---
title: "സ്വന്തമായി അധ്വാനിച്ചുണ്ടാക്കിയ പൈസയ്ക്ക് വിവാഹാഭരണങ്ങൾ വാങ്ങുന്നു; വീഡിയോ വൈറൽ "
english_title: "Now, Malvika has shared a video of taking gold for marriage."
publisher: "moviemax.in"
canonical_url: "https://moviemax.in/news/110263/now-malvika-has-shared-a-video-of-taking-gold-for-marriage"
published_at: "2023-04-21T20:50:00+05:30"
category: "TV"
language: "ml"
image: "https://cf.zdn.im/img/truevisionnews.com/0/image-uploads/6442a9e9e18f3_MALAVIKA.jpg"
keywords: []
---

# സ്വന്തമായി അധ്വാനിച്ചുണ്ടാക്കിയ പൈസയ്ക്ക് വിവാഹാഭരണങ്ങൾ വാങ്ങുന്നു; വീഡിയോ വൈറൽ 

> **Lead Summary:** മിനിസ്ക്രീൻ പ്രേക്ഷകർക്ക് വളരെ പരിചിതയാണ് നടി മാളവിക കൃഷ്‌ണദാസ്‌. ഡാൻസർ, അവതാരക, അഭിനേത്രി എന്നിങ്ങനെ വിവിധ മേഖലകളിൽ തിളങ്ങിയിട്ടുണ്ട് താരം. ചെറുപ്പം മുതൽ റിയാലിറ്റി ഷോകളിലൂടെ മാളവിക പ്രേക്ഷകർക്ക് മുന്നിൽ എത്തിയിട്ടുണ്ട്. സോഷ്യൽ മീഡിയയിലൂടെയൊക്കെ സജീവമായ താരത്തിന് നിരവധി ആരധകരാണ് അവിടെയും ഉള്ളത്. നിലവിൽ ഏഷ്യാനെറ്റിൽ സംപ്രേഷണം ചെയ്യുന്ന ഡാൻസിങ് സ്റ്റാർസ് എന്ന റിയാലിറ്റി ഷോയിലും മാളവിക പങ്കെടുക്കുന്നുണ്ട്. 

## Article Content

മിനിസ്ക്രീൻ പ്രേക്ഷകർക്ക് വളരെ പരിചിതയാണ് നടി മാളവിക കൃഷ്‌ണദാസ്‌. ഡാൻസർ, അവതാരക, അഭിനേത്രി എന്നിങ്ങനെ വിവിധ മേഖലകളിൽ തിളങ്ങിയിട്ടുണ്ട് താരം. ചെറുപ്പം മുതൽ റിയാലിറ്റി ഷോകളിലൂടെ മാളവിക പ്രേക്ഷകർക്ക് മുന്നിൽ എത്തിയിട്ടുണ്ട്. സോഷ്യൽ മീഡിയയിലൂടെയൊക്കെ സജീവമായ താരത്തിന് നിരവധി ആരധകരാണ് അവിടെയും ഉള്ളത്. നിലവിൽ ഏഷ്യാനെറ്റിൽ സംപ്രേഷണം ചെയ്യുന്ന ഡാൻസിങ് സ്റ്റാർസ് എന്ന റിയാലിറ്റി ഷോയിലും മാളവിക പങ്കെടുക്കുന്നുണ്ട്. 

അടുത്തിടെയാണ് മാളവികയുടെ വിവാഹം തീരുമാനിച്ചത്. നടി തന്നെയാണ് തന്റെ യൂട്യൂബ് ചാനലിലൂടെ സർപ്രൈസായി വിവാഹ വിശേഷം പങ്കുവച്ചത്. നായികാ നായകനിൽ മാളവികയുടെ സഹ മത്സരാർത്ഥി ആയിരുന്ന തേജസ് ജ്യോതിയെ ആണ് താരം വിവാഹം കഴിക്കാൻ ഒരുങ്ങുന്നത്. ചെറിയ രീതിയിൽ നടത്തിയ വിവാഹ നിശ്ചയത്തിന്റെ വിശേഷങ്ങളൊക്കെ മാളവിക തന്റെ ആരാധകരുമായി പങ്കുവച്ചിരുന്നു.

വിവാഹത്തിന്റെ ഒരുക്കങ്ങളും ഓരോന്നായി മാളവിക പങ്കുവയ്ക്കുന്നുണ്ട്. ഇപ്പോഴിതാ, വിവാഹത്തിന് സ്വർണമെടുക്കുന്നതിന്റെ വീഡിയോ പങ്കുവച്ചിരിക്കുകയാണ് മാളവിക. ആദ്യമേ ഒരു ക്ഷമാപണത്തോടെയാണ് മാളവിക വീഡിയോ ആരംഭിക്കുന്നത്. വിവാഹത്തിന് ക്ഷണിക്കേണ്ട തിരക്കും, പര്‍ച്ചേഴ്‌സ് ചെയ്യേണ്ട തിരക്കും, അതിനിടയില്‍ ഡാന്‍സ് സ്റ്റാര്‍സിന്റെ ഷൂട്ടും റിഹേഴ്‌സലും ഒക്കെയായി ആകെ മൊത്തം ബിസിയാണ്.

അതിന് ഇടയില്‍ നിരന്തരമായി എല്ലാ കാര്യങ്ങളും യൂട്യൂബിലൂടെ അറിയിക്കാന്‍ സാധിച്ചില്ല. ഇനി അപ്പപ്പോൾ എല്ലാ വിശേഷങ്ങളും അറിയിക്കാം എന്ന് പറഞ്ഞാണ് മാളവിക വീഡിയോ ആരംഭിച്ചത്.

ഭീമ, മലബാര്‍ എന്നിങ്ങനെ രണ്ടു ജ്വലറികളിൽ നിന്നായി രണ്ടു ദിവസം കൊണ്ടാണ് കല്യാണത്തിന് ആവശ്യമായ സ്വര്‍ണാഭരണങ്ങള്‍ എല്ലാം വാങ്ങിയത്. ഒട്ടും പ്ലാനിങ് ഇല്ലാതെയാണ് വീഡിയോ എടുക്കുന്നത്. എല്ലാം ഒരു ഹറി ബറിയായിരുന്നു എന്ന് മാളവിക പറയുന്നുണ്ട്. പിന്നീട് ആഭരണങ്ങൾ അണിഞ്ഞു നോക്കുന്നതും മറ്റുമാണ് മാളവിക കാണിക്കുന്നത്. അതേസമയം, എന്തൊക്കെ സ്വർണാഭരണങ്ങളാണ് വാങ്ങിയത് എന്നൊന്നും മാളവിക വീഡിയോയില്‍ കാണിക്കുന്നില്ല. 

വിവാഹത്തിന് ഇനി വിരലിലെണ്ണാവുന്ന ദിവസങ്ങള്‍ മാത്രമേയുള്ളൂ. അതുകൊണ്ട് ഫുള്‍ സെറ്റ് കല്യാണത്തിന് സര്‍പ്രൈസ് ആയി കാണിക്കാം എന്നാണ് മാളവിക പറഞ്ഞിരിക്കുന്നത്. നായികാ വെഡ്‌സ് നായകൻ എന്ന ഹാഷ് ടാഗോടെയാണ് താരം വീഡിയോ പങ്കുവച്ചിരിക്കുന്നത്. അതേസമയം, നിരവധി പേരാണ് മാളവികയ്ക്ക് വീഡിയോക്ക് താഴെ ആശംസകളുമായി എത്തുന്നത്. ഒപ്പം മാളവികയെ പ്രശംസിച്ചു കൊണ്ടുള്ള കമന്റുകളും ഏറെയുണ്ട്. 

### Related Links & Sources
- [Original Story Source](https://moviemax.in/news/110263/now-malvika-has-shared-a-video-of-taking-gold-for-marriage)