നിരവധി വേഷങ്ങളിലൂടെ പ്രേക്ഷക മനസ്സിൽ ഇടം നേടിയ നടനാണ് സലിം കുമാർ . ഇപ്പോഴിതാ പുതിയ സിനിമകളില് തമാശ നിറഞ്ഞ കഥാപാത്രങ്ങള് ഇല്ലെന്ന് പറയുകയാണ് നടന് സലിം കുമാര്.
പുതിയ സിനിമകളില് തമാശ നിറഞ്ഞ കഥാപാത്രങ്ങള് ഇല്ലെന്ന് നടന് സലിം കുമാര്. അതിനാലാണ് ഗൗരവമുള്ള വേഷങ്ങള് ചെയ്യുന്നതെന്നും അദ്ദേഹം പറഞ്ഞു. എനിക്ക് ഇന്നും കോമഡി വേഷങ്ങള് ചെയ്ത് ആളുകളെ പൊട്ടിച്ചിരിപ്പിക്കാന് ഇഷ്ടമാണ്.
പക്ഷേ തമാശയ്ക്ക് ഇവിടെ ക്ഷാമം അനുഭവപ്പെടുന്നുണ്ട്. ഇപ്പോള് തമാശകള് രൂപപ്പെടുത്തുന്നതില് പൊളിറ്റിക്കല് കറക്റ്റ്നസ് തടസമാകുന്നുണ്ട്. ഇത് ആളുകളുടെ സെന്സ് ഓഫ് ഹ്യൂമറിനെയും ബാധിച്ചിട്ടുണ്ട്.
ഇന്നത്തെ കാലത്ത് നമുക്ക് ഒരാളെ മൊട്ടയെന്നോ കറുത്തവനെന്നോ വിളിക്കാന് പറ്റില്ല. കാരണം എന്ത് പറഞ്ഞാലും അതില് പൊളിറ്റിക്കല് കറക്റ്റ്നസ് ആണ്. എപ്പോഴാണ് കേസ് വരുന്നതെന്ന് നമുക്കറിയില്ല.
ഒരു കൂട്ടില് അടച്ചിട്ടാണ് തമാശകള് എഴുതുന്നത്. യാതൊരുവിധ തടസ്സങ്ങളും തമാശകള്ക്ക് ഉണ്ടാകരുത്. ന്യു ഇന്ത്യന് എക്സ്പ്രസിന് നല്കിയ അഭിമുഖത്തില് ആയിരുന്നു നടന്റെ പ്രതികരണം.
നിലവില് മലയാള സിനിമയില് ചര്ച്ചാ വിഷയം ആകുന്ന കാരവാന് സംസ്കാരത്തെ കുറിച്ചും സലീം കുമാര് സംസാരിച്ചു. പണ്ട് ലൊക്കേഷനിലൊക്കെ എല്ലാവരും ഒരുമിച്ചിരുന്ന് സംസാരിക്കുമായിരുന്നു. ഇന്ന് ഷോര്ട്ട് കഴിഞ്ഞാല് കാരവാനിലേക്ക് പോകും.
സിഐഡി മൂസ, പറക്കും തളിക പോലുള്ള സിനിമകളൊന്നും ഇനി ഒരിക്കലും ഉണ്ടാകില്ല. കാരണം അവയിലെ പല തമാശ രംഗങ്ങളും ഞങ്ങള് പരസ്പരം സംസാരിച്ചിരുന്നപ്പോള് ഉണ്ടായവയാണ്’, എന്നാണ് സലീം കുമാര് പറയുന്നത്.
Content Highlight: Actor Salim Kumar says that there are no funny characters in new films.
