---
title: "ടൊവിനോ തോമസ് ചിത്രം 'നീലവെളിച്ച'ത്തിലെ പുതിയ ​ഗാനം പുറത്തിറങ്ങി "
english_title: "New song from Tovino Thomas movie 'Neelavelicham' is here"
publisher: "moviemax.in"
canonical_url: "https://moviemax.in/news/109532/new-song-from-tovino-thomas-movie-neelavelicham-is-here"
published_at: "2023-04-18T10:51:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/643e29e6cfe95_neelavelichatm.jpg"
keywords: []
---

# ടൊവിനോ തോമസ് ചിത്രം 'നീലവെളിച്ച'ത്തിലെ പുതിയ ​ഗാനം പുറത്തിറങ്ങി 

> **Lead Summary:** മലയാളികൾ ഒന്നടങ്കം കാത്തിരിക്കുന്ന ടൊവിനോ തോമസ് ചിത്രം 'നീലവെളിച്ച'ത്തിലെ പുതിയ ​ഗാനം റിലീസ്‌ ചെയ്തു. പഴയ ചിത്രത്തിലെ 'പൊട്ടിത്തകർന്ന കിനാവു കൊണ്ടൊരു..' എന്ന മനോഹര ​ഗാനത്തിന്റെ പുനഃരാവിഷ്കരണമാണ് ഈ​ഗാനം. കെ എസ് ചിത്രയാണ് ​ഗാനം ആലപിച്ചിരിക്കുന്നത്.

## Article Content

മലയാളികൾ ഒന്നടങ്കം കാത്തിരിക്കുന്ന ടൊവിനോ തോമസ് ചിത്രം 'നീലവെളിച്ച'ത്തിലെ പുതിയ ​ഗാനം റിലീസ്‌ ചെയ്തു. പഴയ ചിത്രത്തിലെ 'പൊട്ടിത്തകർന്ന കിനാവു കൊണ്ടൊരു..' എന്ന മനോഹര ​ഗാനത്തിന്റെ പുനഃരാവിഷ്കരണമാണ് ഈ​ഗാനം. കെ എസ് ചിത്രയാണ് ​ഗാനം ആലപിച്ചിരിക്കുന്നത്.

പി ഭാസ്കരൻ മാഷിന്റെ വരികൾക്ക് സം​ഗീതം നൽകിയിരിക്കുന്നത് എം എസ് ബാബുരാജ് ആണ്. എസ് ജാനകി ആയിരുന്നു പഴയ ​സിനിമയിൽ ഈ ​ഗാനം ആലപിച്ചത്. വൈക്കം മുഹമ്മദ് ബഷീറിന്റെ തിരക്കഥയെ അടിസ്ഥാനമാക്കി ആഷിഖ് അബു ആണ് ചിത്രം സംവിധാനം ചെയ്തിരിക്കുന്നത്.

ഏപ്രിൽ 20ന് ചിത്രം തീയറ്ററുകളിൽ എത്തും. നീലവെളിച്ചം എന്ന കഥയെ അടിസ്ഥാനമാക്കി മലയാളത്തിലെ തന്നെ ആദ്യ ഹൊറര്‍ സിനിമയായ ഭാര്‍ഗവീനിലയം റിലീസ് ചെയ്ത് 59 വര്‍ഷങ്ങള്‍ക്ക് ശേഷമാണ് വീണ്ടും നീലവെളിച്ചത്തിന് പുനരാവിഷ്‌ക്കാരം തയ്യാറാവുന്നത്.

റിമ കല്ലിങ്കല്‍, ടൊവിനോ തോമസ്, റോഷന്‍ മാത്യു, ഷൈന്‍ ടോം ചാക്കോ എന്നിവരാണ് പ്രധാനകഥാപാത്രങ്ങളെ അവതരിപ്പിക്കുന്നത്. ചെമ്പന്‍ വിനോദ് ജോസ്, ജെയിംസ് ഏലിയാസ്, ജയരാജ് കോഴിക്കോട്, ഉമാ കെ.പി, അഭിറാം രാധാകൃഷ്ണന്‍, രഞ്ജി കങ്കോല്‍, ജിതിന്‍ പുത്തഞ്ചേരി, നിസ്തര്‍ സേട്ട്, പ്രമോദ് വെളിയനാട്, തസ്നീം, പൂജ മോഹന്‍ രാജ്, ദേവകി ഭാഗി, ഇന്ത്യന്‍ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്.

ഒ.പി.എം സിനിമാസിന്റെ ബാനറില്‍ ആഷിഖ് അബു, റിമ കല്ലിങ്കല്‍ എന്നിവരാണ് നീലവെളിച്ചം നിര്‍മ്മിക്കുന്നത്. ഋഷികേശ് ഭാസ്‌ക്കരനാണ് ചിത്രത്തിന്റെ അധികതിരക്കഥ എഴുതിയിരിക്കുന്നത്. സജിന്‍ അലി പുലാട്ടില്‍ അബ്ബാസ് പുതുപ്പറമ്പില്‍ എന്നിവരാണ് സഹനിര്‍മാതാക്കള്‍.

ഗിരീഷ് ഗംഗാധരന്‍ ഛായാഗ്രഹണം നിര്‍വ്വഹിക്കുന്ന ചിത്രത്തിന്‍റെ എഡിറ്റിങ് വി. സാജനാണ്. പ്രൊഡക്ഷന്‍ കണ്‍ട്രോളര്‍ -ബെന്നി കട്ടപ്പന, കല- ജ്യോതിഷ് ശങ്കര്‍. മേക്കപ്പ്-റോണക്സ് സേവ്യര്‍.

വസ്ത്രാലങ്കാരം- സമീറ സനീഷ്. ശബ്ദ മിശ്രണം വിഷ്ണു ഗോവിന്ദ്, സൗണ്ട് ഡിസൈന്‍ വിഷ്ണു ഗോവിന്ദ്, നിക്സണ്‍ ജോര്‍ജ്. സ്ട്രിംഗ്‌സ് ഫ്രാന്‍സിസ് സേവ്യര്‍, ഹെറാള്‍ഡ്, ജോസുകുട്ടി, കരോള്‍ ജോര്‍ജ്, ഫ്രാന്‍സിസ്. സഹസംവിധാനം ഹരീഷ് തെക്കേപ്പാട്ട്, ബിബിന്‍ രവീന്ദ്രന്‍. സംഘട്ടനം സുപ്രീം സുന്ദര്‍, നൃത്ത സംവിധാനം ഡോ. ശ്രീജിത്ത് ഡാന്‍സിറ്റി. പി.ആര്‍.ഒ.- എ.എസ്. ദിനേശ്, ആതിര ദില്‍ജിത്ത്. പരസ്യകല യെല്ലോ ടൂത്ത്.

### Related Links & Sources
- [Original Story Source](https://moviemax.in/news/109532/new-song-from-tovino-thomas-movie-neelavelicham-is-here)