---
title: "ശ്രുതി ലക്ഷ്മി ഗര്‍ഭിണി? ബിഗ് ബോസില്‍ നിന്നും ക്വിറ്റ് ചെയ്യാനൊരുങ്ങുന്നു?"
english_title: "Shruti Lakshmi pregnant? Planning to quit Bigg Boss?"
publisher: "moviemax.in"
canonical_url: "https://moviemax.in/news/110512/shruti-lakshmi-pregnant-planning-to-quit-bigg-boss"
published_at: "2023-04-23T12:03:00+05:30"
category: "TV"
language: "ml"
image: "https://cf.zdn.im/img/truevisionnews.com/0/image-uploads/6444d1d417a25_sruthi.jpg"
keywords: []
---

# ശ്രുതി ലക്ഷ്മി ഗര്‍ഭിണി? ബിഗ് ബോസില്‍ നിന്നും ക്വിറ്റ് ചെയ്യാനൊരുങ്ങുന്നു?

> **Lead Summary:** ബിഗ് ബോസ് മലയാളം സീസണ്‍ 5ല്‍ അരങ്ങേറുന്നത് തീര്‍ത്തും നാടകീയമായ രംഗങ്ങള്‍. ചിലര്‍ എവിക്ഷനിലൂടെ പുറത്താകുമ്പോള്‍ മറ്റ് ചിലര്‍ ആരോഗ്യ കാരണങ്ങളാലും ബിഗ് ബോസ് വീടിന് പുറത്ത് പോകേണ്ടി വന്നിട്ടുണ്ട്. 

## Article Content

ബിഗ് ബോസ് മലയാളം സീസണ്‍ 5ല്‍ അരങ്ങേറുന്നത് തീര്‍ത്തും നാടകീയമായ രംഗങ്ങള്‍. ചിലര്‍ എവിക്ഷനിലൂടെ പുറത്താകുമ്പോള്‍ മറ്റ് ചിലര്‍ ആരോഗ്യ കാരണങ്ങളാലും ബിഗ് ബോസ് വീടിന് പുറത്ത് പോകേണ്ടി വന്നിട്ടുണ്ട്. 

ഇപ്പോഴിതാ മറ്റൊരു താരവും ബിഗ് ബോസ് വീട്ടില്‍ നിന്നും ക്വിറ്റ് ചെയ്യാനൊരുങ്ങുകയാണെന്നാണ് റിപ്പോര്‍ട്ടുകള്‍ പറയുന്നത്. എന്നാല്‍ എവിക്ഷനോ ആരോഗ്യപ്രശ്‌നമോ ഒന്നുമല്ല. മറിച്ച് ഒരു സന്തോഷ വാര്‍ത്തയാണ് അതിന് പിന്നിലെന്നാണ് സോഷ്യല്‍ മീഡിയ പറയുന്നത്. ബിഗ് ബോസ് താരങ്ങളില്‍ ഒരാള്‍ ഗര്‍ഭിണിയാണെന്നും അധികം വൈകാതെ ഈ താരം ഷോയില്‍ നിന്നും സ്വയം പിന്മാറിയേക്കുമെന്നുമാണ് സോഷ്യല്‍ മീഡിയ പറയുന്നത്. 

ഇന്നലെ മോണിംഗ് സോംഗിന് ശേഷം ശ്രുതിയും റനീഷയും തമ്മില്‍ നടന്ന ചര്‍ച്ചയില്‍ നിന്നും തുടങ്ങിയതാണ് സോഷ്യല്‍ മീഡിയയിലെ ചര്‍ച്ചകള്‍. അങ്ങനെയാണെങ്കില്‍ ചേച്ചി ക്വിറ്റ് ചെയ്യുമോ എന്നാണ് റെനീഷ ശ്രുതിയോട് ചോദിക്കുന്നത്. താന്‍ ക്വിറ്റ് ചെയ്യുമെന്ന് ശ്രുതി പറയുകയും ചെയ്യുന്നുണ്ട്.

പിന്നീടാണ് ശ്രുതി ഗര്‍ഭിണിയാണോ എന്ന തരത്തിലുള്ള ചര്‍ച്ചകള്‍ സോഷ്യല്‍ മീഡിയയില്‍ സജീവമാകുന്നത്. താരങ്ങള്‍ക്കിടയില്‍ നടന്ന ചര്‍ച്ചകളും സോഷ്യല്‍ മീഡിയയുടെ സംശയത്തെ ബലപ്പെടുത്തുന്നുണ്ട്. തനിക്ക് കുട്ടികളെ ഭയങ്കര ഇഷ്ടമാണെന്ന് ശ്രുതി പറയുന്നുണ്ട്. പ്ലാനിംഗ് ഇല്ലായിരുന്നുവോ എന്ന് റെനീഷ ചോദിക്കുന്നുണ്ട്.

പ്ലാനിംഗ് ഒക്കെ തന്നെയായിരുന്നു. പക്ഷെ ജീവിതത്തിലെ തിരക്കുകളും കാര്യങ്ങളുമായിരുന്നുവെന്നും കുട്ടിയുണ്ടാകുമ്പോള്‍ അതിന് ഒരു ബുദ്ധിമുട്ടും ഉണ്ടാകരുതെന്നും ശ്രുതി പറയുന്നുണ്ട്. സെറ്റില്‍ ആകാനുള്ള സമയമാണ് എടുത്തത്. അങ്ങനെയെങ്കില്‍ താന്‍ തീര്‍ച്ചയായും ക്വിറ്റ് ചെയ്യുമെന്നും ശ്രുതി പറയുന്നുണ്ട്. 

പിന്നാലെ വീക്കിലി ടാസ്‌കിനിടെ ശ്രുതിയുടെ കാര്യത്തില്‍ വീട്ടിലെ അംഗങ്ങളില്‍ ചിലര്‍ കാണിക്കുന്ന കരുതലും സോഷ്യല്‍ മീഡിയയില്‍ ചര്‍ച്ചയാകുന്നുണ്ട്. ശ്രുതിയെ അധികം ബുദ്ധിമുട്ടിക്കണ്ടെന്നും റെസ്റ്റ് എടുത്തോളൂവെന്നും ശോഭയും മറ്റും പറയുന്നുണ്ടെന്നാണ് സോഷ്യല്‍ മീഡിയ പറയുന്നത്. രാവിലെ മുതല്‍ ശ്രുതിയ്ക്ക് ഛര്‍ദ്ദിയും മറ്റു പ്രശ്‌നങ്ങളുമുണ്ടായിരുന്നുവെന്നും സോഷ്യല്‍ മീഡിയ ചൂണ്ടിക്കാണിക്കുന്നുണ്ട്.

അതേസമയം ഇതേക്കുറിച്ച് വ്യക്തമായൊരു പ്രതികരണമോ തുറന്ന് പറച്ചിലോ ഇതുവരേയും ശ്രുതിയുടെ ഭാഗത്തു നിന്നുമുണ്ടായിട്ടില്ല. താരം മറ്റെന്തെങ്കിലും വിഷയത്തെക്കുറിച്ച് സംസാരിക്കവെ നടത്തിയ പരാമര്‍ശം മാത്രമാണോ ഇതെന്നും അറിയില്ല. റിപ്പോര്‍ട്ടുകള്‍ പറയുന്നത് പോലെ ശ്രുതി ഗര്‍ഭിണിയാണെങ്കില്‍ താരം ഷോയില്‍ നിന്നും ക്വിറ്റ് ചെയ്യുമോ എന്നും കണ്ടറിയണം. എന്തായാലും സോഷ്യല്‍ മീഡിയയുടെ ഭാവന മാത്രമാണോ ഇത് എന്നും എന്താണ് വസ്തുത എന്നും അധികം വൈകാതെ അറിയാനാകുമെന്നാണ് ആരാധകരുടെ പ്രതീക്ഷ. 

### Related Links & Sources
- [Original Story Source](https://moviemax.in/news/110512/shruti-lakshmi-pregnant-planning-to-quit-bigg-boss)