---
title: "നെടുമുടി വേണു മരിച്ച സമയത്ത് വരേണ്ട പലരും വന്നില്ല; മണിയന്‍പിള്ള രാജു"
english_title: "Many who were supposed to come did not come when Nedumudi Venu died; Maniyan Pillai Raju"
publisher: "moviemax.in"
canonical_url: "https://moviemax.in/news/12446/many-who-were-supposed-to-come-did-not-come-when-nedumudi-venu-died-maniyan-pillai-raju"
published_at: "2021-11-23T22:42:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/619d21326abc6_raju.jpg"
keywords: []
---

# നെടുമുടി വേണു മരിച്ച സമയത്ത് വരേണ്ട പലരും വന്നില്ല; മണിയന്‍പിള്ള രാജു

> **Lead Summary:** **മ**ലയാള സിനിമ പ്രേമികള്‍ക്ക് ഏറെ സുപരിചിതനായ താരമാണ് മണിയന്‍പിള്ള രാജു. നിരവധി സിനിമകളിലൂടെ ശ്രദ്ധേയമായ കഥാപാത്രങ്ങളാണ് താരം അവതരിപ്പിച്ചതും.

## Article Content

**മ**ലയാള സിനിമ പ്രേമികള്‍ക്ക് ഏറെ സുപരിചിതനായ താരമാണ് മണിയന്‍പിള്ള രാജു. നിരവധി സിനിമകളിലൂടെ ശ്രദ്ധേയമായ കഥാപാത്രങ്ങളാണ് താരം അവതരിപ്പിച്ചതും.

സോഷ്യല്‍ മീഡിയയില്‍ സജീവമായ താരം പങ്കുവയ്ക്കുന്ന വിശേഷങ്ങള്‍ എല്ലാം തന്നെ ശ്രദ്ധ നേടാറുണ്ട്. എന്നാല്‍ ഇപ്പോള്‍ അന്തരിച്ച നടന്‍ നെടുമുടി വേണുവിനെ കുറിച്ച്‌ പറഞ്ഞ വാക്കുകളാണ് സോഷ്യല്‍ മീഡിയയില്‍ ശ്രദ്ധ നേടുന്നത്.

**

മണിയന്‍പിള്ള രാജുവിന്റെ വാക്കുകള്‍ **

'അദ്ദേഹം മരിച്ച സമയത്തെ യുവതലമുറയുടെ ഇടപെടല്‍ വളരെ കുറവായിരുന്നു. പ്രേംനസീര്‍ മരിച്ച സമയത്തൊക്കെ മലയാളസിനിമ മൊത്തം ഉണ്ടായിരുന്നു. ഇവിടെ ആരും വന്നില്ല. വളരെ കുറച്ചു പേരെ വന്നുള്ളൂ. എങ്കിലും വേണുവിന് എല്ലാവരുമായും സൗഹൃദമുണ്ടായിരുന്നു. അദ്ദേഹം മരിച്ച സമയത്ത് മമ്മൂട്ടി രാത്രി പത്തരയ്ക്ക് വന്നു.

അത് കഴിഞ്ഞ് ഷൂട്ടിന് വേണ്ടി എറണാകുളത്തേക്ക് പോയി. മോഹന്‍ലാല്‍ എത്തിയപ്പൊ പുലര്‍ച്ചെ രണ്ടരയായിരുന്നു. അവര് പോലും വന്നു. അവര് വന്നപ്പൊ തന്നെ മുഴുവന്‍ ഇന്‍ഡസ്ട്രിയും വന്ന പോലെയാണ്. പക്ഷേ വരേണ്ട പലരും വന്നില്ല.

100 ശതമാനവും നാഷണല്‍ അവാര്‍ഡ് കിട്ടാന്‍ അര്‍ഹനായ നടന്‍ നെടുമുടി വേണുവാണ്. അദ്ദേഹത്തിന് ഇതുവരെ മികച്ച നടനുള്ള നാഷണല്‍ അവാര്‍ഡ് കിട്ടിയിട്ടില്ല. വേണു ഒരു സമ്പൂര്‍ണ്ണ കലാകാരനാണ്'- രാജു പറഞ്ഞു.

### Related Links & Sources
- [Original Story Source](https://moviemax.in/news/12446/many-who-were-supposed-to-come-did-not-come-when-nedumudi-venu-died-maniyan-pillai-raju)