---
title: "സിനിമയും പൈസയും ഇല്ലാതെ വരുമ്പോള്‍ പാഷന്‍ മാത്രം മതിയാകില്ലെന്ന് തോന്നും; സിജു വിത്സന്‍"
english_title: "Actor Siju Vitsan opens up about his early days."
publisher: "moviemax.in"
canonical_url: "https://moviemax.in/news/100743/actor-siju-vitsan-opens-up-about-his-early-days"
published_at: "2023-03-02T11:23:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/64003a99c4671_siju_valsan.jpg"
keywords: []
---

# സിനിമയും പൈസയും ഇല്ലാതെ വരുമ്പോള്‍ പാഷന്‍ മാത്രം മതിയാകില്ലെന്ന് തോന്നും; സിജു വിത്സന്‍

> **Lead Summary:** മലയാളികൾക്ക് സുപരിചിതനായ നടനാണ് സിജു വിത്സന്‍ . ഇപ്പോഴിതാ തന്റെ തുടക്കകാലത്തെ കുറിച്ച് പറഞ്ഞിരിക്കുകയാണ് നടന്‍ സിജു വിത്സന്‍. ഒരാപാട് ഓഡിഷന്‍സിന് പോയിട്ടുണ്ട്. സിനിമകളുടെ പൂജകള്‍ക്ക് എല്ലാം പോകും. സംവിധായകന്റെ മുന്നിലൂടെ നടക്കും.

## Article Content

മലയാളികൾക്ക് സുപരിചിതനായ നടനാണ് സിജു വിത്സന്‍ . ഇപ്പോഴിതാ തന്റെ തുടക്കകാലത്തെ കുറിച്ച് പറഞ്ഞിരിക്കുകയാണ് നടന്‍ സിജു വിത്സന്‍. ഒരാപാട് ഓഡിഷന്‍സിന് പോയിട്ടുണ്ട്. സിനിമകളുടെ പൂജകള്‍ക്ക് എല്ലാം പോകും. സംവിധായകന്റെ മുന്നിലൂടെ നടക്കും.

കൊള്ളാമെന്ന് പറഞ്ഞ് റോള്‍ തന്നാലോ എന്ന് കരുതിയിരുന്നു. ഒരാള്‍ തന്നോട് അഞ്ച് ലക്ഷം രൂപയാണ് ആവശ്യപ്പെട്ടത് എന്നാണ് സിജു പറയുന്നത്. സിനിമയുടെ പൂജയ്ക്കൊക്കെ പോയിട്ടുണ്ട്.

വിനയന്‍ സാറിന്റെ മുന്നില്‍ കൂടെ ഒക്കെ അങ്ങോട്ടും ഇങ്ങോട്ടും കുറേ നടന്നിട്ടുണ്ട്. എങ്ങാനും കണ്ടിട്ട് ഇവന്‍ കൊള്ളാം എന്ന് തോന്നി ഏതെങ്കിലും ഒരു വേഷം തന്നാലോ എന്ന് കരുതിയാണ് നടക്കുന്നത്. എല്ലാ പൂജയ്ക്കും പോകുമായിരുന്നു. 2009-2011 വരെയുള്ള കാര്യമാണ്.

അവിടെ പോയി വടയും ചായയും കുടിക്കുക, സംവിധായകരുടെ മുന്നില്‍ കൂടെ നടക്കുക ഇതായിരുന്നു. നമ്മളെയൊന്നും വിളിച്ചിട്ടുണ്ടാകില്ല. പക്ഷെ അങ്ങനെ നടന്നിട്ടും ഒരു സിനിമ പോലും കിട്ടിയിട്ടില്ല. താന്‍ വരുന്ന സമയത്ത് ഓഡിഷന്‍സേ ഉണ്ടായിരുന്നുള്ളൂ. ഇപ്പോള്‍ കുറവാണ്. അന്ന് തന്നോട് പൈസ ചോദിച്ചിട്ടുണ്ട്.

നായകനായി നിങ്ങള്‍ ഓക്കെയാണ്. പക്ഷെ വേറെ ഒരാളും ഓക്കെയാണ് അഞ്ച് ലക്ഷം രൂപയിട്ടാല്‍ ഓക്കെയാണ്, മറ്റേയാളും തരാന്‍ ഓക്കെയാണ് എന്ന് പറഞ്ഞിട്ടുണ്ട് എന്ന് പറഞ്ഞു. ‘എന്റെ പൊന്ന് ചേട്ടാ എന്റെ കൈയ്യില്‍ പത്ത് പൈസയില്ല എങ്ങനെയെങ്കിലും അഭിനയിച്ച് കുറച്ച് കാശുണ്ടാക്കണം എന്ന് കരുതിയാണ് ഞാന്‍ വന്നിരിക്കുന്നത്. ആ എന്നോട് കാശ് ചോദിച്ചാല്‍ എവിടെ ഉണ്ടാകാനാണ്’ എന്ന് താന്‍ ചോദിച്ചു.

സിനിമയും പൈസയും ഇല്ലാതെ വരുമ്പോള്‍ പാഷന്‍ മാത്രം മതിയാകില്ലെന്ന് തോന്നും. ആ സമയത്ത് പൈസയെങ്കിലും കിട്ടട്ടെ എന്ന് കരുതി സിനിമകള്‍ ചെയ്യും. എന്നാല്‍ അത് കുറച്് കഴിയുമ്പോള്‍ വേണ്ടെന്ന് തിരിച്ചറിയും എന്നാണ് സിജു വിത്സന്‍ ഒരു യൂട്യൂബ് ചാനലിന് നല്‍കിയ അഭിമുഖത്തില്‍ പറയുന്നത്.

### Related Links & Sources
- [Original Story Source](https://moviemax.in/news/100743/actor-siju-vitsan-opens-up-about-his-early-days)