---
title: "പ്രണവുമായി ഇപ്പോഴും വിളിക്കാറുണ്ട്; താരപുത്രന്റെ 'ആദ്യ കാമുകി' "
english_title: "Rachel spoke about the first hero in an interview."
publisher: "moviemax.in"
canonical_url: "https://moviemax.in/news/11934/rachel-spoke-about-the-first-hero-in-an-interview"
published_at: "2021-11-21T10:55:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/6199d8959dbee_.jpg"
keywords: []
---

# പ്രണവുമായി ഇപ്പോഴും വിളിക്കാറുണ്ട്; താരപുത്രന്റെ 'ആദ്യ കാമുകി' 

> **Lead Summary:** റേച്ചല്‍ ഡേവിഡ് എന്ന് നടിയെ കുറിച്ച് പറഞ്ഞാല്‍ പെട്ടന്ന് തിരിച്ചറിയണം എന്നില്ല. എന്നാല്‍ പ്രണവ് മോഹന്‍ലാലിന്റെ ആദ്യത്തെ ഓണ്‍സ്‌ക്രീന്‍ ജോഡിയായി എത്തിയ സോയ എന്ന് പറഞ്ഞാല്‍ പെട്ടന്ന് മനസ്സിലാവും. പുതിയ ചിത്രമായ കാവലിന് വേണ്ടി നടത്തിയ പ്രമോഷന്‍ അഭിമുഖത്തിലാണ് സോയ എന്ന റേച്ചല്‍ തന്റെ ആദ്യത്തെ നായകനെ കുറിച്ച് പറഞ്ഞത്.

## Article Content

റേച്ചല്‍ ഡേവിഡ് എന്ന് നടിയെ കുറിച്ച് പറഞ്ഞാല്‍ പെട്ടന്ന് തിരിച്ചറിയണം എന്നില്ല. എന്നാല്‍ പ്രണവ് മോഹന്‍ലാലിന്റെ ആദ്യത്തെ ഓണ്‍സ്‌ക്രീന്‍ ജോഡിയായി എത്തിയ സോയ എന്ന് പറഞ്ഞാല്‍ പെട്ടന്ന് മനസ്സിലാവും. പുതിയ ചിത്രമായ കാവലിന് വേണ്ടി നടത്തിയ പ്രമോഷന്‍ അഭിമുഖത്തിലാണ് സോയ എന്ന റേച്ചല്‍ തന്റെ ആദ്യത്തെ നായകനെ കുറിച്ച് പറഞ്ഞത്.

പ്രണവ് മോഹന്‍ലാലുമായി ഇപ്പോഴും നല്ല ബന്ധമുണ്ട് എന്നും, ആ സൗഹൃദം തുടരുന്നുണ്ട് എന്നും ഒരു  അഭിമുഖത്തില്‍ റേച്ചല്‍ പറഞ്ഞു.

എന്റെ ശരിയായ പേര് റേച്ചല്‍ ഡേവിഡ് എന്ന് തന്നെയാണ്. ഇരുപത്തിയൊന്നാം നൂറ്റാണ്ട് എന്ന ചിത്രത്തില്‍ എത്തിയപ്പോള്‍ സിനിമയിലെ പേര് തന്നെ എന്റെ സ്‌ക്രീന്‍ നെയിം ആയി പറഞ്ഞിരുന്നു. പക്ഷെ പിന്നീട് എനിക്ക് സോയ എന്ന ആ പേര് പെട്ടന്ന് ഉള്‍ക്കൊള്ളാന്‍ കഴിഞ്ഞില്ല. അതുകൊണ്ട് ഒറിജിനല്‍ പേര് തന്നെ മതി എന്ന് പിന്നീട് തീരുമാനിച്ചു. ഇപ്പോള്‍ ഞാന്‍ റേച്ചല്‍ തന്നെയാണ്.

ആദി എന്ന ജീത്തു ജോസഫ് ചിത്രത്തിലൂടെയാണ് പ്രണവ് മോഹന്‍ലാല്‍ നായകനായി അരങ്ങേറുന്നത്. എന്നാല്‍ ആദ്യ ചിത്രത്തില്‍ പ്രണവിന് നായിക ഉണ്ടായിരുന്നില്ല. ഇരുപത്തിയൊന്നാം നൂറ്റാണ്ട് എന്ന ചിത്രത്തിലാണ് ആദ്യമായി പ്രണവിനൊരു കാമുകി ഉണ്ടായത്. തീര്‍ത്തുമൊരു റൊമാന്റിക് ചിത്രമായിരുന്നു ഇരുത്തിയൊന്നാം നൂറ്റാണ്ട്.

ഇന്റസ്ട്രിയിലെ എന്റെ അടുത്ത സുഹൃത്താണ് പ്രണവ് മോഹന്‍ലാല്‍ എന്ന് റേച്ചല്‍ പറയുന്നു. ഇപ്പോഴും ആ സൗഹൃദം സൂക്ഷിക്കുന്നുണ്ട്. വാട്‌സ് ആപ്പും മറ്റ് മുബൈല്‍ ആപ്പുകളും എല്ലാം സജീവമായി തന്നെ ഉപയോഗിക്കുന്ന ആളാണ് പ്രണവ്. യാത്രകളും കാര്യവും ഒക്കെ ഉണ്ടെങ്കിലും അദ്ദേഹം എപ്പോഴും അക്ടീവ് ആണ്. സെറ്റില്‍ എത്തുമ്പോള്‍ തന്നിലെ നടനുമായിട്ടാണ് അദ്ദേഹം വരുന്നത് എന്ന് നടി പറയുന്നു.

ദര്‍ശന എന്ന പാട്ട് കേട്ടപ്പോള്‍ ശരിയ്ക്കും എനിക്ക് പ്രണവിനെ കുറിച്ച് അഭിമാനം തോന്നി എന്ന് റേച്ചല്‍ ഡേവിഡ് പറഞ്ഞു. ഈ ചിത്രം തീര്‍ച്ചയായും പ്രണവിന്റെ കരിയറില്‍ ഒരു ബ്രേക്ക് ആയിരിയ്ക്കും. പ്രണവിന് ഒരുപാട് എക്‌സ്‌പ്ലോര്‍ ചെയ്യാനുണ്ട്. സംവിധായകന്‍ അത് പുറത്ത് കൊണ്ടു വരും എന്ന് കരുതുന്നു. ദര്‍ശന എന്ന പാട്ട് എന്റെ പേഴ്‌സണല്‍ ഫേവറേറ്റില്‍ ഒന്നാണ് ഇപ്പോള്‍.

സുരേഷ് ഗോപി നായകനായി എത്തുന്ന കാവല്‍ എന്ന ചിത്രമാണ് റേച്ചല്‍ ഡേവിഡിന്റെ അടുത്ത റിലീസ്. സുരേഷേട്ടന്‍ പറഞ്ഞിട്ടാണ് എനിക്ക് കാവലില്‍ അവസരം കിട്ടിയത്.

അദ്ദേഹത്തിനൊപ്പം അഭിനയിക്കാന്‍ കഴിഞ്ഞത് വലിയ അനുഗ്രഹമായി കാണുന്നു. സെറ്റില്‍ എല്ലാവര്‍ക്കും സുരേഷേട്ടന്‍ ഭക്ഷണം കൊണ്ടുവരും. ലൊക്കേഷനില്‍ മാത്രമല്ല, അല്ലാതെയും വളരെ കെയറിങ് ആണ് സുരേഷേട്ടന്‍- റേച്ചല്‍ ഡേവിഡ് പറഞ്ഞു.

### Related Links & Sources
- [Original Story Source](https://moviemax.in/news/11934/rachel-spoke-about-the-first-hero-in-an-interview)