---
title: "മാലിന്യമിടുന്ന പാത്രം തുറക്കവെ അപ്രതീക്ഷിതമായി കുതിച്ച് ചാടി കരടി...! ഭയന്നോടി പ്രിൻസിപ്പൽ "
english_title: "Unexpectedly, the bear jumped and jumped while opening the garbage can"
publisher: "moviemax.in"
canonical_url: "https://moviemax.in/news/112614/unexpectedly-the-bear-jumped-and-jumped-while-opening-the-garbage-can"
published_at: "2023-05-04T22:52:00+05:30"
category: "Viral"
language: "ml"
image: "https://cf.zdn.im/img/truevisionnews.com/0/image-uploads/6453e9c8250cd_bearviral.jpg"
keywords: []
---

# മാലിന്യമിടുന്ന പാത്രം തുറക്കവെ അപ്രതീക്ഷിതമായി കുതിച്ച് ചാടി കരടി...! ഭയന്നോടി പ്രിൻസിപ്പൽ 

> **Lead Summary:** **യു**എസ്സിലെ ഒരു സ്കൂൾ പ്രിൻസിപ്പലിനാണ് അത്യന്തം പേടിപ്പെടുത്തുന്ന അനുഭവം ഉണ്ടായത്. പാർക്കിം​ഗ് ക്യാമറയിൽ പതിഞ്ഞ ഇതിന്റെ ദൃശ്യമാണ് ഇപ്പോൾ സാമൂഹിക മാധ്യമങ്ങളിൽ വൈറലായിരിക്കുന്നത്. വെസ്റ്റ് വിർജീനിയയിലെ സെല എലിമെന്ററി സ്കൂളിലെ പ്രിൻസിപ്പലിന് നേരെയാണ് അപ്രതീക്ഷിതമായി കരടി ചാടിയത്. തിങ്കളാഴ്ച രാവിലെയായിരുന്നു സംഭവം.

## Article Content

**യു**എസ്സിലെ ഒരു സ്കൂൾ പ്രിൻസിപ്പലിനാണ് അത്യന്തം പേടിപ്പെടുത്തുന്ന അനുഭവം ഉണ്ടായത്. പാർക്കിം​ഗ് ക്യാമറയിൽ പതിഞ്ഞ ഇതിന്റെ ദൃശ്യമാണ് ഇപ്പോൾ സാമൂഹിക മാധ്യമങ്ങളിൽ വൈറലായിരിക്കുന്നത്. വെസ്റ്റ് വിർജീനിയയിലെ സെല എലിമെന്ററി സ്കൂളിലെ പ്രിൻസിപ്പലിന് നേരെയാണ് അപ്രതീക്ഷിതമായി കരടി ചാടിയത്. തിങ്കളാഴ്ച രാവിലെയായിരുന്നു സംഭവം.

പ്രിൻസിപ്പൽ ജെയിംസ് മാർഷ് സ്‌കൂളിന് പുറത്തുള്ള മാലിന്യമിടുന്ന പാത്രം തുറക്കവെയായിരുന്നു അതിൽ നിന്നും തീരെ പ്രതീക്ഷിക്കാതെ കരടി കുതിച്ച് ചാടിയത്. നിക്കോളാസ് കൗണ്ടി ബോർഡ് ഓഫ് എജ്യുക്കേഷനാണ് സംഭവത്തിന്റെ സിസിടിവി ദൃശ്യങ്ങൾ സാമൂഹിക മാധ്യമങ്ങളിൽ പങ്ക് വച്ചിരിക്കുന്നത്. ദൃശ്യങ്ങളിൽ കാണുന്നത് പ്രിൻസിപ്പൽ നേരെ മാലിന്യം നിറച്ചിരിക്കുന്നതിന് അടുത്തേക്ക് വരുന്നതും അത് തുറക്കുന്നതുമാണ്.

പെട്ടെന്ന് അതിൽ നിന്നും അപ്രതീക്ഷിതമായി കരടി കുതിച്ച് ചാടുന്നു. അതോടെ ഭയന്നു പോയ പ്രിൻസിപ്പൽ ഓടി രക്ഷപ്പെടുന്നതും വീഡിയോയിൽ കാണാം. അത് മാത്രമല്ല കരടിയും മറ്റൊരു വഴിയെ പാഞ്ഞു പോവുകയാണ്.കരടി അതിന്റെ അകത്ത് കുടുങ്ങിപ്പോയതായിരിക്കാം എന്നാണ് പ്രിൻസിപ്പൽ പറയുന്നത്. അതിവേ​ഗം തന്നെ വീഡിയോ സാമൂഹിക മാധ്യമങ്ങളിൽ വൈറലായി. നിരവധിപ്പേരാണ് വീഡിയോയ്ക്ക് രസകരമായ കമന്റുകൾ നൽകിയിരിക്കുന്നത്.

### Related Links & Sources
- [Original Story Source](https://moviemax.in/news/112614/unexpectedly-the-bear-jumped-and-jumped-while-opening-the-garbage-can)