്ങൾക്ക് ഒരുമിച്ച് എത്താറുണ്ട്. അതേസമയം വിവാഹബന്ധത്തിലായിരിക്കെ തന്നെ ധനുഷിന്റെ പേരിൽ പ്രണയ ഗോസിപ്പുകളും വിവാദങ്ങളുമൊക്കെ വന്നിട്ടുണ്ട്. അടുത്തിടെ തമിഴ് നടനും സിനിമാ നിരൂപകനുമായ ബയിൽവാൻ രംഗനാഥൻ ധനുഷിനെതിരെ പരാമർശങ്ങളുമായി രംഗത്തെത്തിയിരുന്നു.
നടനെ അപകീർത്തിപ്പെടുത്തുന്ന പരാമർശങ്ങൾക്കെതിരെ ആരാധകർ രംഗത്തെത്തുകയും സംഭവം തമിഴകത്ത് വലിയ ചർച്ചയായി . ഇപ്പോഴിതാ നടനെ കുറിച്ച് ബയിൽവാൻ രംഗനാഥൻ നടത്തിയ ചില പുതിയ വെളിപ്പെടുത്തലുകളാണ് ചർച്ചയാകുന്നത്. പ്രശസ്ത തമിഴ് ഗായിക സുചിത്രയുമായി ധനുഷ് പ്രണയത്തിലായിരുന്നു എന്നാണ് ബയിൽവാൻ ആരോപിക്കുന്നത് . ധനുഷും സുചിത്രയും ഇടയ്ക്കിടെ കാണുകയും അടുത്ത ബന്ധം പുലർത്തുകയും ചെയ്തിരുന്നു. എന്നാൽ പെട്ടെന്ന് ഒരു ദിവസം ധനുഷ് ഗായികയിൽ നിന്നും അകന്നു. ഇത് അവർക്ക് താങ്ങാൻ കഴിഞ്ഞില്ലെന്നും ബയിൽവാൻ പറയുന്നു.
സ്വന്തം യൂട്യൂബ് ചാനലിൽ പങ്കുവച്ച വീഡിയോയിലാണ് ബയിൽവാൻ രംഗനാഥൻ ഇക്കാര്യം പറഞ്ഞത്. സുചിത്രയ്ക്ക് മാനസിക ബുദ്ധിമുട്ടുകൾ ഉണ്ടായത് ഈ ബന്ധം തകർന്നതോടെയാണ്. ഇതിനു ശേഷം സുചിത്ര മദ്യത്തിന് അടിമപ്പെട്ടു. തുടർന്നാണ് ഭർത്താവ് കാർത്തിക് ഗായികയെ ഡിവോഴ്സ് ചെയ്തതെന്നും ബയിൽവാൻ പറയുന്നു. നടനും ആർജെയും ഒക്കെയായ കാർത്തികും ധനുഷും അടുത്ത സുഹൃത്തുക്കൾ ആയിരുന്നു . മുൻപും സുചിത്രയ്ക്കെതിരെ ഗുരുതര ആരോപണങ്ങളുമായി ബയിൽവാൻ രംഗത്തെത്തിയിരുന്നു. 
അന്ന് അതിനെ നിയമപരമായാണ് സുചിത്ര നേരിട്ടത്. തന്നെക്കുറിച്ച് മോശം കാര്യങ്ങൾ പ്രചരിപ്പിക്കുകയാണെന്ന് ചൂണ്ടിക്കാട്ടി ഗായിക പോലീസിനെ സമീപിച്ചു.വര്ഷങ്ങള്ക്ക് മുന്പ് തന്റെ ട്വിറ്റര് അക്കാണ്ട് ഹാക്ക് ചെയ്ത് സുചി ലീക്ക്സ് വിവാദമുണ്ടാക്കിയവര് തന്നെയാണ് ഇതിന് പിന്നിലെന്ന് സംശയിക്കുന്നതായും സുചിത്ര പരാതിയിൽ പറഞ്ഞു .സുചി ലീക്സിലൂടെ പുറത്തുവന്ന ആദ്യത്തെ ആരോപണം ധനുഷിന് എതിരേയായിരുന്നു. ഇതിന് പിന്നാലെ തമിഴ് താരങ്ങളുടെ സ്വകാര്യ വീഡിയോകളും ഫോട്ടോകളും പുറത്തുവന്നു .
ഇതിന് പിന്നാലെ തന്റെ ട്വിറ്റര് പേജ് ഹാക്ക് ചെയ്യപ്പെട്ടതാണെന്ന് വെളിപ്പെടുത്തി സുചിത്ര രംഗത്തെത്തി. വിവാദങ്ങൾക്ക് പിന്നാലെ സുചിത്രയ്ക്ക് മാനസികമായ ചില ബുദ്ധിമുട്ടുകൾ ഉണ്ടാവുകയും ലണ്ടനില് ചികിത്സ തേടുകയും ചെയ്തു. ഇതിനിടയിലാണ് ഭർത്താവ് കാര്ത്തിക് കുമാറുമായുള്ള വിവാഹബന്ധം തകരുന്നത്. അതേസമയം ബയിൽവാൻ രംഗനാഥന്റെ പുതിയ വെളിപ്പെടുത്തൽ തമിഴകത്ത് വീണ്ടും ചർച്ചയായിരിക്കുകയാണ് .
Content Highlight: #Dhanush #blamed #Suchitra-Karthik #divorce #BailwanRanganathan #said #openly
