മലയാളികളുടെ സ്വകാര്യ അഹങ്കാരമാണ് നടൻ മമ്മൂട്ടി. അമ്പതോളം വർഷങ്ങൾ പിന്നിട്ടി തന്റെ അഭിനയ ജീവിതത്തിൽ, അദ്ദേഹം കെട്ടിയാടാത്ത വേഷങ്ങൾ ചുരുക്കം മാത്രം. സമീപകാലത്ത് വ്യത്യസ്തമായ കഥാപാത്രങ്ങളിലൂടെ മലയാളികളെ, കേരളക്കരയെ അമ്പരപ്പിക്കുന്ന മമ്മൂട്ടിയുടേതായി പുറത്തുവരുന്ന ഫോട്ടോകളും വീഡിയോകളും സമൂഹമാധ്യമങ്ങളിൽ ട്രെന്റിംഗ് ആകാറുണ്ട്.
അത്തരത്തിൽ മമ്മൂട്ടി പങ്കുവച്ചെരു ഫോട്ടോയാണ് ഇപ്പോൾ വൈറൽ. സാൾട്ട് ആൻഡ് പെപ്പർ ലുക്കിൽ വെള്ള വസ്ത്രം ധരിച്ച് കണ്ണട വച്ചിരിക്കുന്ന മമ്മൂട്ടിയെ ആണ് ഫോട്ടോയിൽ കാണാൻ സാധിക്കുന്നത്. ഭീഷ്മപർവ്വത്തിലെ മൈക്കിളപ്പനെ ധ്വനിപ്പിക്കുന്നുമുണ്ട് ചിത്രം. 'ടേക്കിംഗ് ദ ബാക്ക് സീറ്റ്' എന്നാണ് ഫോട്ടോ പങ്കുവച്ച് മമ്മൂട്ടി കുറിച്ചത്.
പിന്നാലെ കമന്റുകളുമായി ആരാധകരും സിനിമാസ്വാദകരും രംഗത്തെത്തി. ഇതിൽ സിനിമാ താരങ്ങൾ ഉൾപ്പടെയുള്ളവർ ഉണ്ട്. "നാട്ടിലുള്ള യുവാക്കൾക്ക് വേണ്ടി കുറച്ചു ഒതുങ്ങി കൂടെ.. ഇപ്പോഴും ഓർമ്മയൊക്ക ഉണ്ടോ?? മമ്മൂക്ക... ഇതൊക്കെ കണ്ടാൽ പിന്നെ ലൈക് അടിക്കാതെ... രാജകീയം, ഈ വർഷം സെപ്റ്റംബർ 7..72 വയസ് തികയുകയാണ്.. യാറാലെ ഇതൊക്കെ, 90 വയസായാൽ ഇതിലും ചെറുപ്പമാകും മമ്മൂക്ക. ഇത് വേറെ ലെവലാ.., നിങ്ങൾ ഇത് എന്ത് ഭാവിച്ചാണ് മനുഷ്യാ....ഞങ്ങൾക്കും ഈ നാട്ടിൽ ജീവിക്കണം", എന്നിങ്ങനെ പോകുന്നു കമന്റുകൾ.
Content Highlight: Mammootty in new look, photo goes viral
