---
title: "സംവിധായകൻ വെട്രിമാരന്റെ ചിത്രത്തില്‍ വിജയ് നായകനാകുന്നു? റിപ്പോര്‍ട്ട്"
english_title: "Vijay is playing the lead role in director Vetrimaran's film? Report"
publisher: "moviemax.in"
canonical_url: "https://moviemax.in/news/105878/vijay-is-playing-the-lead-role-in-director-vetrimarans-film-report"
published_at: "2023-03-29T11:41:00+05:30"
category: "Kollywood"
language: "ml"
image: "https://cf.zdn.im/img/truevisionnews.com/0/image-uploads/6423d6b9a39d7_VIJAY.jpg"
keywords: []
---

# സംവിധായകൻ വെട്രിമാരന്റെ ചിത്രത്തില്‍ വിജയ് നായകനാകുന്നു? റിപ്പോര്‍ട്ട്

> **Lead Summary:** കരുത്തുറ്റ പ്രമേയങ്ങളുമായി ചിത്രം ഒരുക്കിയ സംവിധായകൻ വെട്രിമാരനും വിജയ്‍യും ഒന്നിക്കുന്നുവെന്ന് റിപ്പോര്‍ട്ട്. വെട്രിമാരനുമായി അടുത്ത സുഹൃത്ത് ബന്ധമുള്ള സംവിധായകൻ തമിഴ് ആണ് ഇതുസംബന്ധിച്ച് സൂചന നല്‍കിയത്.

## Article Content

കരുത്തുറ്റ പ്രമേയങ്ങളുമായി ചിത്രം ഒരുക്കിയ സംവിധായകൻ വെട്രിമാരനും വിജയ്‍യും ഒന്നിക്കുന്നുവെന്ന് റിപ്പോര്‍ട്ട്. വെട്രിമാരനുമായി അടുത്ത സുഹൃത്ത് ബന്ധമുള്ള സംവിധായകൻ തമിഴ് ആണ് ഇതുസംബന്ധിച്ച് സൂചന നല്‍കിയത്.

എന്നാല്‍ ഇക്കാര്യത്തില്‍ ഔദ്യോഗിക പ്രഖ്യാപനങ്ങള്‍ ഒന്നും വന്നിട്ടില്ല. ലോകേഷ് കനകരാജ് സംവിധാനം ചെയ്യുന്ന ചിത്രം 'ലിയോ'യിലാണ് വിജയ് ഇപ്പോള്‍ അഭിനയിച്ചുകൊണ്ടിരിക്കുന്നത്. ലോകേഷ് കനകരാജിന്റെ സംവിധാനത്തിലുള്ള വിജയ് ചിത്രത്തിന്റെ കശ്‍മീരിലെ ഷെഡ്യൂള്‍ അടുത്തിടെ പൂര്‍ത്തിയാക്കിയിരുന്നു.

കശ്‍മിരില്‍ വിജയ് ചിത്രത്തില്‍ പ്രവര്‍ത്തിച്ചവരെ ഉള്‍പ്പെടുത്തിയുള്ള വീഡിയോ 'ലിയോ'യുടെ പ്രവര്‍ത്തകര്‍ പുറത്തുവിട്ടിരുന്നു. തൃഷ ആണ് ചിത്രത്തില്‍ നായിക. ഗൗതം വാസുദേവ് മേനോൻ, അര്‍ജുൻ, മാത്യു തോമസ്, മിഷ്‍കിൻ, സഞ്‍ജയ് ദത്ത്, പ്രിയ ആനന്ദ്, ബാബു ആന്റണി എന്നിവരും വേഷമിടുന്നു.

വംശി പൈഡിപ്പള്ളി സംവിധാനം ചെയ്‍ത ചിത്രമായ 'വാരിസാ'ണ് വിജയ്‍യുടേതായി ഏറ്റവും ഒടുവില്‍ പ്രദര്‍ശനത്തിന് എത്തിയത്. വിജയ് നായകനായ 'വാരിസ്' എന്ന സിനിമയിൽ ഒരു പ്രധാന കഥാപാത്രമായി എസ് ജെ സൂര്യയും എത്തിയിരുന്നു.

വിജയ്‌യും എസ് ജെ സൂര്യയും ഒന്നിക്കുന്ന നാലാമത്തെ ചിത്രം എന്ന പ്രത്യേകതയുണ്ട് 'വാരിസി'ന്. ശ്രീ വെങ്കടേശ്വര ക്രിയേഷൻസിന്റെ ബാനറിൽ ദിൽ രാജുവും ശിരീഷും ചേർന്നാണ് ചിത്രത്തിന്റെ നിർമ്മാണം.

### Related Links & Sources
- [Original Story Source](https://moviemax.in/news/105878/vijay-is-playing-the-lead-role-in-director-vetrimarans-film-report)