---
title: "'നിന്‍റെ അരക്കെട്ടിൽ ചപ്പാത്തി ചുടണം' നിർമ്മാതാവിന്‍റെ വിചിത്രമായ ആശയത്തെ കുറിച്ച് താരം "
english_title: "The actor about the strange idea of ​​the producer"
publisher: "moviemax.in"
canonical_url: "https://moviemax.in/news/10042/the-actor-about-the-strange-idea-of-the-producer"
published_at: "2021-11-11T12:59:00+05:30"
category: "Bollywood"
language: "ml"
image: "https://cf.zdn.im/img/truevisionnews.com/0/image-uploads/618cc75027d38_.jpg"
keywords: []
---

# 'നിന്‍റെ അരക്കെട്ടിൽ ചപ്പാത്തി ചുടണം' നിർമ്മാതാവിന്‍റെ വിചിത്രമായ ആശയത്തെ കുറിച്ച് താരം 

> **Lead Summary:** ബോളിവുഡ് സിനിമാലോകത്തെ ഗ്ലാമർ നടിമാരിൽ മുന്നിലുള്ളയാളാണ് മല്ലിക ഷെരാവത്ത്. 2002 മുതൽ സിനിമാലോകത്തുണ്ട് മല്ലിക. സീനത്ത് എന്ന സിനിമയിലാണ് ഒടുവിൽ അഭിനയിച്ചത്. എങ്കിലും വെബ് സീരീസ് ലോകത്ത് ഏറെ സജീവവുമാണ് മല്ലിക. നിരവധി സിനിമകളിൽ ഐറ്റം ഗാനരംഗത്തിൽ അഭിനയിച്ചിട്ടുമുള്ള മല്ലിക ഇപ്പോഴിതാ ഒരു സിനിമയുടെ നിർമ്മാതാവ് തന്നോട് ആവശ്യപ്പെട്ട വിചിത്രമായൊരു കാര്യത്തെ കുറിച്ച് വെളിപ്പെടുത്തിയിരിക്കുകയാണ്.

## Article Content

ബോളിവുഡ് സിനിമാലോകത്തെ ഗ്ലാമർ നടിമാരിൽ മുന്നിലുള്ളയാളാണ് മല്ലിക ഷെരാവത്ത്. 2002 മുതൽ സിനിമാലോകത്തുണ്ട് മല്ലിക. സീനത്ത് എന്ന സിനിമയിലാണ് ഒടുവിൽ അഭിനയിച്ചത്. എങ്കിലും വെബ് സീരീസ് ലോകത്ത് ഏറെ സജീവവുമാണ് മല്ലിക. നിരവധി സിനിമകളിൽ ഐറ്റം ഗാനരംഗത്തിൽ അഭിനയിച്ചിട്ടുമുള്ള മല്ലിക ഇപ്പോഴിതാ ഒരു സിനിമയുടെ നിർമ്മാതാവ് തന്നോട് ആവശ്യപ്പെട്ട വിചിത്രമായൊരു കാര്യത്തെ കുറിച്ച് വെളിപ്പെടുത്തിയിരിക്കുകയാണ്.

അടുത്തിടെ 'ദി ലവ് ലാഫ് ലൈവ് ഷോ'യുടെ എപ്പിസോഡിലാണ് മല്ലിക ഷെരാവത്ത് ബോളിവുഡിലെ തന്‍റെ വിചിത്രമായ ഒരു അനുഭവത്തെ കുറിച്ച് തുറന്നു പറഞ്ഞത്. നടിയും അവതാരകയുമായ മന്ദിര ബേദി അവതരിപ്പിച്ച ടോക്ക് ഷോയിൽ മല്ലിക അതിഥിയായി എത്തിയതായിരുന്നു. സോഷ്യൽമീഡിയലോകത്ത് ഈ വെളിപ്പെടുത്തൽ വൈറലായിരിക്കുകയാണ്.

ഒരിക്കൽ ഒരു നിർമ്മാതാവ് ഒരു ഗാനരംഗം ചിത്രീകരിക്കാനുള്ള ആശയവുമായി എന്‍റെ അടുത്തു വന്നു. ഏറെ വിചിത്രമായ ഒരു ചിന്തയായിരുന്നു അയാളുടേത്. 'ബഡാ ഹോട്ട് സോംഗ് ഹേ' എന്നായിരുന്നു അയാൾ പറഞ്ഞത്. താങ്കള്‍ ഹോട്ടാണെന്ന് പ്രേക്ഷകർ എങ്ങനെ അറിയും എന്നായിരുന്നു അയാള്‍ എന്നോട് ചോദിച്ചത്, മല്ലിക പറഞ്ഞിരിക്കുകയാണ്.

അതിനായി നിങ്ങളുടെ അരക്കെട്ടിൽ ചപ്പാത്തി ചൂടാൻ കഴിയുന്നത്ര ചൂടാണ് നിങ്ങളെന്ന് കാണിക്കണം എന്നാണ് അയാള്‍ പറഞ്ഞത്. വിചിത്രമായ ഇത് കേട്ടിട്ട് ഇല്ല, അങ്ങനെയൊന്നും ചെയ്യുന്നില്ലെന്ന് ഞാൻ അപ്പോൾ തന്നെ പറയുകയായിരുന്നു.

ഇന്ത്യയിൽ എന്താണ് ഈ ഹോട്ട് എന്നതായി കണക്കാക്കുന്നതെന്ന് എനിക്ക് മനസ്സിലാകുന്നില്ല, ഹോട്ട് എന്നതിനെ കുറിച്ച് ഇത്ര വിചിത്രമായ ധാരണയുണ്ടെന്ന് ഞാൻ കരുതുന്നു, മല്ലികയുടെ വാക്കുകള്‍.

തന്‍റെ ബോൾഡ് ഓൺസ്‌ക്രീൻ വ്യക്തിത്വത്തിന്‍റെ പേരിലാണ് താൻ പലപ്പോഴും വിലയിരുത്തപ്പെട്ടതെന്നും മല്ലിക പറയുകയുണ്ടായി. ഖ്വാഹിഷ്, മർഡർ, ദി മിത്ത്, ഹിസ്സ്, തേസ് തുടങ്ങിയ ചിത്രങ്ങളിലൂടെ ശ്രദ്ധേയയായ മല്ലിക ബോളിവുഡിലെ പേരുകേട്ട ഐറ്റം ഡാൻസർ കൂടിയാണ്. ഇഷാ ഗുപ്ത, ഗൗതം റോഡ് എന്നിവർക്കൊപ്പം എംഎക്‌സ് പ്ലെയർ സീരീസായ നകാബിലാണ് മല്ലിക ഏറ്റവും ഒടുവിൽ അഭിനയിച്ചത്.

### Related Links & Sources
- [Original Story Source](https://moviemax.in/news/10042/the-actor-about-the-strange-idea-of-the-producer)