മോഹന്ലാല്-പ്രിയദര്ശന് കൂട്ടുകെട്ടിലെ ബ്രഹ്മാണ്ഡ ചിത്രമായ മരക്കാര് അറബിക്കടലിന്റെ സിംഹം പ്രേക്ഷകര്ക്ക് മുന്നിലേക്കെത്താനൊരുങ്ങുകയാണ്. നാളുകള് നീണ്ട കാത്തിരിപ്പിന് വിരാമമിട്ട് ഡിസംബര് 2ന് ചിത്രം എത്തുകയാണ്. ഒടിടിയിലൂടെയായി റിലീസ് ചെയ്തേക്കുമെന്നായിരുന്നു തുടക്കത്തിലെ വിവരങ്ങളെല്ലാം ആ തീരുമാനം അണിയറപ്രവര്ത്തകര് മാറ്റുകയായിരുന്നു പിന്നീട്.
താന് ആദ്യമായി പ്രിയദര്ശനൊപ്പം പ്രവര്ത്തിച്ച ചിത്രം കൂടിയാണ് മരക്കാര് എന്ന് മഞ്ജു വാര്യര് പറയുന്നു. മരക്കാറിനെക്കുറിച്ചുള്ള മഞ്ജു വാര്യരുടെ വാക്കുകള് സോഷ്യല് മീഡിയയിലൂടെ വൈറലായിക്കൊണ്ടിരിക്കുകയാണ്.
എന്റെയൊക്കെ കുട്ടിക്കാലം ഒരുപാട് നിറങ്ങളും കളര്ഫുളുമാക്കിയ നിരവധി സിനിമകളാണ് മോഹന്ലാല്-പ്രിയദര്ശന് കൂട്ടുകെട്ട് സമ്മാനിച്ചത്. ചിത്രം, കിലുക്കം തുടങ്ങിയ കോമഡി സിനിമകളാണെങ്കിലും കാലാപാനി പോലുള്ള ഗൗരവമാര്ന്ന ചിത്രങ്ങളാണെങ്കിലും ഒരേ പോലെ എടുത്ത് ഫലിപ്പിച്ച് അത്രയും ഇംപാക്റ്റോടെ നമുക്ക് സമ്മാനിച്ച കൂട്ടുകെട്ടാണ് മോഹന്ലാല്-പ്രിയദര്ശന്റേത്.
ഒരുപാട് വര്ഷങ്ങള്ക്ക് മുന്പ് ഞാന് അഭിനയിച്ചോണ്ടിരുന്നപ്പോഴും, എനിക്ക് തോന്നുന്നു ചന്ദ്രലേഖ എന്ന മൂവിയില് ഒന്നിച്ച് പ്രവര്ത്തിക്കാനുള്ള ഭാഗ്യം വന്നെങ്കിലും എനിക്കത് ചെയ്യാനായില്ല. അതിന്റെ സങ്കടം ഇന്നുമുണ്ട്. ആ സങ്കടം ഒരുപാട് വര്ഷങ്ങള്ക്ക് ശേഷം വീണ്ടും അതിനൊരു അവസരം വന്നത് കുഞ്ഞാലി മരക്കാറിലൂടെയാണ്. ഇത്രയും ബ്രഹ്മാണ്ഡമായിട്ടുള്ള സിനിമയിലൂടെയാണ്.
ഞാന് മനസ്സിലാക്കിയിടത്തോളം ഏറ്റവും മലയാള സിനിമയില് ഇന്നേവരെയുണ്ടായിട്ടുള്ളതില് വെച്ച് ഏറ്റവും ബഡ്ജറ്റുള്ള സിനിമയാണ്. അത്രയും വലിയൊരു, അക്ഷരാര്ത്ഥത്തില് ബ്രഹ്മാണ്ഡ സിനിമയില് ഒരു ഹിസ്റ്റോറിക്കായിട്ടുള്ള, എപ്പിക്കായിട്ടുള്ള കോമ്പിനേഷനില് ഒരുങ്ങുന്ന ഈ ചിത്രത്തിന്റെ ഭാഗമാവാന് കഴിഞ്ഞതില് ഒരുപാട് സന്തോഷമുണ്ട്.
ഒന്നിച്ച് പ്രവര്ത്തിക്കുന്ന മറ്റ് പ്രതിഭകളെക്കുറിച്ച് പറയുകയാണെങ്കില് ഒട്ടേറെ താരങ്ങള് ചിത്രത്തില് അണിനിരക്കുന്നുണ്ട്. അത്രയും വലിയൊരു സിനിമയുടെ ഭാഗമായി നില്ക്കാന് കഴിയുന്നത് വലിയൊരു ഭാഗ്യമായാണ് കാണുന്നത്.
ആന്റണി ചേട്ടനാണ് എന്നെ ഈ ചിത്രത്തിലേക്ക് വിളിച്ചത്. പ്രിയന് സാറും ലാലേട്ടനുമുള്ള ഈ സിനിമയിലേക്ക് എന്നെ വിളിച്ചതില് ഒരുപാട് സന്തോഷമുണ്ട്. കഥയില് വളരെ പ്രധാന്യമുള്ള കഥാപാത്രത്തെയാണ് എനിക്ക് പ്രിയന് സാര് തന്നിട്ടുള്ളത്. ഞാനും ഏറെ ആകാംക്ഷയോടെ ഈ സിനിമയുടെ റിലീസിനായി കാത്തിരിക്കുന്നത്. നമ്മള് എല്ലാവരേയും അമ്പരപ്പിക്കുന്ന ചിത്രം തന്നെയായിരിക്കും മരക്കാര് അറബിക്കടലിന്റെ സിംഹമെന്നുമായിരുന്നു മഞ്ജു വാര്യര് പറഞ്ഞത്.
Content Highlight: Manju Warrier's words about Marakkar are going viral on social media.
