---
title: "'അടിച്ചു പല്ലുതെറിപ്പിക്കും' മോഹന്‍ലാലിനെ മണ്ടനെന്ന് വിശേഷിപ്പിച്ചയാള്‍ക്കെതിരെ ആരാധകര്‍"
english_title: "Fans lash out at Mohanlal for calling him 'stupid'"
publisher: "moviemax.in"
canonical_url: "https://moviemax.in/news/11663/fans-lash-out-at-mohanlal-for-calling-him-stupid"
published_at: "2021-11-19T17:01:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/61978aff54efc_gafoor.jpg"
keywords: []
---

# 'അടിച്ചു പല്ലുതെറിപ്പിക്കും' മോഹന്‍ലാലിനെ മണ്ടനെന്ന് വിശേഷിപ്പിച്ചയാള്‍ക്കെതിരെ ആരാധകര്‍

> **Lead Summary:** മോഹന്‍ലാലിനെതിരെ കടുത്ത വിമര്‍ശനവുമായി എം.ഇ.എസ് സംസ്ഥാന പ്രസിഡന്റ് ഡോ. ഫസല്‍ ഗഫൂര്‍ രംഗത്ത് വന്നത് വലിയ വാര്‍ത്തയായിരുന്നു. മരക്കാര്‍ സിനിമയുടെ ഒ.ടി.ടി റിലീസ് വിവാദവുമായി ബന്ധപ്പെട്ടായിരുന്നു അദ്ദേഹത്തിന്റെ വിമര്‍ശനം. സിനിമ തിയേറ്ററുകളില്‍ പ്രദര്‍ശിപ്പിക്കാന്‍ തീരുമാനിച്ചതിലൂടെ സര്‍ക്കാരിനും വലിയ ലാഭമുണ്ടായെന്നും അദ്ദേഹം പറഞ്ഞിരുന്നു.

## Article Content

മോഹന്‍ലാലിനെതിരെ കടുത്ത വിമര്‍ശനവുമായി എം.ഇ.എസ് സംസ്ഥാന പ്രസിഡന്റ് ഡോ. ഫസല്‍ ഗഫൂര്‍ രംഗത്ത് വന്നത് വലിയ വാര്‍ത്തയായിരുന്നു. മരക്കാര്‍ സിനിമയുടെ ഒ.ടി.ടി റിലീസ് വിവാദവുമായി ബന്ധപ്പെട്ടായിരുന്നു അദ്ദേഹത്തിന്റെ വിമര്‍ശനം. സിനിമ തിയേറ്ററുകളില്‍ പ്രദര്‍ശിപ്പിക്കാന്‍ തീരുമാനിച്ചതിലൂടെ സര്‍ക്കാരിനും വലിയ ലാഭമുണ്ടായെന്നും അദ്ദേഹം പറഞ്ഞിരുന്നു.

ഇപ്പോഴിതാ ഫസല്‍ ഗഫൂറിനെതിരെ സൈബര്‍ ആക്രമണം ആരംഭിച്ചിരിക്കുകയാണ് ആരാധകര്‍. അടിച്ചു പല്ലുതെറിപ്പിക്കും തുടങ്ങിയ ഭീഷണി കമന്റുകളാണ് അദ്ദേഹത്തിന് വന്നുകൊണ്ടിരിക്കുന്നത്. ‘ഒ.ടി.ടി കുത്തകകളുടെ കൈയ്യിലാണ്. അതില്‍ നിന്നും ഒരു രൂപപോലും സര്‍ക്കാരിന് കിട്ടില്ല. സിനിമ ഇന്‍ഡസ്ട്രി നശിച്ച് കഴിഞ്ഞാല്‍ ഒ.ടി.ടി പിന്നെ റേറ്റ് കുറക്കും. തിയേറ്ററുകള്‍ നശിച്ച് കഴിഞ്ഞാല്‍ പിന്നെ ഈ റേറ്റൊന്നും ഓഫര്‍ ചെയ്യില്ല.

മോഹന്‍ലാല്‍ ഒരു ഫൂളാണ്. മോഹന്‍ലാലാണ് മലയാള സിനിമയെ നശിപ്പിച്ചത്,’ ഗഫൂര്‍ പറയുന്നു. മലയാള സിനിമ ഇന്‍ഡസ്ട്രിയെ മരക്കാര്‍ നശിപ്പിച്ചു എന്ന ഘട്ടത്തിലെത്തി നില്‍ക്കുകയാണെന്നും മോഹന്‍ലാല്‍ മുഖ്യമന്ത്രിയെ കണ്ടതോടെ ഒ.ടി.ടി വേണ്ട തിയേറ്റര്‍ റിലീസ് മതിയെന്ന് തീരുമാനിക്കുകയായിരുന്നെന്നും അദ്ദേഹം പറഞ്ഞു. പെരിന്തല്‍മണ്ണ എം.ഇ.എസ് ആര്‍ട്‌സ് ആന്‍ഡ് സയന്‍സ് കോളേജില്‍ മീഡിയ സ്റ്റുഡിയോ-സൈക്കോളജി ലാബ് ഉദ്ഘാടനം ചെയ്ത് സംസാരിക്കെയായിരുന്നു വിമര്‍ശനമുണ്ടായത്

### Related Links & Sources
- [Original Story Source](https://moviemax.in/news/11663/fans-lash-out-at-mohanlal-for-calling-him-stupid)