---
title: "പെണ്‍കുട്ടികള്‍ക്കൊപ്പം ഷര്‍ട്ടിടാതെ വിചിത്രമായി ഡാന്‍സ് ചെയ്യുന്നു'; അക്ഷയ് കുമാറിന് വിമര്‍ശനം"
english_title: "A clip of the event is going viral on social media."
publisher: "moviemax.in"
canonical_url: "https://moviemax.in/news/108067/a-clip-of-the-event-is-going-viral-on-social-media"
published_at: "2023-04-09T17:08:00+05:30"
category: "Bollywood"
language: "ml"
image: "https://cf.zdn.im/img/truevisionnews.com/0/image-uploads/6432a3d1ee521_akshay_kumar.jpg"
keywords: []
---

# പെണ്‍കുട്ടികള്‍ക്കൊപ്പം ഷര്‍ട്ടിടാതെ വിചിത്രമായി ഡാന്‍സ് ചെയ്യുന്നു'; അക്ഷയ് കുമാറിന് വിമര്‍ശനം

> **Lead Summary:** മൗനി റോയ്ക്കും സോനം ബജ്‌വയ്ക്കുമൊപ്പം ഷര്‍ട്ടിടാതെ ഡാന്‍സ് ചെയ്ത അക്ഷയ് കുമാറിന് ട്രോള്‍ പൂരം. യുഎസിലെ ദ എന്റര്‍ടെയ്‌നര്‍സിന്റെ വേദിയിലാണ് ഷര്‍ട്ടിടാതെ തൈരെ ഡാന്‍സ് ചെയ്ത് എത്തിയത്.

## Article Content

മൗനി റോയ്ക്കും സോനം ബജ്‌വയ്ക്കുമൊപ്പം ഷര്‍ട്ടിടാതെ ഡാന്‍സ് ചെയ്ത അക്ഷയ് കുമാറിന് ട്രോള്‍ പൂരം. യുഎസിലെ ദ എന്റര്‍ടെയ്‌നര്‍സിന്റെ വേദിയിലാണ് ഷര്‍ട്ടിടാതെ തൈരെ ഡാന്‍സ് ചെയ്ത് എത്തിയത്.

പരിപാടിയുടെ ഒരു ക്ലിപ് ആണ് സോഷ്യല്‍ മീഡിയയില്‍ വൈറലായി കൊണ്ടിരിക്കുന്നത്. അക്ഷയ്‌യുടെ ‘ഖിലാഡി 786’ എന്ന ചിത്രത്തിലെ ‘ബല്‍മ’ എന്ന ഗാനത്തിനാണ് താരം നടിമാരായ മൗനി റോയ്ക്കും സോനം ബജ്‌വയ്ക്കുമൊപ്പം ചുവടു വച്ചത്. എന്നാല്‍ 59 വയസുള്ള താരത്തിനെതിരെ വിമര്‍ശനങ്ങളും ട്രോളുകളുമാണ് എത്തിക്കൊണ്ടിരിക്കുന്നത്. ‘ഷെയിം ഓണ്‍ യു അക്ഷയ്’ എന്നാണ് ചിലര്‍ സോഷ്യല്‍ മീഡിയയില്‍ കുറിക്കുന്നത്.

”59 വയസുള്ള അമ്മാവന്‍ 23-24 വയസുള്ള പെണ്‍കുട്ടികള്‍ക്കൊപ്പം ഷര്‍ട്ടിടാതെ വിചിത്രമായി ചുവടുകള്‍ വയ്ക്കുന്നു. എന്തൊരു അപഹാസ്യമാണിത്” എന്നാണ് ഒരാള്‍ വീഡിയോ പങ്കുവച്ച് കുറിച്ചിരിക്കുന്നത്. വിമര്‍ശന കമന്റുകള്‍ നിറയുമ്പോഴും താരത്തിന്റെ ഫിറ്റ്‌നസിനെ പ്രകീര്‍ത്തിച്ച് ആരാധകരും രംഗത്തെത്തുന്നുണ്ട്.

[**https://twitter.com/i/status/1644669113111834624**](https://twitter.com/i/status/1644669113111834624)

അതേസമയം, ‘സെല്‍ഫി’ എന്ന ചിത്രമാണ് അക്ഷയ് കുമാറിന്റെതായി ഒടുവില്‍ പുറത്തിറങ്ങിയ ചിത്രം. ഏറെ പ്രതീക്ഷകളോടെയാണ് ചിത്രം എത്തിയതെങ്കിലും ബോക്‌സോഫീസില്‍ ചിത്രം വന്‍ പരാജയമായിരുന്നു. സുരാജ് വെഞ്ഞാറമൂടും പൃഥ്വിരാജും അഭിനയിച്ച ഡ്രൈവിംഗ് ലൈസന്‍സ് എന്ന ചിത്രത്തിന്റെ റീമേക്ക് ആയിരുന്നു സെല്‍ഫി.

സുരാജ് അവതരിപ്പിച്ച റോളില്‍ ഇമ്രാന്‍ ഹാഷ്മിയാണ് സെല്‍ഫിയില്‍ വേഷമിട്ടത്. ഡയാന പെന്റി, നുസ്രത് ബരൂച എന്നിവരും ചിത്രത്തില്‍ പ്രധാന കഥാപാത്രങ്ങളായിരുന്നു. ‘ബഡേ മിയാന്‍ ഛോട്ടെ മിയാന്‍’ എന്ന ചിത്രത്തിലാണ് അക്ഷയ് ഇപ്പോള്‍ അഭിയിച്ചു കൊണ്ടിരിക്കുന്നത്.

### Related Links & Sources
- [Original Story Source](https://moviemax.in/news/108067/a-clip-of-the-event-is-going-viral-on-social-media)