---
title: "ഉദ്ഘാടനം കഴിഞ്ഞ് നിൽക്കണം, എംഡിക്ക് എന്നോട് താൽപര്യമുണ്ടെന്ന്; വെളിപ്പെടുത്തി  അനാർക്കലി"
english_title: "Anarkali also spoke about a fan's behavior which she found unusual."
publisher: "moviemax.in"
canonical_url: "https://moviemax.in/news/110267/anarkali-also-spoke-about-a-fans-behavior-which-she-found-unusual"
published_at: "2023-04-21T21:06:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/6442ade2c77cb_anarkkali.jpg"
keywords: []
---

# ഉദ്ഘാടനം കഴിഞ്ഞ് നിൽക്കണം, എംഡിക്ക് എന്നോട് താൽപര്യമുണ്ടെന്ന്; വെളിപ്പെടുത്തി  അനാർക്കലി

> **Lead Summary:** ആനന്ദം എന്ന സിനിമയിലൂടെ സിനിമാ രംഗത്തേക്ക് വന്ന നടിയാണ് അനാർക്കലി മരിക്കാർ. വിമാനം, ഉയരെ, മന്ദാരം തുടങ്ങിയ സിനിമകളിൽ അനാർക്കലി പിന്നീട് അഭിനയിച്ചിട്ടുണ്ട്. സുലൈഖ മൻസിൽ, ബി മുതൽ 44 വരെ എന്നിവയാണ് അനാർക്കലിയുടെ പുതിയ സിനിമകൾ. സുലേഖ മൻസിലിൽ കേന്ദ്ര കഥാപാത്രം അനാർക്കലിയാണ്.

## Article Content

ആനന്ദം എന്ന സിനിമയിലൂടെ സിനിമാ രംഗത്തേക്ക് വന്ന നടിയാണ് അനാർക്കലി മരിക്കാർ. വിമാനം, ഉയരെ, മന്ദാരം തുടങ്ങിയ സിനിമകളിൽ അനാർക്കലി പിന്നീട് അഭിനയിച്ചിട്ടുണ്ട്. സുലൈഖ മൻസിൽ, ബി മുതൽ 44 വരെ എന്നിവയാണ് അനാർക്കലിയുടെ പുതിയ സിനിമകൾ. സുലേഖ മൻസിലിൽ കേന്ദ്ര കഥാപാത്രം അനാർക്കലിയാണ്.

ബി മുതൽ 44 വരെയിൽ ട്രാൻസ്ജെൻഡർ കഥാപാത്രത്തെയാണ് അനാർക്കലി അവതരിപ്പിക്കുന്നതെന്നും പ്രത്യേകതയാണ്. റെഡ് എഫ്എമ്മിന് നൽകിയ അഭിമുഖത്തിൽ തനിക്ക് ദുരുദ്ദേശ്യത്തോടെ വന്ന കോളിനെക്കുറിച്ച് സംസാരിച്ചിരിക്കുകയാണ് അനാർക്കലി. തനിക്ക് അസ്വാഭികമായി തോന്നിയ ഒരു ആരാധകന്റെ പെരുമാറ്റത്തെക്കുറിച്ചും അനാർക്കലി സംസാരിച്ചു. 

'പുള്ളി എല്ലാ ദിവസവും പുള്ളിയുടെ ജീവിതത്തിൽ നടക്കുന്ന കാര്യങ്ങൾ മെസേജയക്കും. ഇടയ്ക്ക് ഞാനെടുത്ത് നോക്കുമായിരുന്നു. മുഴുവനിരുന്ന് വായിക്കും. പുള്ളി എന്നെയൊരു ഇമേജിനറി ക്യാരക്ടറായാണ് കാണുന്നത്. ഞങ്ങൾ റിലേഷനാണെന്ന രീതിയിലാണ് പുള്ളി എന്നോട് സംസാരിക്കുന്നത്' 'ഭയങ്കര കാവ്യാത്മകമായിട്ട് ഓരോ കാര്യങ്ങളെഴുതും.

ചിലപ്പോൾ നീ ഇന്നിട്ട പോസ്റ്റ് എനിക്കിഷ്ടപ്പെട്ടില്ല എന്നൊക്കെ. എനിക്ക് ഭയങ്കര ഇന്ററസ്റ്റിം​ഗ് ആയാണ് തോന്നിയത്. പക്ഷെ എന്തോയൊരു പ്രശ്നം പുള്ളിക്കുണ്ട്. പുള്ളി ഓക്കെ അല്ല'. കാസ്റ്റിം​ഗ് കൗച്ച് അനുഭവങ്ങൾ തനിക്ക് വന്നിട്ടില്ലെന്ന് അനാർക്കലി പറയുന്നു. ആരും അങ്ങനെ തന്നോട് എന്തെങ്കിലും തരുമോയെന്നൊന്നും ചോദിച്ചിട്ടില്ല. അതെന്താ എന്നോടാരും ചോദിക്കാത്തതെന്ന് ഞാനെപ്പോഴും വിചാരിക്കും. എന്നെക്കാണുമ്പോൾ ഒരു ബോൾഡ് ഫീലിം​ഗാെക്കെയുണ്ടല്ലോ. അതാണോയെന്ന് അറിയില്ല.

'പക്ഷെ അടുത്തിടെ അതുപോലൊരു അനുഭവം ഉണ്ടായി. ദുബായിലൊരു ഉദ്ഘാടനം. ഉദ്ഘാടനം കഴിഞ്ഞ് പാർട്ടിയുണ്ട്. പാർട്ടി കഴിഞ്ഞിട്ട് അവിടെ തന്നെ നിൽക്കണമെന്ന്. അതെന്തിന് അവിടെ തന്നെ നിൽക്കണം എന്ന് ചോദിച്ചു. എനിക്കത് എന്തിനെന്ന് അറിയണം. ചോദിച്ച് ചോദിച്ച് അവസാനം അയാൾ പറഞ്ഞു. എംഡിക്ക് അനാർക്കലിയോട് താൽപര്യമുണ്ട്, പേയ്മെന്റൊന്നും പ്രശ്നമല്ലെന്ന്' .

'എനിക്കാണെങ്കിൽ ഭയങ്കര സന്തോഷം. ആരെങ്കിലും എന്നോട് ചോദിച്ചല്ലോയെന്ന്. താൽപര്യമില്ലെന്ന് ഞാൻ പറഞ്ഞു. താൽപര്യമുണ്ടാവാൻ ചാൻസുള്ള മറ്റ് സെലിബ്രറ്റീസുണ്ടോയെന്ന് ചോദിച്ചു. പോടോയെന്ന് ഞാൻ പറഞ്ഞു,' അനാർക്കലി ചിരിച്ച് കൊണ്ട് പറഞ്ഞതിങ്ങനെ

### Related Links & Sources
- [Original Story Source](https://moviemax.in/news/110267/anarkali-also-spoke-about-a-fans-behavior-which-she-found-unusual)