---
title: "'ഒപ്പ'ത്തിൽ അഭിനയിക്കാൻ ഒരു കോടി രൂപ ചോദിച്ചു,  മുപ്പത് രൂപയെങ്കിലും കിട്ടിയോ എന്ന് എംജി  "
english_title: "Now Meenakshi's words are gaining attention on social media"
publisher: "moviemax.in"
canonical_url: "https://moviemax.in/news/10745/now-meenakshis-words-are-gaining-attention-on-social-media"
published_at: "2021-11-15T08:29:00+05:30"
category: "TV"
language: "ml"
image: "https://cf.zdn.im/img/truevisionnews.com/0/image-uploads/6191cd6f0a618_.jpg"
keywords: []
---

# 'ഒപ്പ'ത്തിൽ അഭിനയിക്കാൻ ഒരു കോടി രൂപ ചോദിച്ചു,  മുപ്പത് രൂപയെങ്കിലും കിട്ടിയോ എന്ന് എംജി  

> **Lead Summary:** നടിയും അവതാരികയുമൊക്കെയായ മീനാക്ഷി സോഷ്യൽമീഡിയയിൽ ഏറെ സജീവമായ താരമാണ്. 2014ൽ ബാലതാരമായി വൺ ബൈ ടു എന്ന സിനിമയിലൂടെയെത്തിയ മീനാക്ഷി അമർ അക്ബർ അന്തോണി, ജംമ്നാപ്യാരി, ഒപ്പം, ഒരു മുത്തശ്ശിഗദ, കോലുമിഠായി, അലമാര, പുഴയമ്മ, മോഹൻലാൽ, ക്യൂൻ, അമീറ തുടങ്ങിയ സിനിമകളിലൂടെയാണ് ഏറെ ശ്രദ്ധ നേടിയത്.

## Article Content

നടിയും അവതാരികയുമൊക്കെയായ മീനാക്ഷി സോഷ്യൽമീഡിയയിൽ ഏറെ സജീവമായ താരമാണ്. 2014ൽ ബാലതാരമായി വൺ ബൈ ടു എന്ന സിനിമയിലൂടെയെത്തിയ മീനാക്ഷി അമർ അക്ബർ അന്തോണി, ജംമ്നാപ്യാരി, ഒപ്പം, ഒരു മുത്തശ്ശിഗദ, കോലുമിഠായി, അലമാര, പുഴയമ്മ, മോഹൻലാൽ, ക്യൂൻ, അമീറ തുടങ്ങിയ സിനിമകളിലൂടെയാണ് ഏറെ ശ്രദ്ധ നേടിയത്.

ടോപ് സിംഗർ എന്ന പരിപാടിയുടെ അവതാരകയായും മിനി സ്ക്രീൻ പ്രേക്ഷകർക്ക് സുപരിചിതയാണ്. ഇപ്പോഴിതാ മീനാക്ഷിയും സുഹൃത്തും ഗായികയുമായ ശ്രേയ ജയദീപും എംജി ശ്രീകുമാര്‍ അവതരിപ്പിക്കുന്ന അമൃത ടിവിയിലെ പറയാം നേടാം പരിപാടിയിൽ ഒരുമിച്ചെത്തിയപ്പോഴുള്ള വിശേഷം സോഷ്യൽമീഡിയയിൽ ശ്രദ്ധ നേടിയിരിക്കുകയാണ്.

എംജി ശ്രീകുമാർ അവതരിപ്പിക്കുന്ന പറയാം നേടാം പരിപാടിയിൽ എത്തിയപ്പോഴാണ് മീനാക്ഷി ഒപ്പത്തിലേക്ക് എത്തിയതിനെ കുറിച്ച് മനസ്സ് തുറന്നത്. അമർ അക്ബർ അന്തോണിയിലെ വേഷം കണ്ടിട്ടാണ് പ്രിയനങ്കിൾ ഒപ്പത്തിലേക്ക് വിളിച്ചത്. സിനിമയുടെ ഡിസ്കഷൻ നടക്കുന്ന ഫ്ലാറ്റിലേക്ക് എന്നെ വിളിപ്പിച്ചു.

അവിടെ പ്രിയനങ്കിലും ലാലങ്കിളും ഉണ്ടായിരുന്നു. കുറെ നേരം ഞങ്ങൾ വർത്തമാനം പറഞ്ഞു. അച്ഛനും ഒപ്പമുണ്ടായിരുന്നു, മീനാക്ഷി പറഞ്ഞിരിക്കുകയാണ്.

ഞാൻ അഭിനയിക്കാൻ ഒരു കോടി വേണമെന്ന് പറഞ്ഞു. പ്രിയനങ്കിൾ അപ്പോൾ രണ്ട് കോടി തരാലോ എന്ന് പറഞ്ഞു. ലാലങ്കിൾ അപ്പോൾ പറഞ്ഞത് മൂന്ന് കോടി കൊടുക്കൂ എന്നാണെന്ന് മീനാക്ഷി പറഞ്ഞു, അവസാനം 30 രൂപയെങ്കിലും കിട്ടിയോ എന്നാണ് അപ്പോൾ എം.ജി ശ്രീകുമാർ മീനാക്ഷിയോട് തിരിച്ച് ചോദിച്ചത്, അതൊക്കെ കിട്ടിയെന്നായിരുന്നു അപ്പോൾ മീനാക്ഷിയുടെ മറുപടി.

ശിശുദിനം പ്രമാണിച്ചാണ് പറയാനം നേടാം ഒപ്പത്തിനൊപ്പം എന്ന പേരിട്ട് മീനാക്ഷിയേയും ശ്രേയയേയും ഒരുമിച്ച് ചേർത്ത് പരിപാടി വെച്ചിരുന്നത്. തനിക്ക് ഒപ്പത്തിൽ പാടാൻ അവസരം ലഭിച്ചത് എംജി ശ്രീകുമാർ വഴിയാണെന്നും ശ്രേയ പരിപാടിയിൽ പറയുകയുണ്ടായി.

തനിക്കും ശ്രേയക്കും എല്ലാം പരസ്പരം അറിയാം എന്ന് മീനാക്ഷി പറയുകയുണ്ടായി. രാജു അങ്കിളിനെ വലിയ ഇഷ്ടമാണെന്ന കാര്യം അറിയാമോ എന്നാണ് അപ്പോൾ എം.ജി ശ്രീകുമാർ തിരിച്ച് ചോദിച്ചത്.

ഉവ്വെന്ന് മീനാക്ഷി പറഞ്ഞപ്പോൾ രാജു അങ്കിളിനെ പോലെയൊരാളെ വേണം കല്യാണം കഴിക്കാൻ എന്ന് പറഞ്ഞത് അറിയാമോയെന്നായി എം.ജി ശ്രീകുമാർ. വെറുതെ ഓരോന്ന് പറഞ്ഞ് വഴക്കുണ്ടാക്കല്ലേയെന്നാണ് അപ്പോൾ മീനാക്ഷി പറഞ്ഞത്.

### Related Links & Sources
- [Original Story Source](https://moviemax.in/news/10745/now-meenakshis-words-are-gaining-attention-on-social-media)