---
title: "ആ എല്ലാവരെയും എനിക്കാവശ്യമില്ല, എനിക്ക് നിന്നെ മാത്രം മതി; താരത്തിന്റെ പോസ്റ്റ് വൈറൽ "
english_title: "The photo and caption shared by Ravinder is now garnering attention."
publisher: "moviemax.in"
canonical_url: "https://moviemax.in/news/110660/the-photo-and-caption-shared-by-ravinder-is-now-garnering-attention"
published_at: "2023-04-24T12:22:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/6446278aaa950_mahalakshmi.jpg"
keywords: []
---

# ആ എല്ലാവരെയും എനിക്കാവശ്യമില്ല, എനിക്ക് നിന്നെ മാത്രം മതി; താരത്തിന്റെ പോസ്റ്റ് വൈറൽ 

> **Lead Summary:** തമിഴ്നാട്ടിൽ അടുത്തിടെ വലിയ വാർത്താ പ്രാധാന്യം നേടിയ സംഭവമായിരുന്നു നടി മഹാലക്ഷ്മിയും നിർമാതാവ് രവീന്ദറും തമ്മിലുള്ള വിവാഹം. വിവാഹ ചിത്രങ്ങൾ സോഷ്യൽ മീഡിയയിൽ പങ്കുവെച്ചതിന് പിന്നാലെ ഇരുവർക്കും വ്യാപക സൈബർ ആക്രമണങ്ങളും ട്രോളുകളും നേരിടേണ്ടി വന്നു. രവീന്ദർ ചന്ദ്രശേഖറിന്റെ ശരീരഭാരമാണ് പരിഹാസത്തിന് കാരണമായത്. പണം കാണിച്ച് രവീന്ദർ മഹാലക്ഷ്മിയെ വരുതിയിലാക്കി, കോടീശ്വരനായ രവീന്ദറിന്റെ പണം കണ്ടാണ് മഹാലക്ഷ്മി വിവാഹത്തിന് സമ്മതിച്ചത് എന്നിങ്ങനെ ആക്ഷേപങ്ങൾ വന്നു. 

## Article Content

തമിഴ്നാട്ടിൽ അടുത്തിടെ വലിയ വാർത്താ പ്രാധാന്യം നേടിയ സംഭവമായിരുന്നു നടി മഹാലക്ഷ്മിയും നിർമാതാവ് രവീന്ദറും തമ്മിലുള്ള വിവാഹം. വിവാഹ ചിത്രങ്ങൾ സോഷ്യൽ മീഡിയയിൽ പങ്കുവെച്ചതിന് പിന്നാലെ ഇരുവർക്കും വ്യാപക സൈബർ ആക്രമണങ്ങളും ട്രോളുകളും നേരിടേണ്ടി വന്നു. രവീന്ദർ ചന്ദ്രശേഖറിന്റെ ശരീരഭാരമാണ് പരിഹാസത്തിന് കാരണമായത്. പണം കാണിച്ച് രവീന്ദർ മഹാലക്ഷ്മിയെ വരുതിയിലാക്കി, കോടീശ്വരനായ രവീന്ദറിന്റെ പണം കണ്ടാണ് മഹാലക്ഷ്മി വിവാഹത്തിന് സമ്മതിച്ചത് എന്നിങ്ങനെ ആക്ഷേപങ്ങൾ വന്നു. 

വിവാഹ ശേഷം രണ്ട് പേരും തങ്ങളുടെ കരിയർ തിരക്കുകളിലാണ്. മ​ഹാലക്ഷ്മി ഇപ്പോഴും സീരിയലുകളിൽ അഭിനയിക്കുന്നുണ്ട്. രവീന്ദർ സിനിമാ നിർമാണത്തിലും ശ്രദ്ധ കൊടുക്കുന്നു. ഭാര്യക്കാെപ്പമുള്ള യാത്രകളുടെ ചിത്രങ്ങൾ ഇടയ്ക്ക് രവീന്ദർ സോഷ്യൽ മീഡിയയിൽ പങ്കുവെക്കാറുണ്ട്.

രവീന്ദർ പങ്കുവെച്ച ഫോട്ടോയും ക്യാപ്ഷനുമാണ് ഇപ്പോൾ ശ്രദ്ധ നേടുന്നത്. ഭാ​​ഗ്യം ധീരർക്ക് അനുകൂലമാണ്. എന്റെ പ്രണയവും ജീവിതവും. എല്ലാവരും നിന്നെ മനസ്സിലാക്കണമെന്നില്ല. നീ അവർക്ക് മറുപടി നൽകേണ്ടതില്ല എന്നാണ് എന്റെ ഉപദേശം.

ഞങ്ങൾ ഹാപ്പിയാണ്. കാരണം നിങ്ങൾക്കുള്ളത് പോലെ തന്നെ ജീവിതം ലളിതവും മനോഹരവുമാണ്, രവീന്ദർ കുറിച്ചതിങ്ങനെ. പോസ്റ്റിന് താഴെ മഹാലക്ഷ്മിയും കമന്റ് ചെയ്തു. ലവ് യു മൈ ലൈഫ്... ആ എല്ലാവരെയും എനിക്കാവശ്യമില്ല. എനിക്ക് നിന്നെ മാത്രം മതിയെന്നാണ് മഹാലക്ഷ്മിയുടെ കമന്റ്. 

രവീന്ദറിനെ വിവാഹം കഴിച്ചതിന്റെ പേരിൽ മഹാലക്ഷ്മിക്ക് നേരെ ഇപ്പോഴും അധിക്ഷേപം വരാറുണ്ട്. എന്നാൽ രവീന്ദറിന്റെ പണം കണ്ടല്ല താൻ വിവാഹത്തിന് തയ്യാറായതെന്ന് നേരത്തെ മഹാലക്ഷ്മി വ്യക്തമാക്കിയിരുന്നു.

രണ്ടാമതൊരു വിവാഹത്തെക്കുറിച്ച് ആലോചിച്ചിരുന്നില്ല. തനിക്ക് സാമ്പത്തിക ഭദ്രതയുണ്ടായിരുന്നു. മകനെ ഒറ്റയ്ക്ക് വളർത്താനുള്ള ആത്മവിശ്വാസവും ഉണ്ടായിരുന്നെന്നും മഹാലക്ഷ്മി വ്യക്തമാക്കി. രവീന്ദർ കടന്ന് വന്ന ശേഷമാണ് വിവാഹം ഇനി വേണ്ടെന്ന തീരുമാനം മാറ്റിയതെന്നും നടി തുറന്ന് പറഞ്ഞു. 

ഭർത്താവിനെ മാത്രമല്ല ആരെയും ഇത്തരത്തിൽ കളിയാക്കരുതെന്നും മഹാലക്ഷ്മി തുറന്ന് പറഞ്ഞു. തമിഴകത്ത് നിരവധി സീരിയലുകളിൽ മഹാലക്ഷ്മി അഭിനയിച്ചിട്ടുണ്ട്. കൂടുതലും വില്ലൻ വേഷങ്ങളാണ് സീരിയലുകളിൽ മഹാലക്ഷ്മി ചെയ്തത്. തമിഴ് സിനിമാ നിർമാണ രം​ഗത്ത് വർഷങ്ങളായി സജീവമാണ് രവീന്ദറും.

നളനു നളിനിയും, കോലെെ നോക്ക് പാർവെ തുടങ്ങിയ സിനിമകൾ ഇദ്ദേഹം നിർമ്മിച്ചിട്ടുണ്ട്. പ്രായ വ്യത്യാസം, രൂപം, തുടങ്ങി പല കാരണങ്ങളാണ് മറ്റ് താര ദമ്പതികളും പരിഹാസങ്ങൾക്കിരയായിട്ടുണ്ട്. അർജുൻ കപൂർ, മലൈക അറോറ, പ്രിയങ്ക ചോപ്ര, സുസ്മിത സെൻ തുടങ്ങി വലിയ താരങ്ങൾക്ക് വരെ ഇത്തരം സാഹചര്യം നേരിടേണ്ടി വന്നിട്ടുണ്ട്. പങ്കാളികളുമായുള്ള പ്രായ വ്യത്യാസമാണ് ഇവരിൽ പലരെയും പരിഹസിക്കാൻ കാരണമായത്. 

### Related Links & Sources
- [Original Story Source](https://moviemax.in/news/110660/the-photo-and-caption-shared-by-ravinder-is-now-garnering-attention)