ബോളിവുഡിലെ സൂപ്പര് താരങ്ങളാണ് കരീന കപൂറും ഷാഹിദ് കപൂറും. സിനിമാ കുടുംബങ്ങളില് നിന്നും സിനിമയിലെത്തിയ ഇരുവരും ചെറിയ സമയത്തിനുള്ളില് തന്നെ മുന്നിരയിലെത്തുകയും ചെയ്തു. ഒരുകാലത്ത് ബോളിവുഡിലെ ഏറ്റവും വലിയ താരജോഡിയായിരുന്നു ഷാഹിദും കരീനയും.
ഇരുവരും ഒരുപാട് സിനിമകൡ ഒരുമിച്ച് അഭിനയിക്കുകയും ചെയ്തിട്ടുണ്ട്. ഓണ് സ്ക്രീനിലെയും ഓഫ് സ്ക്രീനിലേയും ഇരുവരുടേയും പ്രണയം ആരാധകരും ആഘോഷമാക്കി. തങ്ങളുടെ പ്രിയപ്പെട്ട താരങ്ങളുടെ വിവാഹത്തിനായി കാത്തിരിക്കുകയായിരുന്നു ആരാധകര്.
എന്നാല് ആരാധകരുടെ ഹൃദയം തകര്ത്തു കൊണ്ട് ഇരുവരും പിരിയുകയായിരുന്നു. വര്ഷങ്ങള് കഴിഞ്ഞപ്പോള് ഷാഹിദും കരീനയും ജീവിതത്തില് മറ്റൊരു പ്രണയം കണ്ടെത്തുകയായിരുന്നു. സൂപ്പര്താരമായ സെയ്ഫ് അലി ഖാനുമായി പ്രണയത്തിലായ കരീന സെയ്ഫിനെ തന്നെ വിവാഹം കഴിക്കുകയും ചെയ്തു.
മിര രജ് പുത്തിനെയായിരുന്നു ഷാഹിദ് വിവാഹം കഴിച്ചത്. രണ്ട് ദമ്പതികളും ആരാധകരുടെ പ്രിയപ്പെട്ടവരാണ് ഇപ്പോള്. എന്നാല് ഇപ്പോഴും ഷാഹിദും കരീനയും തമ്മിലുള്ള പ്രണയം ആരാധകരുടെ ചര്ച്ചകളിലേക്ക് കടന്നു വരാറുണ്ട്.
വര്ഷങ്ങള്ക്ക് മുമ്പ് ഇരുവരും ഒരുമിച്ച് എത്തുന്നിടത്തെല്ലാം എല്ലാവരും സംസാരിച്ചിരുന്നത് ഇരുവരുടേയും പ്രണയത്തെക്കുറിച്ചായിരുന്നു. അത്തരത്തില് ഒന്നായിരുന്നു കോഫി വിത്ത് കരണിന്റെ രണ്ടാം സീസണ്. ഷാഹിദും കരീനയും ഒരുമിച്ചായിരുന്നു അന്ന് പരിപാടിയില് അതിഥികളായി എത്തിയത്. തങ്ങളുടെ ബന്ധത്തെക്കുറിച്ച് ഷാഹിദും കരീനയും ആദ്യമായി മനസ് തുറന്നത് അപ്പോഴായിരുന്നു. ഇരുവരും പത്തില് പത്ത് ചോദ്യത്തിനും ശരിയുത്തരം നല്കി ആരാധകരുടെ കയ്യടി നേടിയിരുന്നു.
പിന്നീടൊരിക്കല് ഒരു അഭിമുഖത്തില് കരീന ഷാഹിദിനെക്കുറിച്ച് മനസ് തുറന്നതും ആരാധകരുടെ ശ്രദ്ധ നേടിയിരുന്നു. ഷാഹിദ് കപൂറിന് വേണ്ടി ചെയ്ത ഏറ്റവും പ്രധാനപ്പെട്ട കാര്യം എന്തായിരുന്നുവെന്നായിരുന്നു ചോദ്യം. ഇതിന് ചിരിച്ചു കൊണ്ട് കരീന നല്കിയ മറുപടി ഒന്നുമില്ലെന്നായിരുന്നു. ''ഒന്നുമില്ല. ഞങ്ങളുടെ ബന്ധം അങ്ങനെയുള്ളതല്ല.
വല്ലാതെ നേരത്തെയാണ്. റൊമാന്സ് തുടങ്ങാന് ആകുന്നേയുള്ളൂ. ഇപ്പോള് ഞങ്ങളുടെ ഷൂട്ടിംഗിന്റെ തിരക്കുകാരണം കണ്ണില് കണ്ണില് നോക്കിയിരിക്കാനൊന്നും സമയമില്ല. ഞങ്ങള് സുഹൃത്തുക്കളെ പോലെയാണ്. ശരി, സുഹൃത്തുക്കള് എന്നതിന് മുകളിലാണ്'' എന്നായിരുന്നു കരീന പറഞ്ഞത്.
കരീനയുടേയും ഷാഹിദിന്റേയും ഏറ്റവും വലിയ ഹിറ്റ് സിനിമയായ ജബ് വീ മെറ്റിന്റെ ചിത്രീകരണ സമയത്തായിരുന്നു ഇരുവരും പിരിയുന്നത്. ചിത്രീകരണ സമയത്ത് ഇരുവരും പരസ്പരം സംസാരിച്ചിരുന്നില്ലെന്നാണ് റിപ്പോര്ട്ടുകള് പറയുന്നത്.
തമാശകള് പോലും പറഞ്ഞിരുന്നില്ലെന്നും എന്തോ അസ്വസ്ഥത എപ്പോഴും നിലനില്ക്കുന്നതായി തോന്നിയിരുന്നുവെന്നുമാണ് സഹതാരങ്ങള് പറഞ്ഞത്. പ്രണയ ബന്ധം തകര്ന്ന ശേഷം ഷാഹിദും കരീനയും പിന്നീട് ഒരുമിച്ച് അഭിനയിച്ചിട്ടില്ല. പൊതുപരിപാടികളിലും ഇരുവരും മുഖം കൊടുക്കാറില്ല.
Content Highlight: This is the most important thing that Kareena did for Shahid during her love affair ....
