മലയാളികൾക്ക് പ്രിയങ്കരനായ അഭിനേതാവാണ് സലിംകുമാർ. നിരവധി ചിത്രങ്ങളിൽ താരം വേഷമിട്ടിട്ടുണ്ട്. സമ്മാനിച്ച കഥാപാത്രങ്ങളൊക്കെയും ആരാധകര്ക്ക് ഏറെ പ്രിയപ്പെട്ടതാണ് . മിമിക്രിയിലൂടെ ആണ് താരത്തിൻ്റെ തുടക്കം.ഒരു ഹാസ്യനടനായി അദ്ദേഹം സിനിമയിൽ തുടങ്ങി. വർഷങ്ങളോളം മലയാളികളെ ചിരിപ്പിച്ചു. എന്നാൽ തനിക്ക് ഏതുവേഷവും വഴങ്ങുമെന്ന് പിൽക്കാലത്ത് അദ്ദേഹം തെളിയിച്ചു.
ഇതിന് പിന്നാലെ ദേശീയ അവാർഡും അദ്ദേഹത്തെ തേടിയെത്തി. ഇന്ന് മലയാളത്തിലെ മൂല്യമേറിയ കലാകാരന്മാരിൽ ഒരാളാണ് ഇദ്ദേഹം. ഇപ്പോഴിതാ ഇദ്ദേഹം പറഞ്ഞ അനുഭവം ഏറെ ശ്രദ്ധ നേടുകയാണ്. മമ്മൂട്ടി നയിച്ച ഒരു അമേരിക്കൻ സ്റ്റേജ് ഷോ യെ കുറിച് ആണ് താരം വിവരിച്ചത്.
മമ്മൂട്ടിയെ കൂടാതെ സലിംകുമാർ, സുകുമാരി, കുഞ്ചൻ, വിനീത്, തുടങ്ങിയ നിരവധി താരങ്ങളും ഉണ്ടായിരുന്നു. ഈ പരിപാടിയിൽ ലൈറ്റ് ഓപ്പറേറ്ററായി എത്തിയത് അമേരിക്കയിൽ പഠിക്കാനെത്തിയ ഒരു പയ്യൻ ആയിരുന്നു.
ടീം അംഗങ്ങളുടെ എണ്ണം കുറവായിരുന്നതുകൊണ്ടാണ് ആ പയ്യനെ ആ ജോലി ഏൽപ്പിച്ചത് എന്ന് സലിംകുമാർ പറയുന്നു. പയ്യൻ ആയിരുന്നെങ്കിലും പ്രകാശ് വിധാനത്തിൻറെ കാര്യത്തിൽ അവൻ അഗ്രഗണ്യനായിരുന്നു. എന്നാലും ചിലപ്പോഴൊക്കെ ഉണ്ടാവുന്ന ചെറിയ തെറ്റുകൾക്ക് മമ്മൂക്ക അവനെ വഴക്കു പറയും.
ഇത് കേൾക്കുമ്പോൾ അവൻറെ മുഖം വിഷമം കൊണ്ട് ചുവന്നു തുടുക്കും. തെറ്റുകൾ വരുമ്പോൾ സീനിയേഴ്സ് നമ്മളെ ചീത്ത പറയും അതോർത്തു മോൻ വിഷമിക്കേണ്ട എന്ന് അവനെ സമാധാനിപ്പിക്കാൻ താൻ പറയും.
വലുതാകുമ്പോൾ പ്രസിദ്ധനായ ഒരു ലൈറ്റ് ഓപ്പറേറ്റർ അവൻ ആകും എന്നതിൽ എനിക്ക് സംശയം ഉണ്ടായിരുന്നില്ല. എന്നാൽ തൻറെ ചിന്തകളെ എല്ലാം കാറ്റിൽപറത്തി നാണം കുണുങ്ങിയായ, ചാലു എന്ന് വിളിച്ചിരുന്ന ലൈറ്റ് ഓപ്പറേറ്റർ പിന്നീട് ഇന്ത്യൻ സിനിമയിൽ തിളങ്ങുന്ന താരമായി. ഹിന്ദിയിലും, തമിഴിലും, തെലുങ്കിലും മലയാളത്തിലും എല്ലാം നിരവധി ആരാധകരുള്ള ദുൽക്കർ സൽമാൻ ആണ് അത്.
Content Highlight: Now Salim Kumar's experience is getting a lot of attention
