ഭക്ഷണത്തെ ചൊല്ലിയുള്ള പരാതികള് പലരും ഫോട്ടോയോ വീഡിയോയോ സഹിതം സോഷ്യല് മീഡിയയില് പങ്കുവെയ്ക്കാറുണ്ട്. ഇങ്ങനെ പങ്കുവെയ്ക്കുന്ന അനുഭവങ്ങളാകട്ടെ, വലിയ രീതിയില് ശ്രദ്ധ പിടിച്ചുപറ്റാറുമുണ്ട്.
ഇത്തരത്തില് ശ്രദ്ധേയമാവുകയാണിപ്പോള് ഒരു റെസ്റ്റോറന്റില് നിന്ന് പകര്ത്തിയ വീഡിയോ. പൊരിച്ച ചിക്കന്റെ അകത്ത് നുരയ്ക്കുന്ന ജീവനുള്ള പുഴുക്കളാണ് വീഡിയോയില് കാണുന്നത്.
ഒരു മലേഷ്യൻ റെസ്റ്റോറന്റിലാണ് അറപ്പുളവാക്കുന്ന സംഭവം ഉണ്ടായിരിക്കുന്നത്. പൊരിച്ച ചിക്കൻ വാങ്ങി പകുതിയിലധികവും കഴിച്ചിരിക്കുന്നു. ഇതിന് ശേഷം അകത്തെ ഭാഗത്താണ് പുഴുവിനെ കണ്ടെത്തിയത്.
ഒന്നല്ല- മറിച്ച് ഒരു കൂട്ടം പുഴുക്കള് തന്നെയാണ് അകത്തുള്ളത്. ഇത് വീഡിയോയില് വ്യക്തമായി കാണാവുന്നതാണ്. യഥാര്ത്ഥത്തില് ഈ വീഡിയോ കണ്ടിരിക്കാൻ പോലുമാകില്ലെന്നാണ് മിക്കവരും കമന്റില് പറയുന്നത്.
https://twitter.com/i/status/1648307397419765760
ഇത് അവിശ്വസനീയമാണെന്ന് പറയുന്നവരുമുണ്ട്. അതേസമയം ഇതേ റെസ്റ്റോറന്റില് നിന്ന് സമാനമായ അനുഭവങ്ങളുണ്ടായതായി പലരും വീഡിയോയ്ക്ക് താഴെ കമന്റില് സൂചിപ്പിക്കുന്നുണ്ട്.
ഉപഭോക്താവ് ഭക്ഷണത്തില് പുഴുക്കളെ കണ്ടെത്തിയതിനെ തുടര്ന്ന് റെസ്റ്റോറന്റ് അധികൃതരോട് പരാതിപ്പെടുന്നതും വീഡിയോയില് കാണുന്നുണ്ട്. എന്തായാലും വീഡിയോ വ്യാപകമായ രീതിയിലാണ് സോഷ്യല് മീഡിയയില് പങ്കുവെയ്ക്കപ്പെടുന്നത്. ലക്ഷക്കണക്കിന് പേര് വീഡിയോ കാണുകയും ചെയ്തിരിക്കുന്നു.
Content Highlight: 'Live maggots foam inside the chicken'; Video from the restaurant...
