---
title: "പ്രായപൂർത്തിയാവാത്ത പെൺകുട്ടിയെ ബലാത്സംഗം ചെയ്ത് ചിത്രങ്ങൾ പ്രദർശിപ്പിച്ചു; ഭോജ്പുരി ഗായകൻ അറസ്റ്റിൽ"
english_title: "A singer who raped a minor girl and showed pictures was arrested"
publisher: "moviemax.in"
canonical_url: "https://moviemax.in/news/120913/a-singer-who-raped-a-minor-girl-and-showed-pictures-was-arrested"
published_at: "2023-06-09T11:59:00+05:30"
category: "Bollywood"
language: "ml"
image: "https://cf.zdn.im/img/truevisionnews.com/0/image-uploads/6482c75c4a8b4_mike.jpg"
keywords: []
---

# പ്രായപൂർത്തിയാവാത്ത പെൺകുട്ടിയെ ബലാത്സംഗം ചെയ്ത് ചിത്രങ്ങൾ പ്രദർശിപ്പിച്ചു; ഭോജ്പുരി ഗായകൻ അറസ്റ്റിൽ

> **Lead Summary:** **പ്രാ**യപൂർത്തിയാവാത്ത പെൺകുട്ടിയെ ബലാത്സംഗം ചെയ്ത് ചിത്രങ്ങൾ പ്രദർശിപ്പിച്ച ഗായകൻ അറസ്റ്റിൽ. ഭോജ്പുരി ഗായകനായ അഭിഷേക് (ബാബുൽ ബിഹാരി) ആണ് അറസ്റ്റിലായത്. 13കാരിയായ പെൺകുട്ടിയെ ബലാത്സംഗം ചെയ്ത് നഗ്നചിത്രങ്ങൾ സമൂഹമാധ്യമങ്ങളിലൂടെ പ്രചരിപ്പിച്ചു എന്നാണ് കേസ്.

## Article Content

**പ്രാ**യപൂർത്തിയാവാത്ത പെൺകുട്ടിയെ ബലാത്സംഗം ചെയ്ത് ചിത്രങ്ങൾ പ്രദർശിപ്പിച്ച ഗായകൻ അറസ്റ്റിൽ. ഭോജ്പുരി ഗായകനായ അഭിഷേക് (ബാബുൽ ബിഹാരി) ആണ് അറസ്റ്റിലായത്. 13കാരിയായ പെൺകുട്ടിയെ ബലാത്സംഗം ചെയ്ത് നഗ്നചിത്രങ്ങൾ സമൂഹമാധ്യമങ്ങളിലൂടെ പ്രചരിപ്പിച്ചു എന്നാണ് കേസ്.

രണ്ട് വർഷം മുൻപാണ് സംഭവം നടന്നത്. രാജീവ് നഗറിലാണ് അഭിഷേക് താമസിച്ചിരുന്നത്. ഈ സമയത്ത് ഇയാൾ സൗഹൃദം നടിച്ച് 13കാരിയായ പെൺകുട്ടിയെ ഹോട്ടൽ മുറിയിലെത്തിച്ച് ബലാത്സംഗം ചെയ്ത് കുട്ടിയുടെ നഗ്ന ചിത്രങ്ങളെടുത്തു.

ഇതോടെ കുട്ടി ഇയാളുമായി അകന്നു. വിവരം കുട്ടി ആരോടും പറഞ്ഞതുമില്ല. ഏതാനും ദിവസങ്ങൾക്കുമുൻപ് അഭിഷേക് കുട്ടിയുടെ ചിത്രങ്ങൾ ഇൻസ്റ്റഗ്രാമിൽ പങ്കുവച്ചു.

ഇത് കണ്ട കുട്ടിയുടെ കുടുംബം പെൺകുട്ടിയോട് വിവരം അന്വേഷിച്ചു. ഈ സമയത്താണ് കുട്ടി രണ്ട് വർഷം മുൻപ് നടന്ന സംഭവം മാതാപിതാക്കളെ അറിയിച്ചത്. ഇതോടെ കുടുംബം പൊലീസിൽ പരാതിപ്പെട്ടു. മണിക്കൂറുകൾക്കുള്ളിൽ തന്നെ അഭിഷേകിനെ പൊലീസ് അറസ്റ്റ് ചെയ്തു.

### Related Links & Sources
- [Original Story Source](https://moviemax.in/news/120913/a-singer-who-raped-a-minor-girl-and-showed-pictures-was-arrested)