---
title: "മോഹന്‍ലാലിന്റെ സൈക്കിള്‍ സവാരി, വൈറലായി വീഡിയോ "
english_title: "Mohanlal's bicycle ride, video goes viral"
publisher: "moviemax.in"
canonical_url: "https://moviemax.in/news/10471/mohanlals-bicycle-ride-video-goes-viral"
published_at: "2021-11-13T15:58:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/618f93ac1d0a6_.jpg"
keywords: []
---

# മോഹന്‍ലാലിന്റെ സൈക്കിള്‍ സവാരി, വൈറലായി വീഡിയോ 

> **Lead Summary:** മലയാളത്തിന്റെ ദി കംപ്ലീറ്റ് ആക്ടര്‍ എന്നാണ് മോഹന്‍ലാലിനെ വിശേഷിക്കറുള്ളത്. താരത്തിന്റെ വിശേഷങ്ങളും മറ്റും സോഷ്യല്‍ മീഡിയയില്‍ പങ്കുവെക്കാറുണ്ട് . ലോകമെമ്പാടും നിരവധി ആരാധകരുള്ള താരമാണ് മോഹന്‍ലാല്‍ . അതുകൊണ്ട് തന്നെ താരം പങ്കു വെക്കുന്ന ഫോട്ടോക്കളും മറ്റ് വിശേഷങ്ങളും വൈറലാകുകയും ആരാധകര്‍ ഏറ്റെടുക്കുകയും ചെയ്യാറുണ്ട് . ഇപ്പോഴിതാ അത്തരത്തില്‍ വൈറലാകുന്നത് മോഹന്‍ലാല്‍ സൈക്കിള്‍ സവാരി നടത്തുന്ന വീഡിയോ ആണ് .

## Article Content

മലയാളത്തിന്റെ ദി കംപ്ലീറ്റ് ആക്ടര്‍ എന്നാണ് മോഹന്‍ലാലിനെ വിശേഷിക്കറുള്ളത്. താരത്തിന്റെ വിശേഷങ്ങളും മറ്റും സോഷ്യല്‍ മീഡിയയില്‍ പങ്കുവെക്കാറുണ്ട് . ലോകമെമ്പാടും നിരവധി ആരാധകരുള്ള താരമാണ് മോഹന്‍ലാല്‍ . അതുകൊണ്ട് തന്നെ താരം പങ്കു വെക്കുന്ന ഫോട്ടോക്കളും മറ്റ് വിശേഷങ്ങളും വൈറലാകുകയും ആരാധകര്‍ ഏറ്റെടുക്കുകയും ചെയ്യാറുണ്ട് . ഇപ്പോഴിതാ അത്തരത്തില്‍ വൈറലാകുന്നത് മോഹന്‍ലാല്‍ സൈക്കിള്‍ സവാരി നടത്തുന്ന വീഡിയോ ആണ് .

മോഹന്‍ലാലിന്റെ അടുത്ത സുഹൃത്തായ സമീര്‍ ഹംസയാണ് ഇന്‍സ്റ്റാഗ്രാമിലൂടെ വീഡിയോ പങ്കുവെച്ചിരിക്കുന്നത്. താരത്തിനൊപ്പം സമീറും സൈക്കിള്‍ സവാരി നടത്തുന്നുണ്ട്.

നാടുവാഴികള്‍ എന്ന സിനിമയിലെ ‘രാവിന്‍ പൂന്തേന്‍’ എന്ന ഗാനത്തിന്റെ അകമ്പടിയോടെയാണ് സൈക്കിള്‍ സവാരി വീഡിയോ പോസ്റ്റ് ചെയ്തിരിക്കുന്നത്. ‘അനന്തന്റെ മോന്‍ ഇപ്പോഴും നാടുവാഴി തന്നെ’ എന്ന അടിക്കുറിപ്പും സമീര്‍ നല്‍കിയിട്ടുണ്ട്. അതേസമയം മോഹന്‍ലാല്‍ നായകനാകുന്ന മരക്കാര്‍ അറബിക്കടലിന്റെ സിംഹം എന്ന സിനിമ ഡിസംബര്‍ രണ്ടിന് തിയേറ്ററുകളില്‍ റിലീസ് ചെയ്യുകയാണ്.

രണ്ട് വര്‍ഷത്തെ കാത്തിരിപ്പിനൊടുവിലാണ് സിനിമയുടെ റിലീസ്. പ്രിയദര്‍ശന്‍ സംവിധാനം ചെയ്ത ചിത്രത്തിന്റെ ബജറ്റ് 100 കോടിയാണ്. തന്റെ ജീവിതത്തിലെ ഏറ്റവും ചിലവേറിയ സിനിമയാണിതെന്ന് സംവിധായകന്‍ പ്രിയദര്‍ശന്‍ പറഞ്ഞിരുന്നു. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍, സന്തോഷ് ടി കുരുവിള, റോയ് സി ജെ എന്നിവരാണ് ചിത്രം നിര്‍മ്മിക്കുന്നത്.

മലയാളത്തിന് പുറമെ ഹിന്ദി, തമിഴ് തെലുങ്ക്, കന്നട എന്നീ ഭാഷകളിലും ചിത്രം റിലീസ് ചെയ്യും. മഞ്ജു വാര്യര്‍, സുനില്‍ ഷെട്ടി, പ്രഭു, കീര്‍ത്തി സുരേഷ് എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങള്‍. അനില്‍ ശശിയും പ്രിയദര്‍ശനും ചേര്‍ന്നാണ് ചിത്രത്തിന്റെ തിരക്കഥ നിര്‍വ്വഹിച്ചിരിക്കുന്നത്.

### Related Links & Sources
- [Original Story Source](https://moviemax.in/news/10471/mohanlals-bicycle-ride-video-goes-viral)