---
title: "അപ്പയിൽ നിന്നും ഈ ശീലമാണ് ഞാന്‍ പിന്തുടരുന്നത്, വിജയ് യേശുദാസ്‌"
english_title: "Vijay Yesudas interview is going viral."
publisher: "moviemax.in"
canonical_url: "https://moviemax.in/news/10622/vijay-yesudas-interview-is-going-viral"
published_at: "2021-11-14T13:11:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/6190bf76e70a4_YESHUDAS.jpg"
keywords: []
---

# അപ്പയിൽ നിന്നും ഈ ശീലമാണ് ഞാന്‍ പിന്തുടരുന്നത്, വിജയ് യേശുദാസ്‌

> **Lead Summary:** ലോക മെമ്പാടുമുള്ള ജനങ്ങൾ കേട്ട് ആസ്വദിക്കുന്ന മധുര ശബ്ദമാണ് ഗാനഗന്ധര്‍വ്വൻ യേശുദാസിന്റേത് . കേട്ടാലും കേട്ടാലും മതിവരാത്ത പാട്ടുകളാണ് ആ മഹാപ്രതിഭ സമ്മാനിച്ചത്. യേശുദാസിന്റെ ഗാനം മലയാളി കേട്ട് തുടങ്ങിയിട്ട് ഇന്നേക്ക് 60 വര്‍ഷം പിന്നിടുകയാണ്.

## Article Content

ലോക മെമ്പാടുമുള്ള ജനങ്ങൾ കേട്ട് ആസ്വദിക്കുന്ന മധുര ശബ്ദമാണ് ഗാനഗന്ധര്‍വ്വൻ യേശുദാസിന്റേത് . കേട്ടാലും കേട്ടാലും മതിവരാത്ത പാട്ടുകളാണ് ആ മഹാപ്രതിഭ സമ്മാനിച്ചത്. യേശുദാസിന്റെ ഗാനം മലയാളി കേട്ട് തുടങ്ങിയിട്ട് ഇന്നേക്ക് 60 വര്‍ഷം പിന്നിടുകയാണ്.

എല്ലാതരം ഗാനങ്ങള്‍ക്കും ജീവന്‍ പകര്‍ന്ന് ഗാനഗന്ധര്‍വ്വനായി തുടരുകയാണ് അദ്ദേഹം. കുടുംബത്തിലെല്ലാവരും പാട്ടുകാരാണെങ്കിലും അപ്പയുടെ വഴിയെ പിന്നണി രംഗത്തേക്കെത്തിയത് വിജയ് യേശുദാസാണ്.   അപ്പയെക്കുറിച്ച് വാചാലനായുള്ള വിജയ് യേശുദാസിന്റെ അഭിമുഖം വൈറലായിക്കൊണ്ടിരിക്കുകയാണ്.  ഒരു അഭിമുഖത്തിലായിരുന്നു വിജയ് അപ്പയെക്കുറിച്ച് സംസാരിച്ചത്.

തുടക്കത്തിലൊക്കെ യേശുദാസിന്റെ മകന്‍ ഇമേജ് പ്രശ്‌നമായിരുന്നു. നിരാശ അനുഭവപ്പെട്ട സന്ദര്‍ഭങ്ങളുമുണ്ടായിരുന്നു. പിന്നീട് അതൊരു പോസിറ്റീവായ കാര്യമാണെന്ന് തിരിച്ചറിഞ്ഞ് ചിന്താഗതി മാറ്റുകയായിരുന്നു വിജയ് യേശുദാസ്. അപ്പയുടെ മകനായി ജനിക്കാനായതാണ് ജീവിതത്തിലെ ഏറ്റവും വലിയ ഭാഗ്യമെന്ന് വിജയ് പറയുന്നു. ഇടനാഴിയില്‍ ഒരു കാലൊച്ചയിലൂടെയായിരുന്നു വിജയ് സിനിമയില്‍ ആദ്യമായി പാടിയത്. 8ാമത്തെ വയസ്സില്‍ വിജയിനെക്കൊണ്ട് ആ പാട്ട് പാടിപ്പിച്ചത് ദക്ഷിണാമൂര്‍ത്തിയായിരുന്നു.

ശബ്ദം നന്നായി സൂക്ഷിച്ചില്ലെങ്കിലാണ് അപ്പ വഴക്ക് പറയാറുള്ളത്. അതിനായി അപ്പ പിന്തുടരുന്ന കാര്യങ്ങള്‍ താനും ചെയ്യാതെ വരുന്ന സമയത്ത് വഴക്ക് കിട്ടാറുണ്ട്. സാധകം മുടക്കിയാലും, ഓവറായി എക്‌സര്‍സൈസ് ചെയ്താലും ചോക്ലേറ്റോ ഐസ്‌ക്രീമോ കഴിക്കുന്നത് കണ്ടാലുമെല്ലാം അപ്പ ചോദിക്കാറുണ്ട്. അപ്പയെന്ന ഗുരു പല കാര്യങ്ങളിലും കാര്‍ക്കശ്യക്കാരനാണ്. അതൊക്കെ പാലിക്കാനായി താനെന്നും ശ്രമിക്കാറുണ്ടെന്നും വിജയ് പറയുന്നു.

യേശുദാസിന്റെ മകന്‍ എന്ന നിലയില്‍ വിജയ് യേശുദാസിനോട് വിശേഷമായൊരു സ്‌നേഹമുണ്ട് മലയാളികള്‍ക്ക്. അപ്പയെക്കുറിച്ച് ആളുകള്‍ ചോദിക്കുമ്പോഴും സ്‌നേഹം അറിയിക്കാന്‍ ആവശ്യപ്പെടുമ്പോഴുമെല്ലാം അപ്പ ഞങ്ങള്‍ക്ക് മാത്രം സ്വന്തമല്ലെന്ന് തോന്നാറുണ്ട്. ഞങ്ങളുടേതും കൂടിയാണ് എന്ന തരത്തിലാണ് ആളുകള്‍ സംസാരിക്കാറുള്ളത്.

അപ്പയുടെ ലാളിത്യമാണ് ആ ജീവിതത്തില്‍ നിന്നും താന്‍ പകര്‍ത്തുന്നതെന്നും വിജയ് യേശുദാസ് അഭിമുഖത്തില്‍ പറഞ്ഞിരുന്നു. ദൈവികമായ രീതിയിലാണ് അപ്പ സംഗീതത്തെ കാണുന്നത്.

സാധാരണക്കാരാനായ ഒരാളായാണ് ഞാന്‍ സംഗീതത്തെ സമീപിക്കുന്നത്. ശബ്ദം എങ്ങനെയാണ് അപ്പ സൂക്ഷിക്കുന്നതെന്നുള്ളത് അപ്പയ്ക്ക് മാത്രമേ അറിയൂ. ആത്മസമര്‍പ്പണമായാണ് അപ്പ പാടാറുള്ളത്. പാട്ടില്‍ മുഴുകി ആസ്വദിച്ച് പാടുന്ന ശൈലിയാണ് തന്റേതെന്നും വിജയ് യേശുദാസ് അഭിമുഖത്തില്‍ പറഞ്ഞിരുന്നു.

### Related Links & Sources
- [Original Story Source](https://moviemax.in/news/10622/vijay-yesudas-interview-is-going-viral)