ജീവിതം മുന്നോട്ട് നീക്കാന് കൈക്കുഞ്ഞുങ്ങളുമായി പെടാപാടുപെടുന്ന അമ്മമാരെ പലപ്പോഴും നമ്മള് തെരുവുകളില് കണ്ടിട്ടുണ്ടാകും. ജീവിതത്തിന്റെ രണ്ടറ്റം കൂട്ടിമുട്ടിക്കാന്, ആരെയും ആശ്രയിക്കാതെ തന്റെ കുഞ്ഞുങ്ങളെ വളര്ത്താന് പാടുപെടുന്ന സ്ത്രീകള് ഇന്ത്യന് സമൂഹത്തില് ഒരു അപൂര്വ്വ കാഴ്ചയല്ല.
കഴിഞ്ഞ ദിവസം അത്തരത്തിലൊരു വീഡിയോ ഇന്സ്റ്റാഗ്രാമില് പങ്കുവെയ്ക്കപ്പെട്ടപ്പോള് ഏറെ പേരുടെ ശ്രദ്ധനേടി. viralbhayani എന്ന ഇന്സ്റ്റാഗ്രാം അക്കൗണ്ടില് നിന്നാണ് വീഡിയോ പങ്കുവെയ്ക്കപ്പെട്ടത്.
'ഒരു അടിക്കുറിപ്പ് ആവശ്യമില്ല, അമ്മേ' എന്ന് കുറിച്ച് കൊണ്ട് രണ്ട് ദിവസം മുമ്പ് പങ്കുവെയ്ക്കപ്പെട്ട വീഡിയോ ഇതിനകം രണ്ടര ലക്ഷത്തിനടുത്ത് ആളുകള് ലൈക്ക് ചെയ്തു.
ഉത്തര് പ്രദേശിലെ ഏതോ നഗരത്തില് നിന്നുള്ളതാണ് വീഡിയോ. ഒറു റിക്ഷാ സ്റ്റാന്റില് നിര്ത്തിയിട്ടിരിക്കുന്ന ഒരു സ്ത്രീയുടെ ഇ റിക്ഷയിലേക്ക് ആളുകള് കയറുന്നിടത്താണ് വീഡിയോ ആരംഭിക്കുന്നത്.
https://www.instagram.com/p/CuV2Hp7KhgN/?utm_source=ig_embed&utm_campaign=embed_video_watch_again
റിക്ഷയുടെ ഇന്റികേറ്ററിന് മുകളില് ഒരു കാല്കയറ്റിവച്ചിരിക്കുന്ന സ്ത്രീയുടെ മടിയില് ഒരു കൈക്കുഞ്ഞ് കിടക്കുന്നു. ആളുകള് കയറിയ ഉടനെ തന്റെ കുഞ്ഞ് സ്വസ്ഥമായി ഉറങ്ങുന്നുണ്ടോയെന്ന് ശ്രദ്ധിച്ച ശേഷം ഒരു കൈകാണ്ട് അവര് റിക്ഷ ഓടിച്ച് മുന്നോട്ട് നീങ്ങുന്നിടത്ത് വീഡിയോ അവസാനിക്കുന്നു.
Content Highlight: #Mother #holding #baby #hand #driving #rickshaw #other #videogoes #viral
