(moviemax.in) മഹേന്ദ്രസിങ് ധോണിയുടെ ബയോപിക് 'എം.എസ് ധോണി: ദി അൺടോൾഡ് സ്റ്റോറി' വീണ്ടും റിലീസിനൊരുങ്ങുന്നു. ധോണിയുടെ 42ാം പിറന്നാളിനോടനുബന്ധിച്ച് ജൂലൈ ഏഴിനാണ് ചിത്രം ഹൈദരാബാദിൽ പ്രദർശിപ്പിക്കുന്നത്.
തെലുങ്ക് പതിപ്പാണ് റിലീസ് ചെയ്യുന്നത്. 2016 ൽ നീരജ് പാണ്ഡെ സംവിധാനം ചെയ്ത ചിത്രം തിയറ്ററുകളിൽ വൻ വിജയമായിരുന്നു. 104 കോടി ബജറ്റിൽ ഒരുങ്ങിയ ചിത്രം ഏകദേശം 216 കോടിയോളം നേടി.
ധോണിയുടെ ബാല്യാകാലം മുതൽ ഇന്ത്യൻ ക്രിക്കറ്റ് ടീം ക്യാപ്റ്റനായി 2011 ൽ വേൾഡ് കപ്പ് നേടിയതുവരെയുള്ള യാത്രയാണ് ചിത്രത്തിലുളളത്.അന്തരിച്ച നടൻ സുശാന്ത് സിങ് രജ്പുത്തായിരുന്നു ധോണിയായി എത്തിയത്.
അനുപം ഖേർ, കിയാര അദ്വാനി, ദിശ പടാനി, ഭൂമിക ചൗള, ക്രാന്തി പ്രകാശ് ജാ, അലോക് പാണ്ഡെ എന്നിവരാണ് ചിത്രത്തിലെ മറ്റു താരങ്ങൾ.
Content Highlight: msdhoni Mahendra Singh Dhoni's biopic is all set to release again
