---
title: "പഠാന്‍ വിവാദം; ഒടുവില്‍ മറുപടി പറഞ്ഞ് ദീപിക പദുക്കോണ്‍"
english_title: "Pathan Controversy; Deepika Padukone finally answered"
publisher: "moviemax.in"
canonical_url: "https://moviemax.in/news/114555/pathan-controversy-deepika-padukone-finally-answered"
published_at: "2023-05-13T16:04:00+05:30"
category: "Bollywood"
language: "ml"
image: "https://cf.zdn.im/img/truevisionnews.com/0/image-uploads/645f680967750_padan.jpg"
keywords: []
---

# പഠാന്‍ വിവാദം; ഒടുവില്‍ മറുപടി പറഞ്ഞ് ദീപിക പദുക്കോണ്‍

> **Lead Summary:** റിലീസിനു മുമ്പേ വിവാദത്തിലകപ്പെട്ട ബോളിവുഡ് ചിത്രമാണ് ‘പഠാന്‍’. സിനിമ നേരിട്ട പ്രധാന വിവാദങ്ങളിലൊന്ന് ദീപിക പദുക്കോണിന്റെ വസ്ത്രധാരണമായിരുന്നു. ഹിന്ദുക്കളുടെ മതവികാരം വ്രണപ്പെടുത്തുന്നതാണ് നടിയുടെ കാവി നിറത്തിലുള്ള ബിക്കിനിയെന്നായിരുന്നു സംഘപരിവാര്‍ കേന്ദ്രങ്ങളുയര്‍ത്തിയ വാദം.

## Article Content

റിലീസിനു മുമ്പേ വിവാദത്തിലകപ്പെട്ട ബോളിവുഡ് ചിത്രമാണ് ‘പഠാന്‍’. സിനിമ നേരിട്ട പ്രധാന വിവാദങ്ങളിലൊന്ന് ദീപിക പദുക്കോണിന്റെ വസ്ത്രധാരണമായിരുന്നു. ഹിന്ദുക്കളുടെ മതവികാരം വ്രണപ്പെടുത്തുന്നതാണ് നടിയുടെ കാവി നിറത്തിലുള്ള ബിക്കിനിയെന്നായിരുന്നു സംഘപരിവാര്‍ കേന്ദ്രങ്ങളുയര്‍ത്തിയ വാദം.

എന്നാല്‍ ഇതുമായി ബന്ധപ്പെട്ട് നടി ഒരു മാധ്യമത്തിനോടും ഇതുവരെ പ്രതികരിച്ചിരുന്നില്ല. ഇപ്പോഴിതാ ടൈം മാഗസിന് നല്‍കിയ അഭിമുഖത്തില്‍ ഇപ്പോള്‍ ദീപിക ഈ വിവാദത്തോട് പ്രതികരിക്കുകയാണ്.

‘വിവാദങ്ങളെല്ലാം ഉണ്ടായപ്പോള്‍ ജോലിയില്‍ ശ്രദ്ധ കേന്ദ്രീകരിക്കുകയായിരുന്നു എന്നാണ് ദീപിക പറഞ്ഞത്. വിവാദങ്ങള്‍ ഉണ്ടായപ്പോള്‍ സത്യം പറഞ്ഞാല്‍ എനിക്കൊന്നും തോന്നിയില്ല’, നടി പറഞ്ഞു. ഇതിനു മുമ്പും ദീപികയ്ക്ക് സൈബര്‍ ആക്രമണങ്ങള്‍ നേരിടേണ്ടി വന്നിട്ടുണ്ട്. എന്നാല്‍ വിവാദങ്ങള്‍ക്ക് മറുപടിയായി ചിത്രം ആഗോളതലത്തില്‍ റെക്കോര്‍ഡ് നേട്ടമാണ് കൊയ്തത്. ബോളിവുഡ് ബോക്‌സ് ഓഫീസ് കണ്ട് ഏറ്റവും വലിയ കളക്ഷനാണ് പഠാന്‍ സമ്മാനിച്ചത്.

ഷാരൂഖ് ഖാന്റെ കരിയറിലെ ഏറ്റവും മികച്ച ആദ്യ ദിന കളക്ഷന്‍ പഠാന്‍ നേരത്തെ സ്വന്തമാക്കിയിരുന്നു. ആദ്യ ദിനം ഇന്ത്യയില്‍ നിന്ന് 44 കോടി നേടിയ ഹാപ്പി ന്യൂ ഇയറിനെയാണ് പഠാന്‍ പിന്നിലാക്കിയത്.

ഷാരൂഖ് ഖാനൊപ്പം ദീപിക പദുകോണും ജോണ്‍ എബ്രഹാമും പഠാനില്‍ പ്രധാന വേഷത്തിലെത്തുന്നുണ്ട്. 2018-ല്‍ പുറത്തിറങ്ങിയ സീറോയിലാണ് ഷാരൂഖ് ഒടുവില്‍ നായകനായി വേഷമിട്ടത്. അറ്റ്ലീ സംവിധാനം ചെയ്യുന്ന ചിത്രവും രാജ്കുമാര്‍ ഹിരാനി ചിത്രവും ഷാരൂഖിന്റേതായി അണിയറയില്‍ ഒരുങ്ങുന്നുണ്ട്.

### Related Links & Sources
- [Original Story Source](https://moviemax.in/news/114555/pathan-controversy-deepika-padukone-finally-answered)